|
المحرز في الشعر الشعبي الفحصي الجزائري
*المحرز
في الشعر الشعبي الفحصي الجزائري هو نوع جديد من النظم في الشعر الشعبي , بلهجة أهل الفحص الجزائري , يحوز "الشاعر" من خلاله على ملكات الابداع في نظم كلام َموزون و مقفى يتم تسجيله و حفظه في قصائد و على أشكال متنوعة, يدخر فيها " الشاعر " نفائس الحكمة و القول الحسن , و هو عكس ( الهجاء) , يغلب عليه فيما يتضمنه من مبالغة في حفظ و حرز دخائر الحكمة الشعبية ... و المحرز "صنعة" لتحسين الكلام و المعاني في اتجاه الفصاحة بتعاريف و مرمات متعددة, و تسمي القصيدة فيه " بالعرصة ". * محرز *كانت النية ... كانت النية * و كان الخير و كانت السقية * من البير - كانت المحبة * و كانت الصبا * و كان المنجل يقطع من القطمير و كانت العقبة * تنطوى بالزربة * و كانت الخطوة تجيب الخيــــر - كانت الرجال كي تزهر الشر يتقرقب كي القصدير و كانت النساء كي تستر تجيب معاها غير الخير و كانت الصبيان تتمخطر في ناصيتها الربح غدير و كانوا الجدود كي المطمر معمر عولة من الشعير و كان المكتوب فيه الزهر و كان القلب بالسماح كبير - حتى أصبحنا يا وعدي * كي المنشار يجيب و يدي و النجارة غبار مندي * غش و حيلة و تمنكير هذي طبايع ذا المخلوق اللهاف و الراي المسلوب أنسى باللي كل شيء بالمكتوب و الدايم فيها ربي سواد حاله كي الغراب ايامه أسودت و نوره جبا *هكذا سار على الدروب كثرت طيحاته يا غلبي من الدموع نعطبت الاهداب و الناس بالكلام طبا * و الخاطر مجروح معطوب أمسهره الغش و اللهبي عليل و صابر للعطاب و ادخل صفوف الغلبة *الله يستر فينا العيوب و يبعد عنا كل عجبي * قالت الذيبة للبة أشحال من مرة تولدي يا عبجي ؟ ردت اللبة الجواب مرة وحدة و انخبي عوقت الذيبة بصوت كلاب أنا خير منك في زربي اللبة برزت الأنياب * و قالت فاش هذا يا عجبي؟ قالت الذيبة و هي تزوخ أنا في كل عام نتبتخ في كل كرش نفش نفاخي نجيب خمسة يتصارخوا قالت اللبة عرفتي واش نجيب ؟ سقسيني نوريك العجب *كي تولدي أنت الجرابع موسخين حالهم ما يخلع يباتوا يعويو و أنت ترغي *بنفاسي نجيب السبع كي تسمعي اسمه تتمرغي * الذيبة حالها توسوس * كي سمعت اسم الهصهاص * من أسماء الأسد قالت لها وهي طورص ما أعرفت باللي أنت أم العفروس * من أسماء الأسد هربت الخايبة و رحلت و بقى الحديث قياس اللبة تجيب السبع درهاس * من أسماء الأسد و الذيبة تجيب جراو خساس * و الحديث قياس محمد داود |
رد: المحرز في الشعر الشعبي الفحصي الجزائري
:11::11:مشكوووور:11::11:
|
| الساعة الآن 11:42 AM. |
Powered by vBulletin
قوانين المنتدى