قاطو السيار سهل و اقتصادي
 

المقادير
3بيضات
كاس سكر عادي
كاس زيت
كاس ونص نشاء
باكي خميرة
مبشور حبة ليمون
فرينة حسب الحاجة
للتزيين
مربى
كوكاو مرحي خشين
التحضير
نضع في اناء غامق شوي البيض والسكر نخفق مليح بواسطة فووي يدوي حتى يذوب السكر ثم نضيف الزيت ونحنا دايما نخلطو ومن بعد نزيد مبشور الليمونة والنشاء والخميرة وفي الاخير نزيد الفرينة حتى نتحصل على عجينة طرية وما تلصقش في اليدين نعملها كويرات وزنها 20غ وللي ما عندهاش ميزان تعملها قد اصفر البيضة باه يجيو الحبات متساويين
نكورهم مليح ثم نبلاتيهم على السيار والا كاين واحد الشبيكة سبيسيالمو لهذا القاطو راي متواجدة في السوق وراني صورت هالكم
ومن بعد نحطهم في صينية الفرن مفرشة بورق الطهي وندخلوهم لفرن متوسط الحرارة هذا القاطو بالخف يطيب
كي يطيب القاطو نخلوه يبرد ومن بعد نلصقو كل زوج بالمربى ونزين الاطراف باي نوع من المكسرات مرحي خشين

https://scontent-mrs1-1.xx.fbcdn.net...7c&oe=57EFCF6B