منتديات الشروق أونلاين

ولفِي غانُو

من نظم –الشيخ علي طَاِيْبِي-أطال الله في عمره-

ناسَكْ يا زِينَتْ البهاء يا الغزَالة غَانُو **** سَمَّاوَكْ يَا ضِيْ ابْصَرِي مُولاَتِي غَانِيَة

و َانَا في طَرْزْ اشْعَارِي **** سَمِّيتَكْ يَا وَلْفِي غَانُو

مَارِيتْشْ مَثْلَكْ يَا العَدْرَة فِي النَّسْوَانِي **** فِي بَنَاتْ جِيلْنَا و فَايَتْ طَايْعَتَكْ الكُلِّيَا

عَظْمُوكْ فِي المَشْوَارِ **** بَيْعُولَكْ يَا سُلْطَانُه

خَدَّكْ حْكِيتْ وَرْد فَاتَحْ وَ الشَّفْرْ سُودَانِي **** وَ الرَّقْبَة البَاهِيَة زَادَتْ قَلْبِي كِيَة

العُيُونْ اسْبَابْ اضْرَارِي **** هَلْكُونِي مَعَ ضِيْ جْبِينُه

الصَّدْر اصْفَى مِنَ المَرْمَرْ زَادْ هُولِي وَ احْزَانِي**** وَ ازْنُدَكْ كَا سْيُوفْ فِي وَقْت المَشْلِيَة

وَ اشْعُورَكْ ضَلِيمْ اسْحَرِي **** هَذُو اوْصَيْفَكْ يَا غَانُو

انَايَا اسْبَابْ لِيعَتِي هِيَ وَلْفِي غَانُو **** مَلْكَتْ قَلْبِي وَ اغْرَامْهَا رَاهْ جَارْ عْلِيَا

مَا عَطْفَتْ مِيمْ ابْصَارِي**** وَ اتْقُوَّى ضَرِي وَ امْحَانُو

حِينْ نَسْمَعْ اسْمَكْ يَا لاَلَّة تَشْعَلْ نِيرَانِي**** مَا نُوجَدْ صَبْرْ مَنَّكْ وَ لاَ حَنِّيَة

كَا طِيرْ هَايَمْ عَلَى اوْكَارِي**** رَاهْ خَايَفْ مَنْ عَدْيَانُه

وَ إذَا انْشُوفَكْ يَزْدَاتْ عَذَابِي وَ امْحَانِي **** يَصْفَارْ لُونِي وَ تَذْبَلْ ذَاتِي مَهِيَة

مَا اجْبَرْتْ طَبِيبْ لَضْرَارِي**** مَنْ ذَالغَرَامْ وَ تِيهَانُه

شُوفِي لْحَالْتِي اليُومْ يَا العَدْرَة كِي رَانِي**** مَتْعَذَّبْ فِي هَوَاكْ وَ انْتِيَا فِي تَسْلِيَا

يَاكْ بِيكْ يَلْقَحْ انْوَارِي **** وَ تْعُودْ سُلْطَانْ جْنَانُه

نَطْلَبْ رَبِي الكَرِيمْ يَبْلِيكْ كِمَا ابْلاَنِي**** وَ تْذُوقِي لِيعْتْ الغَرَامْ وَ الهَجْرِ وَ الكِيَّة

تَبْكِي مَا بَكَاوْ ابْصَارِي **** تَنْسَايْ الفَرْحْ وْ سَلْوَانُه

تَبْكِي اللِّيلْ مَعَ النَّهَارْ و انَايَا هَانِي **** يَحْرَمْ عَلِيكْ المَنَامْ كِمَا حْرَمْ علِيَا

تَنْصَهْدِي بْحَرْ اجْمَارِي **** حَتَّى يْرِيدْ رَبِي سَبْحَانُه

أسْمِي مَا يَخْفَى انْبَيْنُه فِي حُرُوفْ اوْزَانِي **** طَايْبِي عَلِي لَلْجَاحْدِينْ ظَرْبَة سَمِّيَة

ضَاهَرْ فِي سَاعَةْ لُقْحَارِ **** بَحْرُوفْ وَ امْعَانِي غِوَانُه

اخْتَمْت هَذْ البِيَاتْ نَسْتَغْفَرْ لَلْحِيْ الغَانِي **** وَ السَّلاَمْ انْهِيبُه لَلْأشْيَاخْ مَعَ الأوْلِيَاء

بَالمَسْكْ عْمِيرِي وَ قْمَارِي**** نَسْرِي وَ زَهْرْ وْ سِيسَانُه

نَاسَكْ يَا زِينَتْ البَهَاء يا الغُزَالَة غَانُو **** سَمَّاوَكْ يَا ضِيْ ابْصَارِي مُولاَتِي غَنِيَة

وَ انا فِي طَرْزْ اشْعَارِي **** سَمِيتَكْ يَا ولْفِي غَانُو

تمت- لا يفوتنِي ان أعتذر من الشيخ على طايبي ان كنت قد اخطأت

او نسيت منهَا شئ فمعذرة-