لكل أم (منقولة)
 

اللي قصت شعر بنتها عبكير مشان يسمك انتي صح
و اللي تركته مشان تفرح فيه و تقعد تسرحها و تحطلها شكلات وبكلات انت صح🤗
اللي نيمت ابنها بحضنها من اول ما خلق و ماقدرت ينام بتخت منفصل عنها و وماكانت تنام غير وهو بحضنها وشامة ريحته انت صح🤗
و اللي قررت من اول يوم ابنها ينام بتخته او حتى في غرفته مشان ماتتعب لما تحب تفصله و مشان مايبقى لزقان فيها ..انت صح🙄
اللي كل ما ابنها بيبكي مابيهون عليها و بتحملوا و وتضموا لحضنها و تهديه انتي صح🤗
اللي بتترك ابنها يضل يبكي مشان مايتعود ع الحملان انت صح🤗
اللي بلشت بتعليم طفلها الحمام من سنه و عشر شهور مشان ابنها مايتعود ع البامبرز انتي صح🤗
اللي تركت ابنها بالباميرز لعمر السنتين و نص مشان يكون واعي وفاهم انتي صح🙄
اللي حابة تجيب ولاد ورا بعض مشان تكون الصعوبة مرة واحده انت صح🙄
اللي حابة تخلف بس بين كل طفل و التاني ٤-٥ سنين مشان تكون التفتت لنفسها و تعرف تتفرغ للبيبي اللي وراه انت صح🙄
اللي بدها تسمي بنتها من الاسامي الجديده اللي طالعه: تالين، ساندرا، كلارا، بيتي، و ان شاالله نفتالين انتي صح هي بنتك لحالك انتي اللي تعبتي و رح تتعبي فيها 😇
اللي بدها تسمي بنتها اسم تقليدي او اسم قديم،،، نازلي، نهاد و ان شاالله نحمدُه انتي حره انت صح😇
اللي بدها ولادها يبلشوا يعتمدوا على حالهن من بكير و تتركهم يروحوا يشتروا أغراضهم بنفسهم و ويعطوا المصاري للكاشير و يستنوا الباقي بس تحت اشرافها من بعيد انتي صح🤗
اللي بدها دايما ولادها في حضنها و بتخاف عليهم من الناس الغربا انتي صح🤗
اللي مابتضرب ولادها و لا بتصرخ و ماشيه معهم بالورقه و القلم انتي صح🤗
و اللي بتفقد اعصابها غصب عنها و ممكن تضربه(الضرب الغير مبرح الغير مهين)انتي صح نحنا بشر🤗
كلنا صح يا صبايا كلنا امهات و كلنا بنحب ولادنا و بنخاف عليهم و بدنا نربيهم احسن تربية🤗
مو معنى اني اذا إختلفت في طريقتي عن غيري وبستخدم اسلوب غير هاد مابيعني اني ماكون ام 🤗
انتي ادرى واحده بظروفك و بيتك و ولادك اشتغلي اللي بدك ياه واعملي يلي بيريحك انت صح🤗
لاتسمحي لحدا يقلل من مجهودك مع ولادك ويحسسك انك مقصرة