قُولُوا لِمَنْ جَاء يَتْكُولَفْ
قُولُوا لِمَنْ جَاء يَتْكُولَفْ قُولُوا لِمَنْ جَاء يتْكُولَفْ فَمُه يْلَجْمُه ** وَ يْشَدْ لْسَانُه يْلَايْمُه ** هَذَا البَحْرْ صْعِيبْ لَازْمُه عُوَامْ وَانْتَ صْغِيرْ غُرِّي عْظِمَاتَكْ مَا يْقَاوْمُو ** المُوجْ العَاتِي مَا تْنَجْمُو ** يَتْهَرَّسْ شَقْفَكَ يْصِيرْحْطَامْ فِي مْجَالْسْ الْكْبَارْ امْثَالَكْ عِيبْ يَتْكَلْمُوا ** مَا لْهُمْ دِرَايَة مَا تْعَلْمُوا ** مَا فَهْمُوا مَعْنَة وْلاَ صَرْفْ كْلاَمْ وْ سَبْقُوا لَلْمِدَان زَدْمُوا تْقَدْمُوا ** كَانْ مِنَ الوَاجَبْ يَحّشْمُوا ** مْوَاضَعْهُمْ فِي الخَلْفْ جَاوْ لَلْأمَامْ وَ بْدَاوْ بَالْقْبَاحَة فِي خَلْقْ الله يَشَّتْمُوا ** مَا حَسْبُوشْ لَنْهَارْ يَنْدَمُوا ** وْيَحَّصْلُوا في وَقْتْ مَا يْفِيدْ نْدَامْ يا تَالْفْ العَقَلْ دِيرْلْفُمَكْ كْمَامْ كَمَّمُو ** بَشْكِمَةْ حْدِيدْ شَكْمُه ** رَاهِي الغَتْبَة فِي قْفَا الغِيرْ احْرَامْ الجَهْلِينْ مَثْلكْ كِي يْحَبُّو يَتْكَلْمُو ** يَسْتَأذَنْ مَنْ اللِّي عَلْمُو ** و إذَا قَالُّهْ اصْمُتْ يْقُولْ نْعَامْ حْسَبْتْهَا سَابَتْ تْقَابَحْ سيدَكْ وَ تْلُوْمُه ** وَتَطْعَنْ في كْلاَمْ نَضّْمُه ** بْلاَ أدَبْ لاَ ترْبِيَة و لاَ نِضَامْ غُرِّي جَاء يْعَانَدْ نُورِيلُه وَاشْ يَلْزَمُه ** نَطْلَقْ سْهَامِي نْعَدْمُه ** في يَدّو كَلْخَة حْسَبْ شَدْ حْسَامْ ذَالقُومْ لَلْبْلَا يَسبْقُو بْلاَ مَا يخَمَّمُو ** مَا يَعَيَاوْ وَ لاَ يْسَلْمُو ** هَذِي عَدَتْهُمْ عَنْ سَايَرْ لِيَامْ هَذِي طْبَاعْهُمْ وَرْثُهَا وْ هَاكْذَا تْعْلْمُو ** مَا يَسَّكْتو مَا تْبَكْمُو ** كَأنَّهُمْ اوْجَاقْ شَادِّيِنْ عْظَامْ يَا تَالْفْ العْقلْ دِيرْ كْمَامْ لْفُمَّكْ كَمَّمُو ** بَشْكِيمَةْ حْدِيدْ شَكْمُو ** رَاهِي الغَتْبَة في قْفا الغِيرْ احْرَامْ قَاعْدِينْ لَلْخْصَرَة يَسْتَلَذُو كِي يْهدْمُو ** أشْرَارْ الخَلْقْ إذا تْلاَيْمُو** مَنْ غِيرْ االغَتْبَة مَا لْهُمْشْ كْلاَمْ البُغْضْ وَالحْسَدْ سَكَنْهُمْ يَبْغُو يْحَطْمُو ** كُلْ مَنْ اعْطَاهْ الله ولَهْمُو ** يَسّبْقُو لَلْعِيبْ غَاوْيِينْ خْصَامْ يْعَطْلُو فِي لَعْبَادْ مَا رَحْمُو مَا اَرْتَاحْمُو ** دَايْرٍينْهَا حَرْفَة ايْناَقْمُو ** مَا يَعَّتْقُو كْبِيرْ وَلاَ صْغِيرْ غْلاَمْ نَصّْبُو انْفُوسْهُمْ عُلَمَاء بْلاَ مَا تْعَلْمو ** وْ حَسْبُو الأشْيَاخْ سَلْمُو** مَغْرُورِينْ وْعَايْشِينْ فِي الأوْهَامْ غَابُو الطُّيُورْ خَرْجُو افْرَاخْ البُومَة يْحَوْمُو** الأرْنَبْ شَمَّرْعْلَى كْمَايْمُو** جَاء لْبَابْ العَرِينْ يْبَارْزْالذُّرْغامْ يَا تَالْفْ العْقَلْ دِيرْ لْفُمَكْ كْمَامْ كُمَّمُو ** بَشْكِيمَةْ حْدِيدْ شَكَّمُو ** رَاهِي الغَتْبَة فِي قْفَا الغِيرْ احْرامْ انْهِيتْ مَا نْظَمْتْ بَالحَمْدُ لِلَّهْ نَخْتْمُو ** مَا عْبَقْ وَرْدْ مَعَ نْسَايْمُو** صَلآوَاتْ عَلَىى الشَّفِيعْ فِي الأنَامْ وَسْلاَمِي لَلْأشْيَاخْ اللِّي مازَالْ يَنْظْمُو ** واللِّي مَاتْ الله يَرْحَمُو ** وَالْحَاسَدْ فِي عِينِيهْ خَمْسْ سْهَامْ مَذْمُومْ مَالُو قِيمَة عَنْدِي مَا نْفَخمُو ** مَسْخُو مُلاَنَا وْ قَزْمُو ** مَا يَسْوَى قِيمَةْ نَعْلْ فِي لَقْدَامْ قْرَا حْرُوفْ الأبَجَدْ أسْمِي تَطَرْجْمُو ** خَللِّي اعْدَايَا يَتْأَلْمُو ** مِيتِينْ وَالعَشْرة وألِيفْ وْلاَمْ عَامْ ألِيفْ و دَالْ و جِيمْ نْرَصّْمُو ** وَ الوَاوْ بِيهْ ظَهْرُو عْلاَيْمُو ** شَهْرْ ذِي االحِجَّة فِي ثَالَثْ لِياَمْ يَا تَالْفْ العَقَلْ دِيرْ لْفُمَكْ كْمَامْ كُمَّمُو ** بَشْكِيمَةْ حْدِيدْ شَكْمُو ** رَهِي الغَتْبَة فِي قْفَا الغِيرْحْرَامْ تمت الله ..محمد ريال..بعون |
رد: قُولُوا لِمَنْ جَاء يَتْكُولَفْ
((حَدَّثَنَا ابْنُ أَبِي عُمَرَ حَدَّثَنَا عَبْدُ اللَّهِ بْنُ مُعَاذٍ الصَّنْعَانِيُّ عَنْ مَعْمَرٍ عَنْ عَاصِمِ بْنِ أَبِي النَّجُودِ عَنْ أَبِي وَائِلٍ عَنْ مُعَاذِ بْنِ جَبَلٍ قَالَ كُنْتُ مَعَ النَّبِيِّ صَلَّى اللَّهُ عَلَيْهِ وَسَلَّمَ فِي سَفَرٍ فَأَصْبَحْتُ يَوْمًا قَرِيبًا مِنْهُ وَنَحْنُ نَسِيرُ فَقُلْتُ يَا رَسُولَ اللَّهِ أَخْبِرْنِي بِعَمَلٍ يُدْخِلُنِي الْجَنَّةَ وَيُبَاعِدُنِي عَنِ النَّارِ قَالَ لَقَدْ سَأَلْتَنِي عَنْ عَظِيمٍ وَإِنَّهُ لَيَسِيرٌ عَلَى مَنْ يَسَّرَهُ اللَّهُ عَلَيْهِ تَعْبُدُ اللَّهَ وَلَا تُشْرِكْ بِهِ شَيْئًا وَتُقِيمُ الصَّلَاةَ وَتُؤْتِي الزَّكَاةَ وَتَصُومُ رَمَضَانَ وَتَحُجُّ الْبَيْتَ ثُمَّ قَالَ أَلَا أَدُلُّكَ عَلَى أَبْوَابِ الْخَيْرِ الصَّوْمُ جُنَّةٌ وَالصَّدَقَةُ تُطْفِئُ الْخَطِيئَةَ كَمَا يُطْفِئُ الْمَاءُ النَّارَ وَصَلَاةُ الرَّجُلِ مِنْ جَوْفِ اللَّيْلِ قَالَ ثُمَّ تَلَا ( تَتَجَافَى جُنُوبُهُمْ عَنِ الْمَضَاجِعِ ) حَتَّى بَلَغَ ( يَعْمَلُونَ ) ثُمَّ قَالَ أَلَا أُخْبِرُكَ بِرَأْسِ الْأَمْرِ كُلِّهِ وَعَمُودِهِ وَذِرْوَةِ سَنَامِهِ قُلْتُ بَلَى يَا رَسُولَ اللَّهِ قَالَ رَأْسُ الْأَمْرِ الْإِسْلَامُ وَعَمُودُهُ الصَّلَاةُ وَذِرْوَةُ سَنَامِهِ الْجِهَادُ ثُمَّ قَالَ أَلَا أُخْبِرُكَ بِمَلَاكِ ذَلِكَ كُلِّهِ قُلْتُ بَلَى يَا نَبِيَّ اللَّهِ فَأَخَذَ بِلِسَانِهِ قَالَ كُفَّ عَلَيْكَ هَذَا فَقُلْتُ يَا نَبِيَّ اللَّهِ وَإِنَّا لَمُؤَاخَذُونَ بِمَا نَتَكَلَّمُ بِهِ فَقَالَ ثَكِلَتْكَ أُمُّكَ يَا مُعَاذُ وَهَلْ يَكُبُّ النَّاسَ فِي النَّارِ عَلَى وُجُوهِهِمْ أَوْ عَلَى مَنَاخِرِهِمْ إِلَّا حَصَائِدُ أَلْسِنَتِهِمْ قَالَ أَبُو عِيسَى هَذَا حَدِيثٌ حَسَنٌ صَحِيحٌ ))
|
رد: قُولُوا لِمَنْ جَاء يَتْكُولَفْ
اقتباس:
الله يبارك أخي الكريم الله يحفظ يمناك http://montada.echoroukonline.com/images/icons/sm5.gif |
رد: قُولُوا لِمَنْ جَاء يَتْكُولَفْ
اقتباس:
ربي يحفظك اخي عزيز رستمي مشكور سيدي على المرور الكريم |
رد: قُولُوا لِمَنْ جَاء يَتْكُولَفْ
4444444444444444444444
|
رد: قُولُوا لِمَنْ جَاء يَتْكُولَفْ
جميلة سي محمد يعطيك ألف صحة و عافية و ربي يتمم على خير إن شاء الله
|
رد: قُولُوا لِمَنْ جَاء يَتْكُولَفْ
اقتباس:
الجميل هو مرورك الكريم سيدي الفاضل شكرا براك الله فيك |
رد: قُولُوا لِمَنْ جَاء يَتْكُولَفْ
الله يطول عمرك ويبقي عليك الستر ياشيخ محمد سعيد و ربي يحفظك على هذا القصيد
|
رد: قُولُوا لِمَنْ جَاء يَتْكُولَفْ
اقتباس:
شكرا جزيلا سيدي الفاضل بوجمعة ربي يحفظك و يعطيك كل خير ان شاء الله |
رد: قُولُوا لِمَنْ جَاء يَتْكُولَفْ
حروفك جميلة جدااااا،،،، ذكرتني في الشيخ المجذوب
|
الساعة الآن 05:28 AM. |
Powered by vBulletin
قوانين المنتدى