ظاهرة رمي أعضاء أضحية العيد
 

السلام عليكم
بداية صح عيدكم وكل عام وأنتم بخير، وإن شاء الله يرجع علينا بلا أمراض ولا أوبئة، والحمد لله رغم أن الوضع الصحي و الإجتماعي غير ملائم للعيد إلا أن المسلمين لم يفرطوا بهذه السنة وإشتروا أضحية العيد ولكن مما يشار إليه وهذا هو موضوعنا اليوم هو إنتشار ظاهرة رمي أعضاء الأضحية حيث أنه كل سنة وإلا نشاهد هذا السلوك الغريب وإذا كان لدواعي صحية فهذا معدور ولكن إذا كان عدم الرغبة لبدل جهد و العمل فمن التبدير رمي نعم من نعم الله وكان من الأجدر التصدق بها، الله يهدينا والسلام.

رد: ظاهرة رمي أعضاء أضحية العيد
 

السلام عليكم ورحمة الله وبركاته
وعيدك مبارك وينعاد عليك بالصحة والهنا_ رغم التأخر _
الله يهديهم التفنيين واش يدير ..
يعني علاش يرميوهم وما يمدوهمش لناس محتاجة ،، واش راهم يتعنفقو على البوزلوف اللي راه يسوا فوق ال700دينار للكيلو، وإلا راهم يتعنفقو على الدوارة والكرشة اللي الزوالي مسكين ما يقدرش حتى يشريها لأنها بشانها وسومتها الغالية..

نقولك أخي أبو هبة المشكلة باللي ماشي فأنها تسببلهم ضرر فالجسم _حاشى بعض الناس _ ولكن المشكل هو يشوفو ارواحهم وخلاص ونأكدلك باللي لو يجيبوهالهم مغسولة رايحين يقبلوها ومايفرطوش فيها..
وعن نفسي ما نحس بالعيد لو ما نشاركش فغسيل الدوارة ويديا ما يتلطخوش بالحموم نتاع البوزلوف وريحة الدخان نتاعو وهو فوق النار يتشوط ومن بعد نغسلو وأكيد ناكلو رغم أنه يوجعني فالمعدة.

تحياتي ..وشكرا.