منتديات الشروق أونلاين - ننســــــــاك !!

قالت راك أَمْسيت ذكرى و نسيناك ....
.......وما عدناشــي ليك رانا بدلنـــاك
ما حنَّيــْنا ليك ما ردْنا لقيــــــــاك
........رانا هجرنا مراسمك و خلينــــاك
فُلكك راشي قلت لك مني بلاك ..
........هايج بحري هَمْلَــــــك و غرقنــــاك
حاذر من شوف السما راهو يهداك
............ ما تخزر رجليك ماتعرف أخطاك
هذه عثرة كي قرانك كيف سواك .
............من قبلك و معاك و ياسر جاو أوراك
قلتلها جبار قلبك واش أدّاك
....... .......تقسى قاع أجوارحك و يموت رضاك
جار غرورك على قليبي راه أدّاك
................تتسلطن بغرور و تسلط أبلاك
سوطك يا جلاد قطعة من لشواك
..............يجرح قلبي اللي أرضى عوضك يفداك
يا جلادي غير يامس كنت أمعاك
...... .....زوج طيور و طير قلبي فرّ معاك
و الآن قطّعت وردي بسم قضاك
.............و رميته قدام عدياني و عداك
وراكي رحتي بقات قدامي ذكراك
.............ذكرى ديما مهوضة من بعد جفاك
حتى كي تطوال أيامي ما ننساك
.............ننسى كل فعايلك جرمك و جْناك
وننسى ثاني جرح شوّقتيه أدواك
..............و ينسى قلبي عذاب جرحه ما ينساك

..............