|
حب العذرا
حكايتي على العذرا لي نبغيها *** نكتبهالكم بحروف من نار حب كبير أعطيتوا ليها *** بنيتوا على ساس عمرو ما ينهار نهار مشيت نخطب لماليها *** رحت فارح قاصد ذيك الدار من عند الباب قالولي غير أخطيها *** البنية ماهي ليك يا ولد الحضار نوصوك ماتزيدش تقرب ليها *** الكلمة أعطيناها راهي لولد الجار هو من بكري ألي متواليها *** من عهد لي كانو فيه ذراري صغار قلتلهم القصة ماعندي علم بيها *** ومن عند الشيرة ما لحقوني خبار النفيد هنا حبي راه ساكن فيها *** سالوها تحكيلكم معايا ما صار ردوا عليا يا لي راك تهدر عليها *** وقتاش النسا كان ليهم قرار بنتكم بالمال راكم بعتوها *** رجعتوها سلعة ما بين التجار حرام عليكم مادرتوا فيا وفيها *** غدوى حسابكم عند المولى القهار المعيشة معاكم ينعل بوها *** أنتوما ناس ما بقى فيهم اخيار نهجركم ونهجر الدنيا وما فيها *** نروح نسكن الخلا وأرض القفار هاذي قصيدتي اصنتوا ليها *** المجاجي يقصلكم بعض لسرار الموت صعيبة على لي متمنيها *** بصح شتا يدير ألي ماعندو اختيار |
رد: حب العذرا
وهذه قصيده في الشعر الملحون غزل
ربي عالم من غرامك يا زيداله يالي ساكنه في اهل الشلاله ياك راك عارفتني حالتي حاله وانا عندي في قلبي شقلاله حني عليا يازيداله بذيك لمساله راك شعلتي في شعاله مره نلقا روحي في جيجل داله و مره نهمل في بلاد القاله جابر بن حي |
رد: حب العذرا
قصيدة حزينة ربي يكون في عونك خويا
|
رد: حب العذرا
رائعة شكرا ليك المجاجي
|
رد: حب العذرا
بارك الله في شاعرنا . ولا تهجر الدنيا لان النساء كثر
وارجو من المشرفين ان يصلحوا الوضع في المنتدى إذ لا نريد صور نساء هنا وشكرا |
رد: حب العذرا
قلبك و رايك هما ليدلاوك....وما.....قدرت على عفارهم تخبل ديوانك
|
| الساعة الآن 03:41 AM. |
Powered by vBulletin
قوانين المنتدى