|
يا الوهرانية
الغزال لي شفته ما سال علي ... صهده كوا قلبي انا وبكاني
من هواه ديت أخوتي الف كية... يا ويلي منه آه ويا تمحاني شفته في ليل قمرة مضوية ... وعينيه يبرقوا وبيض لسناني نعطيه الحسنة يقابلني بالسية ... يعطيني شوك ونعطيه جناني غارق فيه الموج يتلاعب بي ... بي الاوجاع على كل الواني عليها سولت هي وهرانية ... للوهرانية خوتي انا آش اداني ماني ساهل بصح وماشي نية ... بلادي عامرة وما اكثر غزلاني سمعي وادي ياخيتي وصية ... نفضل بلادي على الزين الوهراني ما اكثر البنات قالها لي نبي ... ربعين مراة براجل وحداني نبغي وحدة طلة شمسية ..... نبغي وحدة كحلة الاعياني نبغيها تكون في الدار ولية ..... وتكون سترة لأمي وخواني نبغيها تكون مربية دينية .... نبغيها حرة تقوي ايماني والله يبعدني على مرة سمية .... وما هيش حطب كواني وشواني زين الشام خي هو اللي بي .... زين الشام حرقني وكواني هذاك ما كان في الكرة لرضية.... بور وقعد يا الزين الوهراني |
رد: يا الوهرانية
مشكور يا اخي على هذي القصيد رائعة
|
رد: يا الوهرانية
زين الشام خي هو اللي بي .... زين الشام حرقني وكواني
هذاك ما كان في الكرة لرضية.... بور وقعد يا الزين الوهراني قصيدة رائعة احذر من الوهرانية هي كالشامية أو قل أبهى وأجمل |
رد: يا الوهرانية
الأخ الفاضل حمزة معموري
مرحبا بك في قسم الأدب و اللغة وخاصة الملحون قصيدة جميلة فالوهرانية و كان ودي يكون في كل الجزئريات جميل جدا ما كتبت لدي بعض الملاحظات إن شاء الله تجدهم فالبريد الخاص تقبل مروري تحيتي محمد مخفي |
رد: يا الوهرانية
اخي مخفي حبذا لو ارسلت الي الملاحظات فاني لم اجدها في بريدي
|
| الساعة الآن 10:30 PM. |
Powered by vBulletin
قوانين المنتدى