كاين واحد الراجل فقير كثروا عندو لولاد اوماقدرش باش ايعيشهم امالا واحد نهار خمم مليح او قال انا ما اقدرتش انعيش ها الذراري أي نوكلهم ونلبسهم مليح انروح ندفنهم في حفره بلا ميزيريه ايعيشوها
جمع لولاد انتاعو الكل وابدا يحفر باش يدفنهم جاز عليه جاره وهو راجل غني قالوا : واش دير يا جاري قالوا راح ندفن قاع ولادي قالوا وعلاش قالوا ما اقدرتش انعيشهم قالوا الجار الغني انا انوكلهم وانعيشهم
ايعطيهوملي اتكلموا لولاد للجار الغني واش تعطينا ناكلوا عندك قاللهم الجار
تاكلوا خبز العجين (سباقيتي - مقرونة)
فقال الاولاد لابيهم : ادفن يا ابي ادفن