|
مجاراة الشاعر رابح العبد اللاوي في قصيدة الأم
الحمد لله والصلاة والسلام على رسول الله اما بعد فقصيدتي هذه جاريت فيها الشاعر الكبير رابح عبد اللاوي في موضوع الأم وفي الوزن كذلك وفي عدد الابيات ايضا . وارجو الرد عليها و شكرا يا ربي صلي على النبي وسلم *****ان شاء الله بدية خير نبداو القيفان حقك يا رحمن قاع الناس تعلم***** ما ندعوا غيرك ما نعبدوا الاوثان ما ندعوا القبور ما نعبدوا صنم *****ما ندبح لاحد غيرك يا رحمن هذا كله ليك بعده حق الأم *****مذكور في السنة ومذكور في القرآن اسمع يا عاصي يا لي امك تظلم *****الا مشاو عينيك تعطيك العينان والا سكت انت هي ما تكلم *****ما تكلم وتقول ولدي راه حيران في مرضك شكون بايت ويخمم***** بايت قاعد حذاك لا اب لا اخوان والا انت توجعت حتى هي تألم***** والا مت انت انت وهي سيان أمك راها شمس بلا بيها مظلم *****ما ينفع قمر ضوء النجوم عيان أمك راه دوا ما يضرك السم***** بلا بيها تموت يجيبو لك الاكفان أمك راها امان بلا بيها تخمم *****في حياتك حزين تقعد في خسران أمك هي ظل للشمس ما تنجم *****بلا بيها العرق ويقتلك حمان تدسلك في العرضة شوي قاطو في الكم***** وتقول ولدي ياك خليته جيعان والا بغيت جنات هزليها القدم *****تحته ما تبغي جنات الرضوان همها ما تهزه وهي تهز الهم *****حتى الا ظهرها مغبون وتعبان ومنين المراةجات جات مولات السم***** بدلتها بيها انت مولى نكران وين نسيت بكاك في ليل مظلم *****وين نسيت الحليب وراه الشكران لي فعله هذا ذا ما هو مسلم ******ما يرحمه ربي منقوص الايمان يا لي عق باه حسابك جهنم***** لو تبكي الدم ما ينفعك بكيان وكلته الرهج وأمك الغم *****يقعد له في الجوف ما منه نقصان يردوه لك لهيه في نهار مظلم *****واش تاكل التراب ولا ابكي القطران الا طفا ضوك في الظلمة تندم***** تقعد غتلمس تلمس في الحيطان في كلامه سكت اسمع لا تكلم***** والا قالوا زين قول ليهم مزيان سمع ليهم بصح كلام ربي مقدم *****الا خالفوا قولك جيب ليهم قرآن يا أمي سمعي ويا أبي افهم***** فهمهم بسياس عندك الشيطان وسلكنا يا الله من دعوة الأم *****ونجينا ربي من كيد الشيطان واغفر واعطيني لسان بيه نتكلم ******منين نموت نقول يا الله الرحمن اغفر لوالدي يا ربي وارحم ******كيما رباوني على طاعتك نيشان وسلك أبي في نهارات الهم *****أمي بعدها من صهود النيران ما عنديش الزاد لساني يتلعثم *****ما عندي رجلين نتوكى غالحيطان نجينا من الشرك ذا زمان محطم *****ذا زمان العقوق وكثير الطغيان سهل لي باش نتهلى في الأم***** بمفاتيح الخير افتح لي بيبان |
رد: مجاراة الشاعر رابح العبد اللاوي في قصيدة الأم
مشكور يا اخي على هذا نقل المميز
|
رد: مجاراة الشاعر رابح العبد اللاوي في قصيدة الأم
مشكور جدا أخي حمزة معموري كنا نتمنى ذلك من أبي فارس وهو شأنه في قصائد كثيرة
|
رد: مجاراة الشاعر رابح العبد اللاوي في قصيدة الأم
|
| الساعة الآن 10:30 PM. |
Powered by vBulletin
قوانين المنتدى