|
حسراه على زمان فات...
حسراه على زمان فات حسراه على زمان فات مسعد الأيام اللي مضات ما زالت في بالي فاتت بالذكر و الصلاة و العاصي يا ويله *** عاشت الناس بالصفا عافرت الجوع و الحفا و أكلات الصافي ترجا الهنا بالوفا عمرهم ما خافوا *** نورهم شاعل ما اطفى ما عرفوا لا غدر لا جفا و القادر يعافي قسات الأمحان موالفة يضحكوا ما جافوا **** شابعين بالزاد و الكفا اخطاو اللهاف و الخطفة و الكريم يعافي و الغايب عمره ما جفا ما بغضوا ما خطفوا *** ما ذبحوا شاتهم من القفا ما هدروا على الناس في الخفا و هجروا الجافي المغروس في النجس ما اصفا ما زهرت عرافه *** و القلوب صافية ما رشات و العيون بالحزن ما بكات اصغى لقوالي الناس السالفة كي رضات فيق و دير بحاله *** الزعاف ينقض من العمر و يرشي القلب في الصدر يا زايد ضري كاين شي ناس كي الجمر يصهدك بناره *** ما تعرف للحرم و القدر لا قيمة بالكلمة و لا ستر معادية و تجري ما رحموا الميت في القبر ما ستره عاره *** الملامح تعطيك الخبر من كلمة الحق تنفر ما يحفظ سري الله يحفظنا بالستر و يجعلنا من انصاره *** يهشم لحمك اذا قدر الحرم عليك يكسر و لسرارك شاري ألايمني علاش تكســـر جفنك و اشفاره *** عاشت الناس بالسفاهة لا دين لا شنا لا نزاهة غير السفاه ذله و خيبته يرضاها شوف كي راهو *** أبه و أمه عاداها حرمة خاوته انساها واش اللي خضاه غيرته بالسلام بقاها يا ما يشتهوا *** اذا بكات الحجر مقواها بين الحجر و الناس شباهة ذلك ترضاه يلعن الله السفاهة و الجور و اشباهه *** سكنت العباد في خلاها و اسكن القحط في اسماها و عم بلاه و عم المرض ما شفاها الخلق تاهوا *** هكذا يامنا جفات و ليام السالفة غلات و انا مالي شوف ليام كي مضات معاها رحلوا .....يتبع |
رد: حسراه على زمان فات...
|
| الساعة الآن 06:28 AM. |
Powered by vBulletin
قوانين المنتدى