|
قصيدة لحراق مجهول
هذه قصيدة لحراق مجهول هي قديمة و لكن صالحة لكل وقت
ابقاي على خير يا هذا الدشرة**لي غاشيها غير فلان و فلان راني حالف مانولي ذا المرة**و لو نموت في صحرا عطشان نعشر بر الروم و بلاد الكفرة**و لا نعيشر بر ش....و الرعيان لحديث تنوفيق و الضحكة صفرة **و الصحبة تحيا و تفنى بالقضيان بلسانو يعطيك قنطار مصرة**و الحيلة متلبدة تحت البيطان بالرشوة تلقاه ماشي للعمرة**و يصلي في البيت في آخر رمضان و يولي بكلاح و عباية صفرة**و يعطيها للزور و كلام البهتان يحلفلك ليمين قداه مرة **و يحلف بالكعبة و يحلف بالقرآن و يحرم البزوز و يحرم لمرا**و غير يصد عليك تلقى كذبو بان أبقاي على خير ياهذا الدشرة **للي يحكمها غير الجاهل و الخوان تلقى لي ملو غبار السبورة **للسياسة داخلين بلا سلطان المرفوعة تاليتــها مجرورة**و العطف يوروه غير لفلان و فلان و الفعل المجهول مبني على للكسرة**و اسماء الخمسة يديرو ليهم شان تلقى المير ....و النايب .....**و المجلس تعبان يختل في تعبان ما تفرز أمي على واحد يقرا**و لا تفرز صاحي على واحد سكران كي تسمع لحديثهم عند الهدرة**تقول أنت لبطال هاذو و الشجعان لو تعجنهم ما يجو في صاق مرا**و لو توزنهم ما يوفولك ميزان القصيدة عندي كاملة لكن لا أعرف صاحبها ملاحظة:...النقاط كلمات يعني يعني |
رد: قصيدة لحراق مجهول
السلام
-قصيدة معبرة وقاسية ومركزة جدا بالتوابل والبهارات(مدوزيا بزااااف؟؟) -شكرا على كل حال ..لكن نتمنى ان لا تكون تعبير عن لسان الحال... -شكرا مرة اخرى على القصيدة ***الجميلة*** |
رد: قصيدة لحراق مجهول
اقتباس:
الله يعطيك الصحة على هذا الموضوع .هايلة هايلة . رغم انني لا اومن في قررات نفسي بالحراقة .لكن هو واقعنا المر .اعجبني في قصيدة الملحونة الوصف الحقيقي لبلادنا . نظرة الصغير للكبير .الكبير يبقى كبير والصغير يبقى صغير الا من رحمه ربك . شكرا مرة ثانية . |
رد: قصيدة لحراق مجهول
اقتباس:
هي فعلاً قصيدة قاسية و مركزة بالتوابل و المدوزيا حتى رجعت مرة مثل الحقيقة المرة شكراً على مرورك . |
رد: قصيدة لحراق مجهول
اقتباس:
و عليكم السلام يا سي ذياب الهلالي كملي قصة الجازية نكملك القصيدة راها مازالت طويلة أنا كذلك لا أحب الحرقة والحراقة ولكن هذا هو الواقع كيما قلت شكراًعلى مرورك |
رد: قصيدة لحراق مجهول
أخي الكريم القصيدة عنوانها الدشرة
لكاتبها جلجلي جلول من ولاية البيض شكرا |
رد: قصيدة لحراق مجهول
عنوان القصيدة: الدشرةالشــــــــــاعــر: جلجلي جلولمن ولاية البيّض
تداولت القصيدة كثيرا غناها و لحنها الفنان :احمد بن بوزيد المعروف ب: عطلة زين الطلة عصو بالبرلمان حاليا و شكرا |
رد: قصيدة لحراق مجهول
اقتباس:
مشكور على المعلومة يا فراس أنا أعرف أن من غناها هو عطلة زين الطلة المؤلف هو الذي كنت أجهله:rolleyes: |
رد: قصيدة لحراق مجهول
اقتباس:
لا شكر على واجب .ساذهب مباشرة لاكمال القصة . تحية حارة حارة حارة :D |
رد: قصيدة لحراق مجهول
السلام عليكم
أولاً أود أن أوضح بعض الأمور -بعض الأفكار التي وردت في القصيدة خاصة بصاحبها و لا نشاطره الرأي فيها -إعتذار لكل مربي فاضل يؤمن برسالته المقدسة -إعتذار لكل مسؤول شريف -إعتذار لكل مجاهد حقيقي و شريف ابقاي على خير يا هذا الدشرة**لي غاشيها غير فلان و فلان راني حالف مانولي ذا المرة**و لو نموت في صحرا عطشان نعشر بر الروم و بلاد الكفرة**و لا نعيشر بر ش....و الرعيان لحديث تنوفيق و الضحكة صفرة **و الصحبة تحيا و تفنى بالقضيان بلسانو يعطيك قنطار مصرة**و الحيلة متلبدة تحت البيطان بالرشوة تلقاه ماشي للعمرة**و يصلي في البيت في آخر رمضان و يولي بكلاح و عباية صفرة**و يعطيها للزور و كلام البهتان يحلفلك ليمين قداه مرة **و يحلف بالكعبة و يحلف بالقرآن و يحرم البزوز و يحرم لمرا**و غير يصد عليك تلقى كذبو بان أخزيهم يا خالقي في ذا الدشرة**ذا القوم للي حلفها ما فيه امان أبقاي على خير ياهذا الدشرة **للي يحكمها غير الجاهل و الخوان تلقى لي ملو غبار السبورة **للسياسة داخلين بلا سلطان المرفوعة تاليتــها مجرورة**و العطف يوروه غير لفلان و فلان و الفعل المجهول مبني للكسرة**و اسماء الخمسة يديرو ليهم شان تلقى المير .... و النايب ......**و المجلس تعبان يختل في تعبان ما تفرز أمي على واحد يقرا**و لا تفرز صاحي على واحد سكران غير هيدورة لاصقة في هيدورة**و غيرخاين مدسوس بين الخيان كا..... مدربين على الحقرة** و يا ويح الي جالهم بين النيبان كي تسمع لحديثهم عند الهدرة**تقول أنت لبطال هاذو و الشجعان لو تعجنهم ما يجو في صاق مرا**و لو توزنهم ما يوفولك ميزان كي الغراب منين يعلا فالشجرة**يحسب كل الخلق تحتو ذبان أبقاي على خير يا هذا الدشرة **للي لاحت تاريخها في عقب زمان يا سعد الي جا موظف من برا**بلوصلة يضحا عزيز و مولا شان يدولو لفراش و يزيدوه مرا**و كل خميس عشاة مشوي عند فلان ما يحتاجش لا حليب و لا خضرة**كلش خالص جاي من عند الرعيان هذا باهز جايب مخدة حمرا**و هاذا يجري جايب قريعات دهان تلقى المشمت غير توصل فالهدرة **و تلقى المرعن غيرتجرجر فالخرفان أخزيهم يا خالق يفي ذالدشرة**ذا القوم لي شانها ما جا كشان و ارزقهم لعجاج و معاه الغبرة**وزلط الي بدراهمو يولي جيعان إذا راد الله من هذا المرة**ما نرجعش خلاص لبلاد الرعيان أبقاي على خير يا هذا الحفرة **راها ليكم يا شمايت و العديان ما رنيش على الرجال أهل النعرة**لي كلمتهم ما لقلت منين تبان ما رنيش على البزوز الى تقرا **و مارانيش على الي سكنو لكفان مارانيش على الشجرة و الحجرة **وما رانيش على الولية و الحيوان مقصودي رعيان ما ليهم جرة **و كي عكست ليام و لا ليهم شان كانو مدسوسين في وقت الكفرة**و ياسر منهم كان في صف العديان ضروك جاب شهود و ادخل الثورة **و اخرج عندو كاميو قهوة وبلان لحقولو رابيل حج وزاد امرة**و اصبح في التاريخ يفتي بالبرهان و يعود يقول بيا واش صرا**كي كنا في الجيش أنا و حياة فلان فوق احمار و لاحقتني طيارة **ذاك الشي و ضربتها بين الجنحان و اهجمت على شار بعمود و حجرة **دقدقتو و قديت في جدو نيران أخزيهم يا خالقي في الدشرة**ذا الحركة لي عايشين بالبهتان و أرحم من شافو الكحلة و المرة **و ماتو شهداء على الصدق و الايمان متعهم بالحور في الجنة الخضرة**و اسكنهم يا خالقي خير الجنان.. النقاط هي كلمات لا داعي لذكرها |
| الساعة الآن 03:54 AM. |
Powered by vBulletin
قوانين المنتدى