منتديات الشروق أونلاين - نكت البلد الغالي الجزائر

سلام عليكم ياأعضاء و الزوار
اليكم هذه المجموعة من النكت الجزائرية
---------------------

في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...http://etudiantdz.com/vb/images/smilies/biggrin.gif
------------------------------------------------------------
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوةhttp://etudiantdz.com/vb/images/smilies/biggrin.gif
------------------------------------------------------------
مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.http://etudiantdz.com/vb/images/smilies/biggrin.gif
-----------------------------------------------------------
مرة واحد كسول ألف في الساعة شاف قدامو قشرة وهو يمشي

قال: ربي يعيني على هاذ الزلقةhttp://etudiantdz.com/vb/images/smilies/biggrin.gif
---------------------------------------
واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهاليhttp://etudiantdz.com/vb/images/smilies/biggrin.gif
----------------------------------
مرة واحد نام متاخر..... لقى الحلم بداhttp://etudiantdz.com/vb/images/smilies/biggrin.gif
---------------------------------
مرة عروبي شاف لوحةمكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلوhttp://etudiantdz.com/vb/images/smilies/biggrin.gif
-----------------------------------
أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكيhttp://etudiantdz.com/vb/images/smilies/biggrin.gif

قـهـقـهـةقـهـقـهـةقـهـقـهـةقـهـقـهـةقـهـقـهـة