سلام عليكم

الموضوع منقول احسن تفتكروا انا اللى كتبته ... اه http://www.montadam.hyperphp.com/vb/...milies/123.gif


يلا نخش فى المفيد علطول http://www.montadam.hyperphp.com/vb/...ies/eyes15.gif





الله أكبر الله أكبر.. أذان الظهر..


الجده : يارب.. يارب بحق ده الآدان تنجح يا نون يابن ابنى وأشوفك دكتور أد الدنيا http://www.montadam.hyperphp.com/vb/...milies/223.gif

الحفيد : ياستى بس أنا فى تجارة http://www.montadam.hyperphp.com/vb/...lies/boxed.gif

الجده : وماله يابنى هو يكتر على ربنا...... ده ربنا قادر على كل شئ

الحفيد : ياستى ونعم بالله بس اللى بيطلع دكتور لازم يكون فى كلية الطب مش التجارة

الجده : ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

الحفيد : ياستى التجارة اللى فى الوكالة حاجة واللى فى الكلية حاجة تانية http://www.montadam.hyperphp.com/vb/...smilies/10.gif

الجده : ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

الحفيد : جدى إيه اللى هايخدنى معاه ..... جدى مات من زمان ياستى http://www.montadam.hyperphp.com/vb/...es/eyes102.gif

الجده : يامصيبتى عبد الواحد مات..ياحبيبى ياأخويا..مكنش يومك ياسبعى

الحفيد : ياستى ده ميت من تلتين سنة

الجده : تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته.. http://www.montadam.hyperphp.com/vb/...ilies/blum.gif

ده كان بخل الدنيا فيه..اللى ما عمره دخل عليه ببطيخة ولاكيس جوافة

الحفيد : ياستى حرااام عليكى عايز أذاكر بقى http://www.montadam.hyperphp.com/vb/...milies/101.gif

الجده : يوه.. وأنا ماسكاك ياوله..ذاكر ...ذاكر عشان ربنا يكرمك وتنجح وتاخد الدبلون

الحفيد : ياستى دبلون إيه..أسمه البكالوريوس

الجده : أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

الحفيد : خلاص دبلوم دبلوم ياستى ..سيبينى بقى عشان أذاكر

الجده : ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان

الحفيد : ياستى عبير دى معاها أعدادية http://www.montadam.hyperphp.com/vb/...milies/107.gif

الجده : وماله يابنى ...الراجل مايعبهوش إلا جيبه

الحفيد : راجل ...راجل مين ياستى...عبير دى بنت

الجده : عبير ...عبير مين ياوله..أنته بتعرف بنات من ورانا

الحفيد : لا إله إلا الله....أبوس رجلك ياستى أرحمينى بقه http://www.montadam.hyperphp.com/vb/...ies/4_1_72.gif

الجده : طب ذاكر....ذاكر جتك نيله وأنته طالع براوى كده زى أمك 0-0 ....قطعت وقطعت سيرتها...أنامش عارفه أبوك كان أجوزها على إيه.. حكم...

قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

الحفيد : ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

الجده : صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

الحفيد : حراااااااااااااااااااااااااااااااااام ............ستى ماتطلعى البلكونة شويه ... ده الهوا حلو بره

الجده : لأ يا خويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

الحفيد : خلاص روحى المطبخ ...أهو زمان أمى خلصت الرز

الجده : رز...رزإيه يابنى....هوأنا ليه سنان للرز...أناهطلع البلكونه أحسن

الحفيد : طب أبقى خلى بالك م الهوى ياستى .. هوى لما يلطشك http://www.montadam.hyperphp.com/vb/...ies/eyes23.gif



الحمد لله أخيرا خرجت وقدرت أذاكر ..

رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها



ياترى أنا كان إسمى إيه ؟؟ ياترى كان إسمى إيه ؟؟ http://www.montadam.hyperphp.com/vb/...milies/107.gif http://www.montadam.hyperphp.com/vb/...milies/107.gif http://www.montadam.hyperphp.com/vb/...milies/107.gif

منك لله يا ستى