الي جدو مثيل جدي لرحمون العدلاني
 

إلي جدو مثيل جدي ما ينذل
نصرو ربي بقدرتو ديما عالي
***
إيسلكها في الشدائد كي تحصل
كي نلقى بسماه نلقاه قبالي
***
ياراعي البيضاء قزلي متخبل
واه انهون عليك نبقى من تالي
***
يا أنا شريف أصلي عني دل
كي تذكر مخلوف هاذوك أرجالي
***
أهل الهمّة أنجوعهم ديما ترحل
والبيت الدهما فالفج الخالي
***
افرّسات مربّطة و احصن تصهل
إذا ركبوا ما تلقى فيهم تالي
***
عقد منوّر مع المقاسم يطهلل
و النملي يلقى بصوتو عالي
***
اللباس الهمّة والبرنوس أشعل
و السكين إيمثل البرق إشالي
***
و اكحيلا ورحيلها ناقة و جمل
والجحفة ايبان مركبها عالي
***
الحوريات ركوب فيها تدلّل
حريم أهل الهمّة و المعالي
***
و لا كذّبت عليهم القول سوّل
أولاد أشريف هاذوك رجالي
***
ينصرهم ربي عليهم ما يغفل
نوارات لعراش عزّي ودلالي
***
نفخر بيهم طول عمري ما نفشل
اكتافي محمين بولاد الغالي
***
أهل الكرامات من جدي لوّل
للاحقين الي هزل و اقعد تالي
***
كيفاشي نغبن في عرش امدلل
وفيه أبطال تحوّس عل معالي
***
يوم الغار اتجي محاصنهم تصهل
بسلاح الهمّة البارود ايشالي
***
الناس الكاسبة النعجة و ايبل
و صيادين الريم فل الفج الخالي
***
يازاير لبلادهم بالك تجهل
سال أهل التاريخ تصيب ارجالي
***
نشكر لمخاليف في الصحرا و التل
نذكرهم ايزيد عزّي و دلالي



الشاعر الصحراوي : رحمون العدلاني