منتديات الشروق أونلاين - قصيدة يوم الجمعة خرجوا الريام

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

- - قصيدة يوم الجمعة خرجوا الريام (http://montada.echoroukonline.com/showthread.php?t=8076)

قصيدة يوم الجمعة خرجوا الريام

هذه قصيدة جميلة و معروفة لدي الجميع للشاعر مبارك السنوسي و قد غناها الراحل الهاشمي قروابي و من قبله الحاج مريزق رحمه الله

-يوم الجمعة خرجوا الريام *** طعنوني من ضيق اللثام
-بهظوني، سلبوني، تيهوني *** صدوا وخلوني
-نكمد في ليعات الجــراح *** يحسن عون اللي عشيق
-كيفي مجروح بلا حسـام *** أنا انكويت من النيام
-يوم لقيت الخـــودات *** في الأحواز المخفية
-ميزوا عليـــــــا *** في الحين تبعتهم
-وأنا كندمـــــــم *** للعوارم حتى صدوا
-نخلوني ما ردوا لي وجاب *** نطقت أنا في الحين
-وقلت لهم يا ذوك الجايزات *** اشفقوا من حالي
-ولا تعذبونــــــــي *** يا كحيلات العيان
-صدوا لي وتشلغنوا علــيا *** زادوا للوالي
-علة لي علة لــــــي *** كي زاروا، خرجوا يميزوا
-زينات التيجان

-**********************************
-يوم الجمعة خرجوا الريام *** من بهجة فاس البالي
-السربات يحيروا العقــــل *** نحكيهم غزلان
-يوم الجمعة خرجوا الريام *** خرجوا للباب الباهيات
-على الكساوي متعانـــدات *** لبسوا ما واتاهم
-من قفاطـــــــــــــــــــــن *** عن كل الوان
-المبرم والديدي والطلــس *** الشكرناط والمشجر
-والقلب حجـــــــــــــــــر *** والموبر بركاضو الغول
-الشيبي وخريب الكيــوس *** قمايجهم شي لا نصف
-الفينا واللملــــــــــــــــــم *** والحريشة حتى المشعل
-كايشابه له المال الكثيـــر *** حزوم أرفع من الحرير
-العبارق والشرابـــــــــي *** لونها غرابي
-مقايس من اللجيــــــــــن *** اللبات مع التاجرة والتيجان
-يحيروا العقــــــــــــــــل *** زادوا للقلب أهوالي
-علة لي علة لــــــــــــي *** الدبايج مترصعين
-بالجوهر والعقيان

********************************
-طلوا العوارم في الفجـــوج *** كا يلقطوا نوار الحروج
-من المصلى للحواز، وندوا *** نحكيهم غزلان يجردوا
-نلقاهم سربة خلاف سربـــة *** ظلوا متنزهات
-خدموا مشمـــــورات *** رافدين ترازمهم
-همة وشــــــــان *** فيهم الطبخ على الألوان
-الفاكية والفقاس يا الفاهــــم *** والكعك مع الغريبة
-وكا ينشدوا بالأشعـــــــــار *** براول وعروبيات وسرارم
-والقصدان المـــــــــــــلاح *** يطعنوا من شوف اللماح
-في الحين نطقت: أنـــــــا *** وقلت لهم: تيهتوني
-نطقوا البنات، جاوبونــــي *** قالوا لي من تكون
-شكون أنت في النـــــــاس *** قلت لهم: طالب سوسي
-من أحواز البهجة الحمــرا *** وشيخ بيوت أهل الأشعار
-ونمجد الحسن ونهوى المليح *** قالوا لي كان أنت فصيح
-وصفنا وسمينا على النهاية *** نطقت أناي:
-علاش ذايــــــــــــــــــــــا *** نوصفكم، كاملين
-نسميكـــــــــــــــــــــــــــم *** إذا تجوني لرياضي
-تشاهدوا نوار احواضــــي *** نقيم بالسرور معكم
-قلبي بملقاكم راضــــــــــي *** محال عمري ننساكم
-حتى إذا هجرتــــــــــــــوا *** لكم نسعى الذمام
-قالوا لي الغوالـــــــــــــي *** علة لي، علة لي
-سير حتان على وصولنـــا *** وصعبي يهون

***************************
-قالوا سمينا بالتمــــــــام *** باش نروحوا بعد المقام
-أحكم علينا لا نفرطـــوا *** كي انت صبناك
-صاحب طرقة وهواوي *** رجل ظريف ومعنوي
-عجبتنا سلبتنــــــــــــــا *** بلا نوية عندك جينا
-قلت لهم: أهلا بكــــــم *** طاب سلواني بمجيكم
-في اللغة نريد نسميكـــم *** بالرقايق نبدا بهشوم
-ظريفة وزينب تاج الريام *** موينى وفضيلة وطاهرة
-ورقية بدر التمــــــــــام *** البتول وزهرة وراضية
-وصافية سيف المشاليـة *** هنية عدت جازية
-فاقت عبسية ولالة مالكة *** والريم فاطمة
-العانس رحمــــــــــــــة *** وخيتها محجوبة
-بالزين والبهـــــــــــــــا *** صالت حبيبة
-والكبيرة أم كلثوم الغزال *** خدوج مع غيثة والعزيزة
-وخى توصافكـــــــــــــم *** قل هو الله عليكم
-تبارك الله عليكم كلكــــم *** نعين اللي معيان
-أرقصوا وبايعوا لــــــي *** قالوا لي: يا الشيخ
-جازاك الله بخيـــــــــــر *** يا الماهر يا ليث الماهرين
-لكن هذا جهد الــــرواح *** نسيروا مع نسيم الصباح
-مشى العقل وبالــــــــي *** علة لي، علة لي
-سر حتان على وصولنا *** صعبنا

************************************
-مشيت لبستاني وكيــــــــــد *** وفعلت جميع ما نريد
-فرشت تسارح بالقطـــــوف *** زرابي بر الترك
-الحياطي والخديـــــــــــات *** خوامي ينبوا معرجين
-عملت قباب متقابليــــــــــن *** مقاعد للجلسات
-الخصوص داروا بالصريج *** من الرخام والزليج بهيج
-المصابح ترتي مثل النجوم *** ضوت وراها في الغسيق
-عملت أسفاري من الوريق *** كيسان من البلار والسهيبة
-والفاكية للقطيــــــــــــــــع *** وميادي طبخ الدار
-وأشجار عليهم أطيـــــــار *** ينشد البلبل والحداد
-جاوب السمـــــــــــــارس *** والمقنين الفصيح
-هكذاك عملت في ملوك التميمة *** في رياضي قايمين ديما
-عفاشـــــــــــــــــــــــــــة *** بوها عيروض
-وعاقصة مع دمريـــــــــاد *** حتى شيهوب والحكيمة-
-من ترصاعي خذ النظـــــــــم *** باش تهيج ناس الغرام
-آ حفاظي نعطيك سيف ماضي *** للرقاب الجاحدين
-به تطوع القوم الغشـــــــــــام *** و لا دروا إفادة
-عاشوا كمثيل البهايـــــــــــــم *** ما سلموا لأهل الإرادة
-تحت الأقدام الراس العــــدم *** ضربي عليه كا يتزادى
-حتى ينتهي ويسلم للماهرين *** الناس الموهوب الفايزين
-عليهم ســـــــــــــــــلام الله *** ما تفوح عطرشة
-والورد والزهــــــــــــــــر *** النسري والياسمين
-يا حفاظي اسمي نبينــــــــه *** قال مبارك ما خفى
-السوسي عبد الشرفــــــــــا *** وطايع الطلبة والأدبا الأحرار
-رجاي في من لا ينـــــــــام *** سيدي يجبر لي حالي
-علة لي، علة لــــــــــــــي *** يجاوز عندنا دخيل له
-بالنبي العدنان