منتديات الشروق أونلاين - فريق الاحلام........dream team

algerianno kamikaz lakamora
السلام عليكم
الرجاءالردود بكل حيادية
اقرا الموضوع جيدا وافهم المغزى قبل الرد
لقد انعم الله علينا بفريق على النسق الاوربي و اننا ان شاء الله في قارعة الطريق على ابواب جوهانسبورغ
لكن ما يقلقني هو تواجد المحليين لموشية و الزاوي و رحو و ....قاع المحليين في المنتخب الوطني و انا ضد هذه الفكرة و الله دي فوا ما راني نرقد بالتخمام
و ما تواجدهم الا لارضاء فلان او علان او بعض الصحف الضاغطة
اما فيما يخص الحراس فلا باس بقواوي و شاوشي
مع العلم انه يوجد حارس مغترب في ايطاليا مايكل نادي كييفو فيرونا الايطالي
امر اخر فنا متابع للمنتخب الوطني و المحترفين ولست من انصار اي ناد محلي
و لقد اعجبني موقف سعدان من الحاج عيسى الذي ظن نفسه حقيقة باجيو
فهو باجيو حقا في قصة الشعر و القميص الابيض و الاسود و يمكن ان يكون باجيو و لكن في بطولة العمائم و العجائز( السعوجية ولا قطر)
رغم اني من محبي الوفاق لانه دائما ما يشرفنا
وهل الحاج قوفريطة احسن من بيكام؟؟؟؟
2-رفيق صايفي
اعلم ان الكثير من الشناوة سيغضب مني لكن يجب علينا الاقرار بالحقائق
- صايفي راه كبير في عمره و طاب جنانو و دخل دراع للمنتخب و ما راهش باغي يخرج هو سبابنا كيفه كي الدزيري بلال (مول البالو)
- دال بيرو و توتي مالعبوهمش و نورمال
-رونالدينهو و رونالدو و فحتوهم نورمال
مي هنا كلها يحكم بحكامه
انعلوا الشيطان هدا المنتخب. يعني تاع 35 مليون جزايري ماشي تاع فلان و فلتان
-لازم يحاوزوه لخاطر ايلا فات منه تكاليفينا ان شاء الله يفرض روحه باش يلعب و هو شيبوخ
ايا يبدا يشطح و تغلبنا لالمان 33/0 و نولوا ضحكة بين لعرب
وللاضافة الهدف الذي سجله رفيق جبورمن تمريرة زياني رغم ضيق الزاوية يمكن مقارنته بالهدف الذي كان يمكن ان يكون محققااثر تمريرة زياني لرفيق صايفي رغم اختلائه بالحارس(مقابلة البرازيل).
-و ما تنسوش باللي راه جاي
يبدا(25سنة بنفيكاالبرتغال)
-مغني(25سنة لازيوروما)
-لحسن(24 سنة راسينغ سنتندار اسبانيا)
- و العمري الشادلي(19 سنة ماينز البندسليغا) +
مليك حيون (17 سنة ريجينا الايطالي)
جمال مصباح (24 سنة افاللينو الايطالي )
حمزة ميهوبي ( 23 سنة ليتشي الايطالي )

اذن يا شناوة و يا سطايفية و يا شلفاوة و يا............
خلونا من الجهوية و عقلية ولد حومتي هادي اللي ما خلاتناش نطلعو 2 كوب دافريك
-فرنسا قاع المنتخب مجنس ما كانش واحد قال انا فرونسي انا نلعب تيتيلار
بيهم لعلام يترفع برك.
-و اللي راه يقول صايفي يبغي لبلاد
حتى انا نموت على لبلاد مي البولا ما فيهاش ليسونتيمون
و هو ما عندهش الدوبل ناسيوناليتي
ملاحظة /الكل يعلم ان على سعدان ضغوط فوقية خصوصا فيما يتعلق بصايفي
لهذا احتراما للمشوار الطويل لكل من صايفي و منصوري و رحو المشايخ
ارى ان ياخدهم سعدان معه الى جنوب افريقيا ولكن ليس للعب وانما فقط ليكونوا مع المنتخب نظير سنوات الخدمة الكروية
او اقحام صايفي في اللقاءات ضعيفة المستوى
او 20 د الاخيرة في حالة الفوز باكثر من هدف من اجل الشطيح و تضييع الوقت و استفزاز الخصم
الشناوة 3.5 مليون السطايفية 2.5 مليون = 6 ملايين
هذا قرار 30 مليون المتبقية من الشعب الجزائري
راني طولت عليكم سمحولي
مالقري ما كملتش راني معمر
و لنا عودة ان شاء الله
تحياتي الى الفنك الاخضر
viva algerie 1.2.3