خرافة بكالوريا 2009 ،، أسرار و إشعات تحتاج لأرائكم
 

السلام عليكم ،، يعتبر هذا الموضوع فلسفي جدا و مدعم بالنظريات مركز على أقوال ربما تكون إشاعات او صحيحة و كيما يقولوا في الشروق
رأينا صواب يحتمل الخطأ و رأيكم خطأ يحتمل الصواب

1.. نقرأ في جريدة الشروق ، الخبر ، النهار إلخ.. أي هو خبر رسمي و صحيح في أيام البكالوريا ان بوتفليقة قد حضر ألاف المقاعد البيداغوجية الجديدة لصالح الحائزين على بكالوريا 2009 في الجامعات و يأمربن بوزيد بلزوم ان تكون النسبة عالية جدا هذه السنة بأي طريقة لكي لا تذهب مقاعده سدى في مجرى الرياح

2.. الأستاذ بتاع الشريعة في ثانوية الخاص بنا ( مدينة البليدة ) يصحح الأوراق في الجزائر العاصمة الخاصة بشهادة البكالوريا و أكد لنا ان التساهل و ضرب النح كان الطريقة الوحيدة لتصحيح جميع الأوراق

3.. 10 نقاط مجانية في مجموع المواد حاجة مضمونة 100% و bonus من عند الدولة إكثر خيرهم طبعا

3.. في منتدى الشروق تجد مواضيع كثيرة تتحدث على خفايا التصحيح نجد منها ما يلي :

أ..من تحصل على 10 يمدولوا 11 و لي دا 12 يطولو 13 أي +1 لكل واحد في كل المواد على حد تعبير كاتب النص

ب.. موضوع أخر يأكد ان التساهل في الباك كان سيد الموقف بجدارة و إستحقاق

4.. أوراق الإمتحانات بتاع التراب الوطني الأن كلها في الجزائر العاصمة بمركز حسيبة على غير العادة كلها بدون إستثناء بنقاط الكشف الخاصة بكل طالب أي إحتمال زيادة النقاط للتلاميذ للحصول على نسبة نجاح 75 % كما هو مطلوب من الأب بوتفليقة و الإبن المطيع بن بوزيد بأي طريقة تزوير ، تضامن ، مساعدة ، بأي مفهوم لا يهم المهم 75 % ، الغـــــــــــاية تبرر الوسيلة و ان أشجع هذه النظرية في هذه الحالة الإستثنائية ...

- - - - - - - - - - - - - - - - - - -

بالنسبة لبكالوريا 2010

الفئة أ تقول : تكون بكالوريا سهلة جدا جدا و يتوقع منها نتائج تفوق 75% بسبب ان لازم يكون البرنامج ناجح بحجة ان من يتحنون هم أول فئة درسة البرنامج الجديد من المتوسطة في مكان 3 سنوات في الإكمالية درسوا 4 سنوات أي هم على دراية تامة بالبرنامج الجديد
و من خفايا سياسة الدولة لازم يبينوا بلي البرنامج نتاعهم ناجح و مليح و خير من القديم و هذا بنسبة تكون عالية

الفئة ب تقول : عكس الكلام الأول و راح يكون صعب لأنه فيه يكون test الحقيقي لهذا البرنامج و مدى نجاحه

---------

بالنسبة لجميع من تحصل على شهادة البكالوريا

مثلا جامعة البليدة سعد دحلب نسبة النجاح فيها و في الجامعات الجزائرية هي 10 % تخيل ؟؟ من بين 40.000 طالب 10% ينتقلون اي مستوى هااااااااااااااااابط جدا جدا جدا جدا لعدة أسباب منها عدم حضور les courts من طرف التلاميذ و أهمها تغير طبيعة التدريس من اللغة العربية إلى اللغة الفرنسية ، يحدثني أحدهم تحصل على شهادة ليسانس يدرس تخصص واعر بزاف إسمه ( physique nucléaire ) من جامعة البليدة انه من 4 سنوات لم يكتب قط باللغة العربية في الجامعة معاد الفرنسية و الإنجليزية
في حين حدثني أحدهم من شعبة droits بجامعة دحلب أيضا انه كل واحد في هذه الجامعة يتحصل على سنة بسنتين أي في مكان 3 سنوات يدرس 6 سنوات من كثرة صعوبة و خاصة الطلبة الذين يظنون ان الدراسة تنتهي بمجرد الحصول على الباك ،، و ما أظنه شخصيا ان الإنسان يجب يكون اكثر وعيا لأن مستقبل حياته بين يديه و يجب عليه يدرس خاصة و خاصة في المنزل

في الأخير اتمنى ان أقرأ ردودكم و آرائكم في 3 مواضيع المطروحة
أخوكم إســـــــــــــــــــــــــــــــــلام و VIVE l'algerie malgré tou

و مبروك للجميع ذكرى 5 جويلة للإستقلال و الشباب

رد: خرافة بكالوريا 2009 ،، أسرار و إشعات تحتاج لأرائكم
 

يسمى على حساب هاد التقارير ،،، لى جامى قرى ينجح هاد العام
واحد العام كامل و هو يقرى = واحد ما قبدلش مجهود !!!!!!!
لا يا شباب ،،، يلزم التفكير بالمنطق ،،، en plus النتائج هى لى تحدد النتيجة
و بالتوفيق لنا جميعااا

رد: خرافة بكالوريا 2009 ،، أسرار و إشعات تحتاج لأرائكم
 

هذه مليحة بزاف
واحد العام كامل و هو يقرى = واحد ما قبدلش مجهود !!!!!!!

en tout les cas في بلادنا تموت و ما تعرفش الحقيقة

رد: خرافة بكالوريا 2009 ،، أسرار و إشعات تحتاج لأرائكم
 

رد: خرافة بكالوريا 2009 ،، أسرار و إشعات تحتاج لأرائكم
 

فيما يخص الي يدي 10 يمدولوا 11 والي يدي 12 يمدولوا 13 مكانش منها لوكان غيريمدو حق التلميذ ولو 7 خاطر أنا فوت العام الي فات الباك وفي مادة الفلسفة اخترت الموضمع الأول السؤال العلمي والسؤال الفلسفي *علوم تجريبية*وهي اول مقالة قريناها في القسم وكانت السؤال الي جاء في الإمتحان الثلاثي 1 وكتبتها كيما التصحيح النموذجي تاع الاستاذة عطاوني 06 من 20 بصح بفضل الله سبحانه وتعالى ديت الباك وأنادرك راني في الجامعة.
2----أما فيما يخص الجامعة مهيش صعيبة تحب العبد الحفاظ الي يفهم ميديش النقاط بصح الي يحفظ عن ظهر قلب يدي النقطة الي يحبها.
اللهم أنجح الجميع في شهادة البكالوريا2009 خاصة MIMA.
Bonne nuit.A demain si le bon Dieu veux.

رد: خرافة بكالوريا 2009 ،، أسرار و إشعات تحتاج لأرائكم
 

و علاش هاد الشي جديد غير هاد العام؟؟
السنوات الأخيرة تهطل علينا بالمفاجآت
بكري كانت الصدمة كي نسمعوا بواحد متفوق عامو كل" ليالي بيضاء " ما يديش الباك
الآن الصدمات من نوع آخر:
واحد حابس مايعرفش الباك غير في خلاص الدروس الخصوصية ومن بعد يديه و بمونسيون !حتى هو يدهش كيفاش جابو..

فلا تلقوا اللوم بعدها على المهازل التي نراها في الجامعة بعد كل هذه التسهيلات ...
أي نعم مع المنهجية في وضع الأسئلة و الحرص على تجنب الأخطاء مهما كانت صغيرة و النزاهة في التصحيح أما أن تكون الأسئلة غير مدروسة و ملغمة بالأخطاء ثم تساهل في منح النقاط قد يهضم حق البعض و يؤثر على مصداقية تقييم النتائج ككل فأظنه أمر غير مقبول.
ما قلته للأسف صحيح.

رد: خرافة بكالوريا 2009 ،، أسرار و إشعات تحتاج لأرائكم
 

merci rabi yasster had 3am

رد: خرافة بكالوريا 2009 ،، أسرار و إشعات تحتاج لأرائكم
 

allah yestorna

رد: خرافة بكالوريا 2009 ،، أسرار و إشعات تحتاج لأرائكم
 

لازم توالفاو هذي هي القراية في الجزائر هوما يحبوا هك اصلا ملي دارو اخطاء خلاص يعني القراية في الجزائر =0 منكذبوش
ربي يسترنا ووننجحوا الكل و نتفوقوا امين يا رب العالمين

رد: خرافة بكالوريا 2009 ،، أسرار و إشعات تحتاج لأرائكم
 

شكرا لك علي هذه المعلومات النادرة........................................... ........
ربي ينجحنا .....................امين