تسجيل الدخول

كثرت الأحزاب و كثروا الجمعيات
و مكاتب خرين ما هم معروفين
شوف معيا شحال كاين تنضيمات
و نظر غير حزابنا فاتو ستين
بحق الــــدفاع رفدوا لافتات
حملت شعارات خط الفنانين
أيام الحملات ضربوا طاولات
رافعين الأصوات نطاق رسميين
حين تسمع لكلامهم تقول فرات
ولاد بلادي كلهم وطنيين
عندهم الحلول لكل الأزمات
ما يرضو بالضلم ما هم حقارين
تستغرب شكون يكسب الأصوات
يضهرولك كلـــهم مصالحين
ما حتاجو تدريس ولا جامعات
بالموهبة عارفين القوانين
خرجو من لرحام لاهم شهدات
على ذالأمة تنصبو محاميين
تنصرف ملايير على الإنتخبات
و المنتخب عايش كريدي مسكين
يخمم فالصيف للشتا وين يبات
يتمشى عريان أهلو جيعانين
حالو حال غريق يحلم بالنجات
صرالو مثل الفار في وسط ثعابين
بلسناتهم وصفوله الخيرات
الطماع حشاوهاله كذبين
من كانو رعيان رجعو من سدات
فات الإقتراع ولو مسؤولين
رجعو ضد لي عطاهم الأصوات
لي كانو بالأمس عنه محاميين
بينهم بين الشعب دارو جيدرات
فالإدارة شحال تلقى عساسين
يوميلك بالعين صوب التعليمات
الدخلة و طعن راهم مرفوضين
عيطا طلبات رجعو مهملات
و الباقي فالدرج راهم منسيين
للسرقة و نهب غيرو التسميات
سموها بالدعم دارو قوانين
لي عنده العرف يلقى تسهيلات
و لي ما عندهش ما يطمع مسكين
بفعل النهب تحطمت مؤسسات
و من كانو عمال رجعو بطالين
ولي نهبها راه عايش فالخيرات
البراءة جابها بالملايين
بسباب الفقر كثرت الأفات حتى
المعيشة غلات في ذلوقت الشين
الشباب يحوس على الجوزات
الأغلبية قاع ماتو حراقين
بنات العشرة فشوارع طلبات
و بنات العشرين ماهم مستورين
ما صلحو لزواج راهم هجلات
و الباقي بايرين فاتو لربعين
الخدمة لناس أهل المعرفات
و السكنة للي دفع الملايين
و لي ماعندهش عايش فالويلات
لا خدمة لا دار رانا مغبونين
زدنا قاع نتاج صرنا طبقات
واحد طاير فسما لاخر فطين
نطلب الإله رافع الدرجات
يهلك من هم للوطن مخربين
شهادة و فات نطلب مسدات
الوالي و المير و جميع الحين
هذ الندا نوجهه لسلطات
غير بالروح فزنا على لي مدفونين
الجنسية صحيح جزائري بذات
و غشيا فالأصل راهم معروفين
أهلي فالجهاد لهم تضحيات
في كل الأزمات كنا واقفين
حتى أنا وهبت عيطا سنوات
في صف الجهاد ضد المجرمين
الجزائر في حضانها لينا ربات
و ليها فضل الأم بين الولدين
و تستاهل لرواح ليها تضحيات
و حنا لهذا لقول منا نكارين
لاكن القلب مات قتله التنهات
ملي راه يشوفها بنادم بالعين

أخي المبتغي ليس من عادتي البحث في الشعر الملحون لكن هذه المرة حاولت أن أعرف ماهيته
أنصحك يا صديقي عندك بعض الأخطاء يمكنك أن تتجاوزها بالمطالعة
ومن الأخطاء هنا تنضيمات والأصح تنظيمات، لاكن والأصح لكن

ارجو منك المعذرة يااخي المبتغى
فالانترنيت كانت مقطوعة في يومين
المهم ياأخي ما خليتنا ما نعلقو حال البلاد قاع درته القصيدة ..الله يحفظك و يسترك

أخي المبتغي ليس من عادتي البحث في الشعر الملحون لكن هذه المرة حاولت أن أعرف ماهيته
أنصحك يا صديقي عندك بعض الأخطاء يمكنك أن تتجاوزها بالمطالعة
ومن الأخطاء هنا تنضيمات والأصح تنظيمات، لاكن والأصح لكن

أعلم أنها ردة فعل عصبية لا أكثرو أنك لم تجد إلا هذان الحرفان لترد لي نصيحتي لك في منتدى الخاطرة
وكان من الأحسن أن تستوعب الفكرة فذاك هو هدفي.
المشكل سي عبد العزيز ماهوش ف ظ وض و لا في ل و لا .المشكل راه فالفكرة بحد ذاتها و بما أنه ليست عندك معرفة تامة بالشعر الملحون زد الى معلوماتك أن أغلبية الشعر الملحون يكتب بالحوف الفرنسية و ذلك لتسهيل نطقه و تعلم يا أخي أن ترد الجميل بالجميل و تأكد أنه أسعدني أنك إنتقلت إلى منتدى الشعر الملحون لأجلي كما أعلمك أن لي موضوعين في منتدى الخاطرة يمكنك الإستفادة منهم و إن تتبعنا الأخطاء فحتى إسمك لا يكتب بتلك الطريقة و عذرا فلا يغضب من الحق عاقل فكن كذالك.

ارجو منك المعذرة يااخي المبتغى
فالانترنيت كانت مقطوعة في يومين
المهم ياأخي ما خليتنا ما نعلقو حال البلاد قاع درته القصيدة ..الله يحفظك و يسترك
__________________
كل زمان له رجال يا بلخير
أخي محمد يقول المثل إتخذ لأخيك سبعين عذرا فإن لم تجد فقل يوجد عذر لم أعلمه
مشكور على المرور و مشكور على التقييم و شكرا جزيلا على اللإحترام و التقدير و أبادلك ذالك و سلامي الى كل سكان غليزان .

أول مرة نعرف واش معناها الشعر الملحون..... و أول مرة نقرالو........
vraiment مالقيتش واش نقولك اخي المبتغي ..
malgré ماكملتهاش كامل طويلة شوية بصح رائعة .... كاين جرأة كبيرة بزاف........

من المفروض نتا الي تكتب فيهم ؟

يعطيك الصحة ....

يعطيك العافية اخي العزيز
الوطنية ليست بطاقة تعريف
لا نسخة من الجنسية
الوطنية دم وروح
من ابن الاوراس

أول مرة نعرف واش معناها الشعر الملحون..... و أول مرة نقرالو........
vraiment مالقيتش واش نقولك اخي المبتغي ..
malgré ماكملتهاش كامل طويلة شوية بصح رائعة .... كاين جرأة كبيرة بزاف........

من المفروض نتا الي تكتب فيهم ؟

يعطيك الصحة ....
__________________
مشكورة الأخت snow wing على المرور و التقييم و لا تحرمينا إطلالاتك أخوك المبتغي.

يا إبن الأوراس لم أقل غير ذلك إلا أنه من حق الجسد الذي يحوي هذان الدم و روح ان
يحي كريما في وطنه و شكرا على المرور من إبن الجزائر.

السلام عليكم ورحمة الله
إن مشكلتنا في عدم الإهتمام للأخطاء الصغيرة وهو ما تولد عنه تكاثر هذه الأخطاء إلى نسيان الأصل
ولو أننا نغض الطرف عن الضاد والظاد و عن الدال والذال تترسخ هذه الأخطاء و يأتي جيل ينسى الأصل
ولهذا كل من يحب لغته خاصة وأنها لغة القرآن أن يهتم بها ويطهرها من الأخطاء التي تشوبها والأمر ينطبق على كثير من الأزمات منها الأزمة التي تتحدث عنها في قصيدتك
أما إسمي فقد كتبته بالفرنسية abdlazez والأصح هو abdelaziz
وقد تعمدت ذلك لأنه قلما تجد أحدا يستخدم هذا الإسم في المنتديات وثانيا كتبته بلغة أجنبية لا يهمني أصلحت أم طلحت
ننتظر مرورك عبر قصائدي لتعرف نوعية قلمي يا صديقي
abdlazez