رسالة من ام فمن يجيبها
17-10-2016, 07:01 PM
اقتباس:
السلام عليكم ورحمة الله وبركاته انا بدي اعرض مشكلة بنتي الي انخرب بيتها وبدي اوجه رساله لكل ام ..انا امراه ام ل اربع بنات الكبيره منهم عمره 25 سنه احنا الحمد لله عيله محافظه ومتدينه جدا وبناتي مالهم دخلات او طلعات ومربيات احسن تربيه وخلصو دراستهم الثانويه وما رضينا ندخلهم الجامعه من هالشوفات والسمعات الي بنسمعها وبعملوها البنات في الجامعات اللهم عافينا المهم تقدم عريس لابنتي الكبرى طبعا اجت والدته ومبين عليهم ناس محترمين وقعدو العرسان مع بعض طبعا بوجودنا وصار اتفاق وكتب كتاب وخلال شهر اتزوجو لانه زوجي ما بحب الخطبه الطويله وام العريس كذلك واتزوجو وبعد اسبوعين بالزبط اجا العريس وجاب بنتي وحكالنا انه ما قدر يحبها وانه مافي تفاهم وما قدر يعيش معاها وعقله ماجا على عقلها ولا حب طبيعتها ولما سالت بنتي حكتلي انه صارحها انه كان يحب بنت وما قدر ينساها وامه رفضتها وانه لسه بحب حبيبته وما بده غيرها وطلق بنتي واعطاها حقوقها مؤخرها وذهبها وبنت اصبحت مطلقه وكل حدا بسال عنها وبحكولو مطلقه برفض يتقدملها وخاصه انه ما ضلت اسبوعين متزوجه وطليق بنتي اتزوج حبيبته ورضت امه فيها لانها على حد قولها شافت ابنها بتعذب وراح شهر عسل وانبسط وزوجته حامل ومبسوط كتير وبنتي راحت عليها رسالتي للامهات اولا لما ابنك بحب وحده بتيجي تطلبي بنات الناس ليش؟بناتي مربيات احسن تربيه وما عمرهم حكو مع اي شب وستات بيوت هيك مصير بنتي؟وانت يا شب كيف بترد على امك؟بتتزوج بنات الناس وبتطلقهم بحجه انك ما حبيت بنتي؟ليش ما تحبها؟بنتي مؤدبه وعاقله وست بيت وعمرها ما حكت مع شب ومش متل بنات هالايام شو ذنبها ينخرب بيتها ؟انا مقهوره على بنتي كتير كتير ومش عارفه شو اعمل مقهوره كتير من طليق بنتي وزوجته ونفسي انتقم منهم وبنتي نفسيتها تعبانه انصحوني وشكرا الكم |
فما آراؤكم ؟
تحياتي