ذاك المكان
06-02-2008, 12:35 PM
ذاك المكان

معاك جوزت يمات للأبد ما تتنساش،مليئة بالذكريات،تشهد عليها النجوم و القمر،الازهار و الشجر،تشهد عليها مواجي البحر.



قعدت وحيد في داك المكان

ذاك المكان تاع الزمان

ذاك المكان لكان يجمعنا في إتنين

كي نكونو فرحانين ولا متخاصمين

جلست فيه و طحتلي الدمعة

كي تفكرت الماضي لمعاك كان

رحلت مع ذكراياتك بعيد

و تفكرت يمات لكنا فيها متعاشقين

خيالي سافر بعيد

يمات الهدايا و الكلام الزين

يمات القعدات في إتنين

اليد في اليد و العين فالعين

تفكرت النضرات و الكلمات

و كل ما هو جميل في دوك السنين

بكيت ذاك المكان

كي عرف بلي مواليه رحلو للأبد عليه

رحلو و سمحوا فيه

و خلاوه وحيد ليجي يجلس فيه

ندم و بكى على ماضيه

حلف يغطي روحو بالشجر لحيط بيه

أسمي و أسمها مازالو منحوتين فيه

عاهدني لا أحد ما يقدر يمحيه

ودعتوا و كملت طريقي وحيد

يا يدرى ولا تطول العمر و نعود ليه



كل حاجة بقات ما زالت ما تمحات ،ما رحلت ما مشات،كل حاجة تفكرني بيك،وين قعدنا للأول مرة وين تعرفنا،وين فيه خنتيني و جلستي مع أخر.
كل حاجة بقات غير أنت لرحاتي...............


بقلمي : بورقى بشير
مواضيع العضو مشاركات العضو
من مواضيعي 0 قولـــي و عدلــي يـــا قمــــــــــر
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار