يادرى
06-02-2008, 12:26 PM
يادرى
نسولك يا لالة لسدت بابها في وجهي ما فتحاتو عليا
نسولك يا لالة لغلقت قلبها بسلاسل حديد،المفتاح ليديتو عليك ما فتحلي بابك و خليتيني مريح في برى نستنى
خفت و الظلام يطيح عليا و أنت ما خممتي فيا
بردت و الندى يصب عليا و أنت ما حنيتي عليا
ريحت في برى حزين نستنى الصبحية و أنت ما شفقتي عليا
ريحت في برى حزين نستنى الصبحية و أنت ما شفقتي عليا
بابك سديتيه في وجهي شحال من مرة بعد ما فتحتيه شحال من مرة
مفتاح قلبي هديتو ليك و بابي فتحتو ليك بلا ما تدقدقي عليه أنتيا
فرشتلك حرير و رحبت بيك شحال من مرة
فرشتلك حرير و رحبت بيك شحال من مرة
واقف قدام بابك هذي مدة طويلة نناديلك و تطلي عليا غير بشوية
يادرى ولا يجي النهار يتفتح بابك ندخل قلبك نعيش فيه لللآبد و نتهنى و نتدفن فيه ضحية و نكون فيه سجين كي الطير ليرجى الحرية!!!
يادرى ولا يجي النهار يتفتح بابك ندخل قلبك نعيش فيه لللآبد و نتهنى و نتدفن فيه ضحية و نكون فيه سجين كي الطير ليرجى الحرية!!!
يادرى ولا نريح قدام بابك يا لالة نستنى؟؟؟؟
الوقت يمضي و يفوت و أنا نشياخ غير بشوية،يشيب راسي و يتعماو عينييا ما نقدر ندخل ذاك الباب حين تفتحيه أنت عليا
ما عرفت اليوم ولا نريح نرجى و نستنى و لا لابد نمشي و نروح لوين ندقدق و يفتحو الباب عليا
يا درى أنت يا لالة باب قلبك و لا تفتحيه كاش نهارلي؟؟؟؟؟؟؟
يادرى أنا ولا نزيد ندقدق في بابك أنتيا؟؟؟؟؟؟؟؟؟؟؟؟؟
بقلمي : بورقى بشير
من مواضيعي
0 قولـــي و عدلــي يـــا قمــــــــــر
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار
