الجزائري و الأربعة و أربعون شخصية
31-05-2013, 01:33 PM
الجزائري و الأربعة و أربعون شخصية
.
.
.
.
... .
.
.
.
.
.
.
.
.
.
كلنا نعرف أن الكائن الجزائري الحيــي ـــــ الميت عنده قدرة تفوق سرعة ( الكرات الثلجية العشوائية لي كان يرميها على كل من يبوجي كي صب الثلج ) في تحوله من إمام إلى محترف كرة إلى محلل سياسي إلى مواطن بسيط في أقل من ساعة !!! مثلا :
*
الجزائري الإمام :
على الساعة 5:00 => صاحبه يبوسطي آية قرآنية
هو يدير جام في ظرف ثانية بلا ما يقراها و من بعد يحطها في كومنتار و يضيفلها الآية لي بعدها و يكمل بنطق الشهادتين و يصيد 6 جامات و 7 ' ماشاء الله خو الله يبارك '
*
الجزائري المحلل السياسي :
على الساعة 5:10 => يقرا في باجة : " الأوضاع في سوريا من سيء إلى أسوأ و تحالف الناتو .... "
حبيبنا يصدم على شريط الكومنتار و يبدا يحلل و يتفلسف و يتنبأ بحرب عالمية ثالثة ...و يكمل بخطونا يا عرب ههههه أرواح نتا فهم دَرْوَك
*
الجزائري المحلل الرياضي و اللاعب المحترف
5:20 => صديقة يبوسطي فيديو لماتش البارصا و الريال ( لتصفيات كأس الملك هههههه 2ـــ1)
مع العلم أنه يشجع جوفنتيوس للنخاع ، يبدا يسب فالبارصا و مشجعينها و يشكر فالريال كأن جوفنتيوس أخت الريال من الرضاعة و من بعد يقولك ' خلو ميسي المونقول ينفعكم' ههههه الادمين يقولك : تخيل أنت و ميسي و الكرة بينكما هههههههههههههههه و إذا توشيت الكرة أو لمحتها أنا المونقول فيكم
*
الجزائري المنحرف
مع 5:30 => يبوسطو صورة قاورية تعانق في قط أو كانيش و لابسة بلا ما تلبس
هو يريق و يكحل على الفوطو عشر دقايق و يأناليزيلها جدها و من بعد يأونغوجيستغيها فالبيسي تاعو أو يبارتاجيها و من بعد يدير جام و كومنتار و يقولهم : يا **** علا ش ماعدناش زين هادا ياربي ( يكفر و من بعد يذكر إسم الله ! غريبة بشرة تلك الفتاة ! ) و من ببعد يتمنى يكون في بلاصة هاداك القط أو الكانيش و كملها ب
.
الجزائري المواطن الزوالي :
على 5:40 => يسمع بوه يشكي من غلاء المعيشة
و هنا يضربه الريح لراسه و يتفكر الميزرية لي عايش فيها و يبدا يسب فالجزائر برئيسها بشعبها بموسطاشاتها و يدير ستاتي يكتب فيه :اللهم إني أسألك الهجرة إلى بريطانيا العظمى و ملكتها التي لايظلم عندها أحد
هههههههههههه الملكة نفسها عندها الديون و سلفت باش دير لاني فاغساغ تاعها
*
الجزائري العاشق الولهان التعبان
مع الساعة 5:50 => تكوناكتي حنونته و تبعتله قلب احمر
حبيبنا يبدأ يشعر و يعطي فالوعود الحمراء و يحكيلها في همومو يقولها عمري دعيلي ربي يخرجني من هاد البلاد و نرجعك ملكة زمانك و ندير و نحقق و و و و و و و ...
*
على الساعة 6:00 => يجي مروكي يكومنتيله ستاتي تاع ' اللهم إني أسألك الهجرة إلى بريطانيا العظمى و ملكتها التي لايظلم عندها أحد ' ويقوله : هههههههههه 4ــــــ0 !! هاجر حْسَن ليك .. فالكورة و مافرحوكش
و هنا يتحول إلى دبابة من نوع قاي بريد و يبدأ القذف العشوائي المصحوب بالقنابل المسيلة للدموع و يخرجله المقولة الشهيرة :" قبل ما تحكي على الجزائر توضى و من بعد حكي"
و يتحول من مواطن كاره إلى وطنّي عاشق لبلده و يتفكر أيام لي صب فيها الثلج و يامات أم درمان
و يبوسطي صورة الرئيس بومدين و يكتب : 123 فيف لالجيري و فوك لي جالو
.
و يبقى السؤال مطروح : ' من أنت أيها الكارثة ؟ ههههههههههههههههههههه ' تبا صاريلك كيما لي زانتي كوغ بيغيفيغيك وين حطيناك تسلك روححك
آڷتعآمڷ-معيے'ڳآڷذخيره-آڷغڷطہ آڷأۈڷى-هيہ آڷآخيہرة)
كاتــ،ـبـة باذن ربـــ،ـي اعـــ،ــي ما افــ،ــعـــ،ـــل واخــ،ـــط دربــ،ــي
