رد: دنيا ضحية أخرى للأخطاء الطبية (كشف المستور)
20-12-2014, 11:03 AM
لا حول ولا قوة إلا بالله
ربي يرحمها ويصبر والديها عليها يارب
والله أصبحنا نخاف كثيرا الذهاب للمستشفيات جراء هذه الأخطاء الطبية
الواحد توجعو كرشو يشقوه يموت بفيروس تاع غرفة العمليات وفي الأخير يكتشفو بلي المريض كان يشتكي من الغازات فقط
أنا عندي أختي مريضة سكري مرة طلعناها للسبيطار كانت عندها نسبة السكر مرتفعة دخلناها للإستعجالات وكانو كاينين مرضى بزاف
جاتها الممرضة وقالتلها هيا
راحت معاها
جابت السيروم ورايحة تحطهولها من بعد أختي سقساتها واش هادا
جاوبتها الممرضة مشنفة سيروم
قالتلها أختي مالح ولا حلو ؟
قالتلها الممرضة واش رايك تجي تخدمي في بلاصتي؟
قالتها أختي راني نسقسي باش نعرف ماشي باش نخدم
قالتلها الممرضة سيروم حلو
قالتلها أختي حبيتي تقتليني السكر 4 غرامات وتزيديني السيروم حلو؟
قالتلها الممرضة علاش ماشي انت تاع التسمم
قالتلها أختي لالا أنا تاع السكر
الممرضة: اسمحيلي غلطت
باختصار الواحد كي يدخل للسبيطار لازم يكون فاطن ويشوف ويسقسي خير ما تتفر فيه
ولازمنا نقراو شوي ونتثقفو صحيا على الأقل الواحد كي يدخل يعرف واش رايحين يديرولو
تقبل مروري عم أبو أسامة ومعذرة على الإطالة
