تسجيل الدخول

*****************خليلة**********************

ياالله ياجليل ياثبات العقول =طلبتك ربي ترد عقلي لصوابو
هلكتني خليلة بنيت جلول =رشات جسدي وضلوعي شابو
عيات ذالقلب منكيدها معلول =تقدي فيه النار تزهى لعذابو
مرمدني حبها عشيت مهبول =واه الواحد منايف قاع صحابو
لاعقل نجبرو منعشقها مثمول =مالي غير الحبيب جابر بابو
منزينو الخاثر خلاني مذهول =نتبع فيخيالو نحوحي علاجنابو
سولتهاوحالتي خايف مذلول =اللسان يدعثر فيلكلام وتركابو
قلتلها يازايخة اصدقي فيلقول=اناصهدو عيوني منلمحك ذابو
ويناهم ناسك صايقين لمرحول=ولامنجنس بعد ماحطيت علاترابو
قفات الهيه وخلاتني مشلول = تزعبل فلمشية والكل باني نشابو
تتمطوح وشعر علالهذاب مسبول=زينة التبسيمة ولخد طابعو تثقابو
منذيك الشوفة والخاطر معزول =يسخيل فيصورتها زايدة تشقابو
تهدف عني فيليل فيوكري تجول=تسامي جنبي لايحة علوجه نقابو
نسول وساكتة شكيتني انامهبول=ذاطيف مايرد محال علقلب وجابو
وليت حتعاثر فيلمشية مختول =مصهود هذا الدفدوف شاعل لهابو
الله الله لامنيقدالها نديرو مرسول=يصفاها يقلها خليلك تقوات اعطابو
قلهاجيتك بلجاه اطفي ذالمشعول=خافي ربي منذا الميكوع وعذابو
نجيهلك بلخالق ونجيهلك بلمنزول=المدمع فاض وادو وكب لشعابو
زرع قرستو كيكبر وعشالي سبول=وخذتيه قش ماشفك حالي وتعابو
وعلاه قاحطة ارضي المقبة طول =قيثي ذالقلب ياحبيبة اروي ترابو
رانيعارف ذالحب منتوالك مجهول=وذالمبلي ماكي حاسة بهمو وعذابو
ورد المحبة راهجف وصار مذبول=وفنات العطور ياحسرة انت سبابو
تكافيني علمحبة بطعنات المسلول=وزادها قشك فيلكبدة قرس نيابو
نترتي قلبي ملفريسة عشامفصول=عبد تايه فيلبر مايتفكرش احبابو
حالي متخبل نعت لصوف المقزول=حبيبك يبكي سالت ادمعة علاهذابو
ياحصراه علاقلب بالي بيه مشغول=فيتفكارو ترفدني لشواق حتلطنابو
نحسبو يستاهل قا نرطبلو فيلقول =شكيتها قابلية قلبي المولى صابو
ماهيش مننوع ليحبو محال يزول = ماينكرش لحين يلوحو عليه ترابو
ذيجمرة داسها منبكري بابها مقفول=رجعني ليه الشوق وصبحت طبطابو
بر الخادعة مانوليلو لو ادهر يطول =وحالف مانمشيلو رميت عليه ترابو
هذا ورد مانعرفش فيلغزو منحلول =نسال الشيخ علي راهيعرف لحرابو
يعطيني عقار يشافي القلب لمعلول=راه تفهق مافادش ولادوا فيتطبابو
نختم ذالقول بصلاة على الرسول =صلى الله عليه قد البر واشعابو
........................عليه أزكى الصلاة والسلام..............................

مهداة لكل اعضاء المنتدى...دون نسيان الشاعران علي قوادري وابو اسامة.....وشكرا

شرح بعض الكلمات
المقبة=الجافة
قفات=استدارت بظهرها
تزعبل=تتبختر
تتمطوح=في بهو
تفهق=به ثقب

الله يبارك يا نيلكم أستاذ علي وعمو أبو أسامة
بارك الله فيك بوبكر على الكلمات
دمت للمنتدى

الله عليك ياصاحبي بهاذ القول ### زهيتنا و القلب دقدق بابو
واشفيت كل من كان ييه علول ### و لعرفنا راعيت ليه آدابو
بفصاحتك و كﻻمك المعسول ### حيرتنا ... و الشعر ليه صحابو
مالك سكتي بنيت "الجلول" ### ذا طالبك ردي عليه جوابو

واش راني نشوف وائل راك مبدع الله يبارك

ههههه
والله رانا نتعلمو برك ياك قلنا "و الشعر ليه اصحابو"
شكرا صوفيا

حتى أنا مي مانيش بارعة لهذيك الدرجة
نهارات نغني في مخي
نحير كيفاش نطلعها ملحون

و الحمد لله أنت موفقة جدا فيما تكتبين
تعجبني دائما كتاباتك
المهارة تأتي مع الخبرة و الخبر نكتسبها بالممارسة
واصلي اختي و سيكون لك شأن فالمستقبل
فقد نضطر لشراء كتبك يوما ما !

كلام رائع ينسي الهم
لن اطلب شرحا للكلمات بدات اتعود اللهجة الجميلة واستسيغها
مشكور

الله يبارك فيك الاخت صوفيا والديمومة مشكوك فيها

يعطيك الصحة ياوليد الاصول*** ربي يوفقك في لملحون وترتابو