قصيدة نورة
21-10-2008, 04:38 PM
السلام عليكم جئتكم اليوم بقصيدة جديدة عسى تعجبكم
وهي قصيدة تحكي قصة شيخ كبير لما جاءته سكرة الموت نادى ابنته نورة فقال لها سامحيني فرفضت ليش؟ لأنو كانوا يجيوها الخطابة باش تتزوج وهو يطلب فيها بزاف الدراهم حتى قعدت وقاستها العنوسة
كِي جَاتُو ذِيكْ السَّكْرَة
وْحَسْ أنُّو المُوتْ قَرْبَتْ
وْحَسْ أنُّو المُوتْ قَرْبَتْ
قَالْهُمْ جِيبُولِي بَنْتِي نُورَة
رَانِي حَابْ لِيهَا نَتْحَدَّثْ
رَانِي حَابْ لِيهَا نَتْحَدَّثْ
كَلَّمْهَا بْوَاحَدْ النَّبْرَة
وْصُوتُو ضْعِيفْ أُو خَافَتْ
وْصُوتُو ضْعِيفْ أُو خَافَتْ
قالْهَا مَا تْشُوفِيشْ فِيَ بْذِيكْ الخَزْرَة
قلْبِي مَنْهَا رَاهْ يَتْفَتَّتْ
قلْبِي مَنْهَا رَاهْ يَتْفَتَّتْ
سَامْحِينِي عَالأَلَمْ وَالحَسْرَة
اللِّي ذَوَقْتَكْ كِي نَفْسِي طََمْعَتْ
اللِّي ذَوَقْتَكْ كِي نَفْسِي طََمْعَتْ
قاتْلُو يَا بَابَا قْبَلْ سَامَحْنِي نْقُولَكْ
وَاللِّي كْتَمْتُو سْنِينْ اليُومْ نْخَرْجُو
وَاللِّي كْتَمْتُو سْنِينْ اليُومْ نْخَرْجُو
عْلاَشْ خَلِّيتْنِي هْنَا قُدَّامَكْ
وْحْبَابَاتِي كَامَلْ تْزَوْجُو
وْحْبَابَاتِي كَامَلْ تْزَوْجُو
قْطَعْتْلِي لِيَاسْ بَحْكَامَكْ
القَسْوَة وَالطْمَعْ فِيكْ تْمَازْجُو
القَسْوَة وَالطْمَعْ فِيكْ تْمَازْجُو
النَّاسْ صَارَتْ تَنْظُرْ لِيَ بْفَعْلَكْ
بْعِينْ السُّخْطْ وْبِيهَا فِيَّ يَتْفَرْجُو
بْعِينْ السُّخْطْ وْبِيهَا فِيَّ يَتْفَرْجُو
قُولِّي لَوْ جَا قلْبِي قلْبَكْ
هَاذْ الشِّي إذَا مَا كَانْ يَزَعْجُو
هَاذْ الشِّي إذَا مَا كَانْ يَزَعْجُو
أنَا إنْسَانَة مَانِي سَلْعَة
والدْيُورْ عَايْلَة مَاهِي مَارْشِي
والدْيُورْ عَايْلَة مَاهِي مَارْشِي
وَزْوَاجِي حْصَانَة مَا هُو بِيعَة
وَالرَّبْحْ فْغِيرْ هَاذْ الشِّي
وَالرَّبْحْ فْغِيرْ هَاذْ الشِّي
تَطْلُبْ فِيَّ خَمْسَة وَلاَّ سَبْعَة
بَالمْلاَيَنْ نَتْمَدْ وَلاَّ مَا نَتْمَدْشِ
بَالمْلاَيَنْ نَتْمَدْ وَلاَّ مَا نَتْمَدْشِ
وِينْ تْعَلَّمْتْ هَاذْ الشَّرْعَة
فْقُرْآنْ رَبْنَا مَا نَزْلَتْشِ
فْقُرْآنْ رَبْنَا مَا نَزْلَتْشِ
كُنْتْ تَجْرِي تَلْهَثْ إمَّعَة
وْوِينْ مْشَاتْ النَّاسْ تَمْشِي
وْوِينْ مْشَاتْ النَّاسْ تَمْشِي
جَاوْنِي شْحَالْ الخَطَّابَة
وْقُلْتْ لِلزْوَاجْ مَا عَنْدِيشْ بْنَاتْ
وْقُلْتْ لِلزْوَاجْ مَا عَنْدِيشْ بْنَاتْ
وَانَا وَالله غِيرْ كُنْتْ حَابَّة
وْدْعِيتْ مُولاَيَا فَالصَّلَوَاتْ
وْدْعِيتْ مُولاَيَا فَالصَّلَوَاتْ
يْجِينِي إنْسَانْ يَغْمُرْنِي مْحَبَّة
يْعِينْنِي عْلَى فِتَنْ هَاذْ الحَيَاةْ
يْعِينْنِي عْلَى فِتَنْ هَاذْ الحَيَاةْ
لَكِّنْ نْتَ ضْرَبْتْنِي ضَرْبَة
مَا تَعْرَفْهَا غِيرْ المْجَرْبَاتْ
مَا تَعْرَفْهَا غِيرْ المْجَرْبَاتْ
العُنُوسَة مَاشِي غِيرْ خَطَر كُرْبَة
وْلِلاِنْحِرَافْ خِيرْ القَايْدَاتْ
وْلِلاِنْحِرَافْ خِيرْ القَايْدَاتْ
لَكِّنْ مَاعْلِيشْ يَا بَابَا رُوحْ
بَالسْمَاحْ مَا نَنْسَاشْ أنَّكْ رَبِيتْنِي
بَالسْمَاحْ مَا نَنْسَاشْ أنَّكْ رَبِيتْنِي
مَاللِّي كُنْتْ صْغِيرَة فَالدُّوحْ
تْعَبْتْ عْلَيَّ سْهَرْتْ وْ كَبَرْتْنِي
تْعَبْتْ عْلَيَّ سْهَرْتْ وْ كَبَرْتْنِي
لْرَبِّي نَصْبَرْ وْلِيهْ نْبُوحْ
نَشْكِي بْهَمِّي اللِّي مْؤَرَقْنِي
نَشْكِي بْهَمِّي اللِّي مْؤَرَقْنِي
نَدْعِيهْ يَغْفَرْلَكْ يْكُونْ صْفُوحْ
مَا يَحَرْمَكْ مْنَاكْ كِيمَا حْرَمْتْنِي
مَا يَحَرْمَكْ مْنَاكْ كِيمَا حْرَمْتْنِي
هُوَالكْرِيمْ بَابُو مَفْتُوحْ
يَدَخْلَكْ جَنَّاتُو فَالْمَحْشَرْ وْيْدَخَلْنِي
يَدَخْلَكْ جَنَّاتُو فَالْمَحْشَرْ وْيْدَخَلْنِي
القصيدة مسموعة من هنا
من مواضيعي
0 الحاجة دارت النية
0 قصيدة الحجاب
0 قصيدة نورة
0 البارح كاسندرا .. اليوم مهند
0 المرض الصعيب
0 قصيدة الحجاب
0 قصيدة نورة
0 البارح كاسندرا .. اليوم مهند
0 المرض الصعيب
التعديل الأخير تم بواسطة مولود5 ; 22-10-2008 الساعة 04:23 PM
