تسجيل الدخول

ظلمتيني وقلتي نحبك ونعيش عمري بحبك
وسنيني ورد في دربك نبيع ونشري قلبك

امشيتي في دربي ومشيت انا في دربك حتى عيت
واحلمتي وحلمت وتمنيت نعيش ونموت في قربك

سفرت بحبك بعيد ونار حبك فيا تقيد
تكوي وتشوي وزيد وكان يدفيني لهيبك

وعلاش ترحلي وتروحي وتخلي دموعي وجروحي
وترحل برحيلك روحي ونشرب المر من كاسك

كنت مرتاح في حالي لا ليا ولا في بالي
ولاخطر في خيالي لا اسمك ولا عنوانك

دخلتي وما دقيتي بابي وهدمتي سوري وحجابي
وسكنتي ديري وقبابي وصرت عساس على بابك

نسميك ظالمة ماهو طبعي ولا نصلي وعليك ندعي
ولا نسامح ونكتم دمعي ونسلم لربي وربك

قلت لك راني مجروح وقلبي في الهوى مذبوح
وقلت لك لاتزيدي جروح وقداه من مرة ترجيتك

قلت لك حبنا زاد مقتول مبني على رقم مجهول
خلطتي في رقم المحمول وصرت مقدر في كتابك

يخي قالوا حب الطاقة عمره ولا يتلاقى
مابالك بحب بطاقة ورسالة في حسابك

ماسهل كلمة الحب اللي ما تخرج من القلب
كذبة كي باقي الكذب ياويح اذا صدقها قلبك

انا راني مسامح كي اليوم كي البارح
نهار حزين وفارح حتى ننسى جراحك

قلبي علماته الليعات كل ليلة ينسى ما فات
الحسرة وكثرة الدمعات تمسح ذنوبي وذنوبك

مشكور يا اخي على الكلمات الجميلة