تسجيل الدخول

ان ماحدث في مبارة سطيف مع الحراش في الدور الجزائري و مباراة المبي شلف مع وداد تلمسان وادى الى مقتل طفل واصابة 6 اشخاص على الاقل اصبح يهدد كيان الكرة الجزائرية ومستقبلها وهدا راجع الى عدة اسباب ندكر منها
- الجهوية في الكرة الجزائرية
- التعصب للقوي للفرق الولائية
- اخلاق اللاعبين على ارض الميدان اصبحت تستفز الجمهور
- الرشوة
- تحيز الاتحادية - بعض الاشخاص - لفرق معينة و لجنة التحكيم
- تدخل اشخاص لا علاقة لهم بكرة القدم في تسير الاندية
بعض اساليب معالجة الظاهرة
- ايقاف الدوري لمدة سنتين على الاقل
- اعادة النظر في طريقة تسير الاندية واين تدهب اموالها
- محاربة الرشوة وضع عقوبة قاسية عليها تصل الى حد الانزال الى القسم الادنى مثل الدول الاروبية
- تكوين الحكام - مع العلم ان الجزائر تملك حكام ممتازين
- تسليط عقوبة على الاعبين الدين يحتجون على الحكام الان هدا يؤدي الى استفزاز الجمهور
- توسيع الدوري الى 20 فريق
- منع تنقل الجمهير الى ملاعب الفرق الاخرى
* شاركوا بارائكم - الان الامر يهم الكرة الجزائرية - كما يمكنكم طرح اسباب اخرى للمشكلة - و طرق معالجتها

يا الله تفضلو وناقشونا وادلوا بارئكم

قولي انتا كي غادي تحبسهم التخريب ساكنلهم في المخ الله غالب

السلام عليكم و رحمة الله و بركاته

اخي الكريم جزاك الله خيرا على هذا الموضوع القيم بما انه يمس بقيمنا

العنف في الملاعب . ظاهرة عالمية انتشرت بسرعة في الجزائر و بخطورة كذلك
و الله غير عيب حتى الماتش ما رجعناش نقدروا نشوفوه مع الاهل متجمعين
حتى الخرجة ما نخرجوش نهار الي يلعبوا الماتش
وعلاه كاين رياضة اليست للفرجة و المتعة و متنزه للترفيه في نهاية الاسبوع بصح الواقع هو العكس تماما
و السبب هو التربية و الاخلاق بغض النظر على الاسباب الاخرة
المناصر الجزائري و للاسف ماشي مربي حاشا الي يستاهل مناصر تربى على العنف
داير في باله بلي كي يكون عنيف سما هو راجل بصح ما علبالوش بلي هكدا يولي ماشي مربي
الراجل عنهم الي يضرب و يكسر و يوري قوته يا لوكان على حساب حياة الناس و صحتهم و لا حتى على حساب ممتلكات الدولة

يعني السبب الرئيسي رقم واحد هو العقلية تاع المناصر و اخلاقه

اسباب التانية متل اخلاق اللاعبين هادي تاني تلعب دور

نقطة اخرى الصحافة ثم الصحافة ثم الصحافة
الصحافة تقدر تشعل نار الحرب و هي تقدر تطفيها كي تحب لكان من جميع صحفي كي يكتب يحاسب نفسه و يعرف واش راح يكتب و تاتيره على النار و الله ما نوصلوا لهاد الدرجة
نشفا واحد العام الصحافة الجزائرية كتبت على العلاقات الي بين شبيبة القبائل و مولودية العاصمة و قعدت اسبوع تقول خاوة و اح يقعدوا جنب الى جنب و الله غير نهار الماتش الانصار قعدو واحد شنوي وواحد قبائلي جنب الى جنب
بصح لكان تقعد غير تهدر على الاخوة الاعداء و الحرب ووووو تاكد بلي راهي تشحن في الناس
لهذا يجب محاسبة الصحافة كذلك ( كيما راهي تكتب دوكا على مصر و الجزائر بالله عليكم ماراهيش تشعل في النار )

اسباب اخرى كلها تعود للاخلاق

انما الامم اخلاق ان ذهبت اخلاقهم ذهبوا

الحلول
التوعية و محاولة نشر اداب صحيحة و الصحافة دورها هنا
العقاب على خاطر كاين ناس ما يفهموش غير بالدبوز ماشي احرار الله غالب
و اكرر التربية هي الاساس

جزاك الله خيرا اخي الكريم

شكرا امينة dz على رئيك وعندك الحق تبقى التربية هي الاساس

التربية و الأخلاق هم أساس إنتهاء كل المشاكل
خاصتا في الكرة

والله ربي يهدينا معدناش روح رياضيه لزم الفريق المضيف لزم عليه يربح كان هكاك تنوض الفوضى في الملعب والله عيب علينا وقتاه انحو هذي العقليه من روسنا عقلية تهديم وتخريب وصدامات بين جمهير المنتخبين او الجمهور والامن ؟؟؟؟؟؟؟؟؟؟؟

اخبار جديدة طالب من سطيف يقتل زميل له في البرج بسسب مبارة كرة القدم شوف وين وصلت كرة القدم عندنا تسمع غير الجديد عيش تشوف

كرة القدم في الجزائر الله يهديهم - ارجوا توقيف كرة العار هدي التي يسمونها كرة القدم