الفتاة بعد الزواج "لازم تدخل"
07-04-2016, 03:52 PM
تحكي فتقول
بعد ما تزوجت ب 6 ايام حرت في حاجة فريدة وليت عزيزة اجدكم عند دارنا
كي جاو يخرجوني عروسة خويا يبكي.gif "14")
و انا مشوكية .gif "5")
هذا خويا و الا نحلم .... و خويا صغير حاكم الشوكة و دموعو نازلين واش بيك احلييش موش كنت تقولي روحي تتزوجي باش ندي شمبرتك ...!!!! و هاذي اللخرة قاتلهم اقعدو ثم ندور نلقا بنات عمي يبكيو عليا واش غير الخير حتى انتوما تحبوني و حتتوحشوني .gif "19")
غير ما تلعبوهاليش.gif "3")
....و جاءت امي الحنون من بعيد تشهق بالبكاء هي و السيد ابي اللذان كانا يقولان لي ياجاب لبنات الهم لاحقك للممات ... المهم تلاحو يحظنو و يبوسو فيا و انا قلبي تقطع الدموع لخناين يهبطو وش نقولكم 💔... مي حرت يا ناس منين جات لمعزة هذي كامل❤❤ بكري قبل ما نتزوج تقول عدوتهم لي يشوفني تقول شاف جنية 👿👿لا علينا مام انا درت لي عليا.
المهم.gif "1")
و را العرس عرضوني دارنا للسبوع حسيت واحد الاحساس جامي حسيتو في حياتي .gif "12")
اول مرة يقيمني عبد و يعرضني ...روحت انا و قدوري ضربنا الحطة يدي في يدو 👫مع دخلنا للرود لقينا بابا و خاوتي واقفين فالرود 👮👮 مع شفتهم تخلعت قلت لراجلي دور دور بابا و خاوتي شافوني .gif "10")
هههههههه حسبت روحي مازلت بايرة و قدوري فاسخ ضحك .gif "8")
ايا هبطنا حشمت زعما حسيت روحي بوتفليقة ☺☺ ما هذا الاستقبال بابا حظني فالرود و انا كي ماروكو غير مشوكيا ايا و ندخل للدار و تهز ماما تزغريطة ملخرين اوووووووو يا قدوري زعما ماناش غالطين فالدار و هو ادخلي علعام بطوايشك دخلت لقيت واش من كفتة واش من اوردوفر واش من ديسير واش من شخشوخة الله الله و اش من جاج محمر.gif "2")
.... ماما تاكلو الجاج ااااه اااه 🐔🐔وانا بكري نقلي عظمة تروح تجري تحسب اللي فلفريجيدار و تفجخني بيهم ..... ايا حطو لغدا الرجال تغداو مع بعض و النسا وحدهم و انا ناكل بكل شراهة قاتلي ماما نزيدلك اللحم !!! آااااه عاودي وش قلتي ماما سبحان الله كانت تقولي كولي سبتك و بلعي فمك سبحان مغير الاحوال ..... تغديت في واحد الدلال وش نقولكم قدوري قالي من بعد نجي نديك قتلو اوكي .... ايا جا بابا و خاوتي تلمو معايا و قالي بابا توحشتك يا ستوتة انا درت ورايا حسبتو يحكي مع ماما قتلو توحشتني انا يا بابا راك متاكد!!!! و خاوتي خليتي الدار كحلة اجدكم منكم بالصح و الا تلعبو معايا ؟؟؟ و ناضت ماما دير قهوة قتلها دوك نوض انا نديرها قاتلي و الله ما تصرى غير انا لي نديرها اااااااوووووو ماهذا يا نبع الحنان جابت ماما القهوة و الباتيسري وشي هاد الخير كامل كان بابا يشريلي ميلفاية و يقولي تقاسميها مع خوك..... جا غاجلي يروحني نادو كامل يبكيو جبد بابا مليون عطاهولي قالي تمصرفي نادت ماما جبدت 500 و خويا 500 الف واش هذا !!!! .... اااه يا..gif "4")
.. علاه ما درتوليش الدلال هذا قبل ما نزوج و تتطفر فيا علاه كنتو مكرهيلي حياتي و شفت عند غاجلي قتلو خلاص ما نروحش .gif "11")
.gif "20")
.
بعد ما تزوجت ب 6 ايام حرت في حاجة فريدة وليت عزيزة اجدكم عند دارنا
كي جاو يخرجوني عروسة خويا يبكي
و انا مشوكية هذا خويا و الا نحلم .... و خويا صغير حاكم الشوكة و دموعو نازلين واش بيك احلييش موش كنت تقولي روحي تتزوجي باش ندي شمبرتك ...!!!! و هاذي اللخرة قاتلهم اقعدو ثم ندور نلقا بنات عمي يبكيو عليا واش غير الخير حتى انتوما تحبوني و حتتوحشوني غير ما تلعبوهاليش ....و جاءت امي الحنون من بعيد تشهق بالبكاء هي و السيد ابي اللذان كانا يقولان لي ياجاب لبنات الهم لاحقك للممات ... المهم تلاحو يحظنو و يبوسو فيا و انا قلبي تقطع الدموع لخناين يهبطو وش نقولكم 💔... مي حرت يا ناس منين جات لمعزة هذي كامل❤❤ بكري قبل ما نتزوج تقول عدوتهم لي يشوفني تقول شاف جنية 👿👿لا علينا مام انا درت لي عليا.المهم
و را العرس عرضوني دارنا للسبوع حسيت واحد الاحساس جامي حسيتو في حياتي اول مرة يقيمني عبد و يعرضني ...روحت انا و قدوري ضربنا الحطة يدي في يدو 👫مع دخلنا للرود لقينا بابا و خاوتي واقفين فالرود 👮👮 مع شفتهم تخلعت قلت لراجلي دور دور بابا و خاوتي شافوني هههههههه حسبت روحي مازلت بايرة و قدوري فاسخ ضحك ايا هبطنا حشمت زعما حسيت روحي بوتفليقة ☺☺ ما هذا الاستقبال بابا حظني فالرود و انا كي ماروكو غير مشوكيا ايا و ندخل للدار و تهز ماما تزغريطة ملخرين اوووووووو يا قدوري زعما ماناش غالطين فالدار و هو ادخلي علعام بطوايشك دخلت لقيت واش من كفتة واش من اوردوفر واش من ديسير واش من شخشوخة الله الله و اش من جاج محمر .... ماما تاكلو الجاج ااااه اااه 🐔🐔وانا بكري نقلي عظمة تروح تجري تحسب اللي فلفريجيدار و تفجخني بيهم ..... ايا حطو لغدا الرجال تغداو مع بعض و النسا وحدهم و انا ناكل بكل شراهة قاتلي ماما نزيدلك اللحم !!! آااااه عاودي وش قلتي ماما سبحان الله كانت تقولي كولي سبتك و بلعي فمك سبحان مغير الاحوال ..... تغديت في واحد الدلال وش نقولكم قدوري قالي من بعد نجي نديك قتلو اوكي .... ايا جا بابا و خاوتي تلمو معايا و قالي بابا توحشتك يا ستوتة انا درت ورايا حسبتو يحكي مع ماما قتلو توحشتني انا يا بابا راك متاكد!!!! و خاوتي خليتي الدار كحلة اجدكم منكم بالصح و الا تلعبو معايا ؟؟؟ و ناضت ماما دير قهوة قتلها دوك نوض انا نديرها قاتلي و الله ما تصرى غير انا لي نديرها اااااااوووووو ماهذا يا نبع الحنان جابت ماما القهوة و الباتيسري وشي هاد الخير كامل كان بابا يشريلي ميلفاية و يقولي تقاسميها مع خوك..... جا غاجلي يروحني نادو كامل يبكيو جبد بابا مليون عطاهولي قالي تمصرفي نادت ماما جبدت 500 و خويا 500 الف واش هذا !!!! .... اااه يا... علاه ما درتوليش الدلال هذا قبل ما نزوج و تتطفر فيا علاه كنتو مكرهيلي حياتي و شفت عند غاجلي قتلو خلاص ما نروحش .
.gif "18")
وهوما كي يشوفوها هكا يطبقو المقولة تاع " خيط معوج شاتيا نتزوج " 
.gif "7")
