♥♥ قليل من الحب للتحميل ♥♥ Un peu d'amour téléchargé ♥♥
13-08-2009, 09:14 PM
my virtual love
الكثير منا يبحث عن الحب .. الي ملقاهش على ارض الواقع .. كثير منا محروم بسبب هجرة حبيب ..
ولا بسبب ظلم الزمان .. الكثير اللي مقدرش يلقى انسان ولا انسانة تحبو برا ...جا للمنتديات .. يحوس عل قليل من العاطفة .. على قليل من الحنانة او الحب .. بعدما تغلقو عليه بيبان الحياة
بعدما تعقدت الامور .. وتعقدت المفاهيم ... وسماطت الحياة هاذي بشئء كثير
الكثير لي ارتبط بميساج تاع طفلة والكثير اللي تستنا في بسودو تاع سكايب يولي اخضر
سمحنا في حب حياتنا الحقيقي .. وارتبطنا بعالم virtuel وهمي وافتراضي
علقنا امال على صوت رقيق .. تخيلنا من وراه طفلة شابة
و تعلقو بنات بصوت ورنة .. يعكس رجولية من ورا شاشة كمبيوتر
نتبادلو les emails .. ونتبادلو les sms
نرهنو قلوبنا بحروف تاع clavier ساعات تفرحنا وسوايع تهبطلنا المورال
بصح مكانش قدامنا العبد هذاك .. كيفاه نحبو une machine ..كيفاه تفهم للناس انك تحب كومبيوتر مربوط بـ net ..رغم ان الكمبيوتر ما يمدش الاحساس
كيفاه تخلي قلبك يحب programe .. هو مسنجر ولا اللمة ولا اي منتدى اخر
تخممو في كتبت الشخص هذاك ..في عقليتو ... في اذا كان يبادلكم نفس الشعور ... تخممو surtt في تواجدو معاكم في الحقيقة .. ربما طويل .. ربما قصيرة .. ربما اسمر .. وربما روجية ...
ربما عينيه كحل .. وربما عينيها قهوي ...
لكن كي تطفي الميكرو تلقى روحك وحدك في شمبرتك .. ما يونسكش غير صوت خارج من تلفزيون .. ولا غنية
درتها en boucle تاع mariah carey ولا تاع دوفان ..
نحوسو على حب ننسخوه من ميكرو بعيد .. و نلصقوه في اليميكرو تاعنا ..
من قلب virtuel ..لقلبنا حنا اللي هو riel
Un peu d'amour, copié-collé
نبقاو نهدرو ونحكو حتى نديرو le plein d'amour téléchargé
.. وكثير ما ما يساعفناش الحظ ولا مايكونش معانا زهر ليام ..ويروح le contacte هذاك ... و يختفي البسودو هذاك في المنتدى الفلاني .. وتسماطلنا الكتبة من جديد .. و نولو في روتين .. ونكرهو لخرين لي مادارولنا والو ..
ونولو نديرو formate لجميع احاسيسنا .. وجميع اوقاتنا لي قضيناها في النت
اوربما تتطور العلاقة وتولي par tel .. وربما لقاء .. بصح هاذي نادرا وين صرات
خطراش كون تتولهو مليح العباد هذوك ديما تلقاوهم بعاد عن ولايتكم وربما عن بلادكم .. هذي هي الحياة virtuel
نعرفو غير القليل على معانا ...
ونتخيلو فيها الشخص اللي ورا الشاشة parfait
الطفلة تشوف فيه le prince charmant tant attendu
والطفل يشوف فيها la belle au bois dormante
ويخلاص الحلم الجميل كي تتخطب هذيك الطفلة .. ولا يقرر الطفل يتزوج
بصح كاين 1% من قصص المنتديات تكمل بزواج و يتوج فيها هاذ l'amour online بارتباط ...
الباقي اوهام .. بصح هي حاجة تصبرو بيها رواحكم لان حياتنا العادية متخليكمش تعيشو كيما حابين .. لان حياتنا العادية كي تقول نحب حرام وعيب .. وكي تقول العيب و تدير الحرام ...normal
وهاذ الشئ لي يغيض .......
pour telecharger un peut d'amour cliquer ici
لا تجادل الأحمق .. فقد يخطيء الناس في التفريق بينكما
من مواضيعي
0 صلاة الإستخارة .. وكيفية آدائها .... وتنبيهات أخرى
0 كاريكاتير معمر القذافي ... قائد الكتاب الاحمر
0 يارب لاتحرمني حب محمد .... ( قصيدة بقلمي )
0 ̴Ƹ̴Ӂ̴Ʒܔْށ ** (( النظـــــره الخجـــــــوله )) **ܔْށƸ̴Ӂ̴Ʒ
0 حين تخشى رقابة المشرفين ... و تهون رقابة الله .. في المساحات الافتراضية
0 : ღღ)(:::: رســـــــــــالهـ .... ::::)(ღღ
0 كاريكاتير معمر القذافي ... قائد الكتاب الاحمر
0 يارب لاتحرمني حب محمد .... ( قصيدة بقلمي )
0 ̴Ƹ̴Ӂ̴Ʒܔْށ ** (( النظـــــره الخجـــــــوله )) **ܔْށƸ̴Ӂ̴Ʒ
0 حين تخشى رقابة المشرفين ... و تهون رقابة الله .. في المساحات الافتراضية
0 : ღღ)(:::: رســـــــــــالهـ .... ::::)(ღღ
