الجزائر امنا أم الأبطال
11-09-2009, 05:26 PM
رمضان كريم الى كافة الساهرين على هذا المنتدى الرائع والى جميع الأصديقاء والزوار الكرام وكل عام وأنتم بخير.هذه أول مشاركة بسيطة،بساطة كاتبها.قدخطها قلمي معبرا على مايحتوي خافقي من حريق وألام عانى منها شعبي الأبي ،هذا الشعب الذي لم تطب جراح الاستعمارالغاشم،حتى ظهرت له فتنة العشرية السوداء التي لم يسلم منها صغيرا أو كبيرا مثقف أو أمي لم يسلم منها إلا من أطال الله عمره.أطال الله في أعماركم ياأخواتي ،وأطفأ علينا نار أي فتنة في جزائرنا الحبيبة. فلكم يا سادتي هذه المحاولة.
الجزائر امنا أم الأبطال
************
نبدا بسم الله الواحد الديان *** والصلاة على النبي العدنان "صلى الله عليه وسلم"
قوموا يا رجال وانتم يا نسوان *** واتحدوا في ذي الوقت ثوروا على الزمان
وطنكم اليوم غارق في طوفان*** هايج وجرار يدي للعدمان
ودموع النساء تتهاطل كي لمطار *** تبكي على الشهيد وحازنة على الشبان
اتقدم يا شاب سير في أمان *** عمل على الرب وحقق النصران
الوطن اليوم أمانة تتصان *** حاول تحميها من غدر العديان
لا تخلف عهد كل ذوك الثوار *** العربي وسي الحواس وعبان رمضان
احمد زبانة وبن بولعيد وخونا عمر*** والقايمة يتعب في عدها حتى اللسان
أرجع للتاريخ تعرف اللي كانوا صار *** تاريخ بلادك شايع في كل الوطان
برجال قلال حقق المستحيل *** في ربعة وخمسين فجروا بركان
وبدات الثورة تعم كل بلاد *** وتمشي كالدم من مكان لمكان
الكل يشارك بعز وافتخار *** وسلاحهم الكبير قوة ذاك الإيمان
أدوا واجبهم بكل احترام *** شيوخ وشباب وكثير النسوان
اهداو أرواحهم ما قالوا خسارة *** حقوا معجزات وشكروا الرحمن
بعد الي صنعوه هاذوك الرجال *** اللي كانوا خاوة ما فيهم خوان
كلمتهم وحدة ما فيها تكرار *** دستورهم مأخوذ من حروف الفرقان
لكن للأسف سبحان اللي غير كل هذي الأحوال *** وينك يا شهيد وينك يا زمان
تشوف بلادك اللي خرجت منها اكبر استعمار *** وين كانت قبل وين صبحت الآن
الخو ينفث خوه بدون اعتبار *** وعمات قلوبهم كلمات شيطان
يقولوا قبل مكان القتال بين عدوين *** لكن اليوم تشوف خاوة هابطين الميدان
راحت النية ولمت معاها جميع الأبطال *** وشر نقمتنا هذاك النسيان
تجاهلنا التاريخ وكل اللي صار *** وطمعنا في الجاه ودانا الطوفان
اسمعوا ليا وشوفوا يا اللي تقولوا أحرار*** هيا ننسوا الهم ونهجروا لحزان
لا نفرط في الخو لانحطم آمال *** نبدا من جديد بيكم يا شجعان
يكفينا دمار ويكفينا آلام *** راهوا كبر الجرح وزايد في النزفان
يا خاوتي الأبطال هيا نتساعف وننسى اللي صار *** ونشوفوا القدام ونطفي النيران
لا تحرق قلوبنا وتعيشنا في اوهام *** ومسيرة حياتنا نعيشوها حرمان
الجزائر نعمة اهدا هلنا الجبار *** واكرم بيها شعب ووفالوا الميزان
واش من خيرات فيك يا بلاد *** من نعمة ورجال حسدوك عليها العديان
الجزائر امنا أم الأبطال *** محتاجة لينا أكثر من الزمان
************
نبدا بسم الله الواحد الديان *** والصلاة على النبي العدنان "صلى الله عليه وسلم"
قوموا يا رجال وانتم يا نسوان *** واتحدوا في ذي الوقت ثوروا على الزمان
وطنكم اليوم غارق في طوفان*** هايج وجرار يدي للعدمان
ودموع النساء تتهاطل كي لمطار *** تبكي على الشهيد وحازنة على الشبان
اتقدم يا شاب سير في أمان *** عمل على الرب وحقق النصران
الوطن اليوم أمانة تتصان *** حاول تحميها من غدر العديان
لا تخلف عهد كل ذوك الثوار *** العربي وسي الحواس وعبان رمضان
احمد زبانة وبن بولعيد وخونا عمر*** والقايمة يتعب في عدها حتى اللسان
أرجع للتاريخ تعرف اللي كانوا صار *** تاريخ بلادك شايع في كل الوطان
برجال قلال حقق المستحيل *** في ربعة وخمسين فجروا بركان
وبدات الثورة تعم كل بلاد *** وتمشي كالدم من مكان لمكان
الكل يشارك بعز وافتخار *** وسلاحهم الكبير قوة ذاك الإيمان
أدوا واجبهم بكل احترام *** شيوخ وشباب وكثير النسوان
اهداو أرواحهم ما قالوا خسارة *** حقوا معجزات وشكروا الرحمن
بعد الي صنعوه هاذوك الرجال *** اللي كانوا خاوة ما فيهم خوان
كلمتهم وحدة ما فيها تكرار *** دستورهم مأخوذ من حروف الفرقان
لكن للأسف سبحان اللي غير كل هذي الأحوال *** وينك يا شهيد وينك يا زمان
تشوف بلادك اللي خرجت منها اكبر استعمار *** وين كانت قبل وين صبحت الآن
الخو ينفث خوه بدون اعتبار *** وعمات قلوبهم كلمات شيطان
يقولوا قبل مكان القتال بين عدوين *** لكن اليوم تشوف خاوة هابطين الميدان
راحت النية ولمت معاها جميع الأبطال *** وشر نقمتنا هذاك النسيان
تجاهلنا التاريخ وكل اللي صار *** وطمعنا في الجاه ودانا الطوفان
اسمعوا ليا وشوفوا يا اللي تقولوا أحرار*** هيا ننسوا الهم ونهجروا لحزان
لا نفرط في الخو لانحطم آمال *** نبدا من جديد بيكم يا شجعان
يكفينا دمار ويكفينا آلام *** راهوا كبر الجرح وزايد في النزفان
يا خاوتي الأبطال هيا نتساعف وننسى اللي صار *** ونشوفوا القدام ونطفي النيران
لا تحرق قلوبنا وتعيشنا في اوهام *** ومسيرة حياتنا نعيشوها حرمان
الجزائر نعمة اهدا هلنا الجبار *** واكرم بيها شعب ووفالوا الميزان
واش من خيرات فيك يا بلاد *** من نعمة ورجال حسدوك عليها العديان
الجزائر امنا أم الأبطال *** محتاجة لينا أكثر من الزمان
توقيع الفارس التائه
