الغربة و عذابها
06-08-2010, 09:10 PM
يا قمري ودي سلامي للغربة *** ولي راه غريب مشتاق للأوطان
بلغلوا سلام أرض المحبة *** الجزائر أمنا عز البلدان
بمدنها بريافها وطن الوجبة *** بغيبها بشطوطها زينة للألوان
خذ سلام مدونها ليك محبة *** كل مدينة وناسها في كل مكان
وإذا جيت تزورها يا مرحبا *** أهلا وسهلا بيك لبلادك مضمان
كي تدخل من حدود تونس العذبة *** أدخل ع الشطوط وامشي في لامان
أبدا من القالة زينة جذابة *** واتفرج بالعين في زين المرجان
من بعد امشي للجميلة عنابة *** واطلع لسيرايدي وانظر لكوان
واتعدى للشطايبي مناسبة *** واتعشي في سكيكدة زينة للألوان
والطارف والقل في جنة طيبة *** اتمتع بشطوطهم صيد وعومان
واهبط من ثمة لجيجل في رغبة *** وانظر لتاريخها من عهد زمان
في المنصورية حوالك تتلبى *** وادخل لبجاية تعشي في لامان
تيشي بسماها وماها رحابة *** وبجاية تاريخ راسخ في الديوان
جوز لآزفون شط مع غابة *** واعقب لتقزيرت ولدلس عجلان
أتمتع بشطوط دلس واتهب *** واقصد بومرداس من ثمة نيشان
بود واو حذا عين طاية في القربة *** وأتعافى من بعد في برج الكيفان
***************************
ادخل من بعد لدزاير اللبة *** زور إمام العاصمة عبد الرحمن
من بعد اطلع زور سكان القصبة *** وأنا نستناك في عين البنيان
نديك قبالا لموريتي عذبة *** ونديك لنادي الصنوبر عز مكان
وسطاوالي في الطريق المطلوبة*** والشطر مالوا ذهب للبعد يبان
وقبالوا سيدي فرج مولة القبة *** واحذاهم زيرالدا شط الأمان
واحذا فوك الدواودة غير قريبة *** منها نطلع للقليعة زين وشان
ما ننساوش بوسماعيل الرحبة *** ومزين تيبازة بسياح وسكان
وجبل شنوة فوقها عندو رهبة *** وقبر الرومية مقابل ربعة أركان
نقصدوا شرشال من بعد الركبة *** ومن الغمري نزور آثار الرومان
قوراية وسيدي براهم في العقبة *** زيد تنس وشطها يجلب لحسان
نغدى طول لمستغانم الخصبة *** ونسمع قصة بن خلوف ومزغران
نقصدوا لآرزيو من بعد الغيبة *** وندخلوا للباهية مدينة وهران
****************************** *
وهرن وهرن جايبك وهبي طربة *** نتفكر فيك الحبيب رفيق زمان
في سيدي الحسني نلاقيو الطلبة *** وسيدي الهواري على ملك سلطان
لعيون الترك ياك نغدوا في رحبة *** والأندلس بعدها جنة رضوان
وبني صاف وشطها يجلب جلبة *** وزيد الغزوات وانظر يا فلان
نوصل مرسى بن مهيدي نتهبى *** ونحيوا لمغاربة لينا جيران
هذي شطوط دزاير يا غربة *** ذرك نروحوا للمدن في كل مكان
ندخلوا من الشرق نصار الغلبة *** نبداوه من بن مهيدي مول الشان
ونزيد لقالمة وخراطة وجبة *** ونحيوا أرواح لأبطال الشجعان
من خراطة نروح طول لعزابة *** ونقصد سوق أهراس ونحيي لاخوان
ونعدي شور الخروب على الركبة *** وعين البيضة نزيد للونزات عيان
ونباتوا في خنشلة بعد الغيبة *** وبير العاتر في الطريق أهلان وبان
ونزيد تـبـسـة وللعربي نجبة *** ونطلعوا لأم البواقي في لامان
نرجع لزيغوت يوسف بمحبة *** ومن زيغوت نزور حمة بوزيان
وادي زناتي على يمينك في الحسبة *** واهبط حتى لباتنة مهد الشجعان
و الأوراس عظيم تاريخوا وجبة *** نتفكر ثمة الجرموني فنان
نطلع من ثمة نعجل بالغصبة *** لقسنطينة العالية فوق الكيفان
*************************
دين قسنطينة يزيدك في الرغبة*** وقصة صالح باي مشهورة من زمان
فيها بن باديس زايد وتربى *** وسيدي راشد كان لو عز وبرهان
والميلية وزيد ميلة بالنسبة *** لعين مليلة يالخو تمشي عجلان
و نصدو من الشرق للوسط برغبة *** و لشلغوم العيد نقصد يا إنسان
نعقب للعلمة نزور الأحبة *** و بعد العلمة سطيف عالي ليك يبان
عين الفوارة وبمياها عذبة *** وسيد الخير في مقاموا عز وشان
في الجمقالة و تيمقاد المرغوبة *** للجميلة زيد و تفرج بعيان
و عمل دارة لعين ولمان و تجب *** تقصد عين أزال و البرج المزيان
كي تلحق للبرج تفرح بالصابة *** و تفارقها للمسيلة و طن الشان
تغدا طول لعين بسام الخصبة *** و تعشي من بعد في سور الغزلان
تقصد باب الوسط فخر و محبة *** و نزور فيه المدن مكان مكان
نبداوه من القصر على الحسبة *** نعقب أميزور و الجولة تزيان
نقصد سيدي عيش نطلبوا طلبة *** و نعديوا لأقبوا ننظر الألوان
في عين الحمام يطربنا طربا *** أسفرا و محند و محندا أمقران
و بني يني و بوغني و المحبة *** و ما ننساو لحباب في بني ورثلان
و نجوزوا لعزازقة عندي صحبة *** نشبعوا من التين و الزيتون أكوان
في أعكورن جات ليهم قريبة *** و الأربعاء بحب الملوك لوان ألوان
أنظر لجبل جرجرة فيه الرهبة *** و تيزوزو الباهية من البعد تبان
و أمشي من ثمة بفرح و محبة *** لبرج منايل زيد لذراع الميزان
****************************
مننساو ذراع بن خدة رحبة *** زيد ليسر و البويرة ناس أعيان
الأخضرية و الثنية و الرويبة *** و تجوز على بودواو مكان مكان
لدار البيضاء نفوتوا بالوجبة *** و نغداو للحراش نزهاو بدحمان
ندهم لأربعاء ومفتاح بغصبة *** ونقصد بوفاريك نرعى كل جنان
و نصدوا شور البليدة و القربة *** و نزوروا سيد كبير عظيم الشأن
نطلعوا جبل الشريعة خلابة *** منها ننظر زين متيجة بعيان
نهبط من ثما للشفة بالركبة *** نقصد موزايا و حمر العين تبان
للعفروان نزيد حجوط و نجبة *** و نرجع للعفروان و نبر عجلان
نحكم طريق الخميس المطلوبة *** تدينا لخميس مليانا تعيان
نطلع في العقبة لمليانا الخصبة *** و نديروا زيارة لبن يوسف سلطان
نهبط من ثما لجندل و القربة *** و نعمل زورة لروابح في الغيوان
و نصدوا للغرب شوق و محبة *** في عين الدفلة و العطاف أخوان
واد الفضة و زيد للشلف بالرغبة *** ناس الشلف لقصدهم ما ينهان
سيدي عابد فوقهم دار القبة *** نتلقوا في زيارتوا خيل و فرسان
ندهم واد رهيو من بعد الركبة *** و نصدوا من ثم طول لغيلزان
في المازوزية نديرو تصويبة *** لسيدي بن عودة محمد في الغيوان
**************************
نقصد تسمسيلت نزهو بالصابا *** و نجوزو لثنية الحد الأخوان
نطلعوا من ثم لتيارت وجبة *** خيل و نيف و مال و أبطال وشجعان
و من بعد نزوروا فرندة بالرغبة *** و نشقوا لجبال لمعسكر نيشان
تاريخ الأمير لمعسكر و هبة *** إشاراته ظاهرة في كل مكان
سيدي بلعباس وطن المحبة *** فيه نصيبوا مصطفى بايت سهران
نطلع لتموشنت و ندير الوجبة *** لرمشي و بنان سايب و تلمسان
بومدين ثما مقامو يا غربة *** بشموع و حنة و عنبر و ريحان
نمشي من ثما لمغنية اللبة *** و ندرومة فيها الآلة و الألحان
و نجوزو لمسير داجات قريبة *** لغنم فرحة مع العلاوي و الديوان
و نصدو من الغرب في عز الركبة *** نغدو للجنوب نمشوا في لمان
نبداوه من التيطري جنة خصبة *** و نعمل وقفة في المدية يا لخوان
لبلاد المحبوب صحبة و محبة *** أيكثر خير ناسها ترحيب و شان
للبرواقية الخطرة مطلوبة *** عز النسبة ناسنا فيها سكان
قصر البخاري حذاها في القربة *** نخرج منوا لعين وسارة تعيان
للبرين و عين بوسيف الخصبة *** و في الشلالة الحاج عيسى دار ألحان
حاسي بحبح في الطريق المطلوبة *** و نوصل للجلفة الزينة يا لخوان
نلقا ثما ولاد نايل و الصحبة *** و النخل و خيم الشعر تفجي لمحان
نصاعين البل نرتاح بشربة *** و ندخل للأغواط لحبابي فرحان
لغواط المعلوم سكانوا وجبى *** نذكر بن كريو و قمر الليل يبان
***********************
انبقيو لغواط بالخير غربى *** تدينا طول الطريق لبريان
بريان مع مليكة في القربى *** و غرداية كالجوهرة من البعد تبان
عاصمة الأنوار غرداية اللبة *** و بني يزقن زيد بنورها تزيان
ما ننساوش القرارة في الحسبة *** نشربو فيها التاي مع لعيان
لمتليلي و زيد زلفانا غصبة *** يعطينا حمامها صحة لبدان
باش نروح لبوسعادة نتهبى *** فوق زرابي مفرشين لوان لوان
نخرجوا منها على خير و رغبى *** و نروح قبالا لبسكرة تعيان
في بسكرة و طولقا عندي طلبى *** ننظر لدقلة نور في نخل البستان
من بعد نزوروا قبر سيدي عقبة *** ابن نافع قايد جيوش العربان
نقصدوا لولاد جلال بهيبة *** سيدي خالد قال بن قيطون فلان
****************************** *****
نطلع من ثما لبريكة رغبة *** و من عبد الحميد لنقاوس نيشان
و سعيدة جايا بعيدة يا غربى *** و نرحلها طايرين مع الورشان
البيض و أفلوا ليهم رتبة *** و فرندا تبقى شمال و ليها شان
لبيض سيد الشيخ تاريخوا وجبا *** باركة أولاد سيد الشيخ أعيان
مشرية و غنامها و الجلابة *** ندخل منها لصحاري يا لخوان
نيشان لبشار نعملوا طربى *** و نسهروا بالعود و الناي و لوزان
عين الصفرة في الطريق المنسوبة *** و نزيدو لفقيق و نشقوا نيشان
ما ننساوش النعامة في الحسبة *** قبلة للسياح في صحرتنا تان
طاغيت الجنة الخضراء لخلابة *** يقصدوها ناس من كل البلدان
ذرك نروحوا لصحاري يا غربى *** و ندخلوا من الواد بالشعر و للحان
و السهرة في واد سوف الجذابة *** مدينة ألف قبة زين و شان
و نزيد لتوقرت بالمناسبة *** و في ورقلة و جامعة تنظر لكوان
نعقب من ثما لسدراتا رغبى *** باب الصحراء كبير للحاسي نيشان
في حاسي مسعود ثروتنا تلبا *** والبترول الخام يلهب بالنيران
***************************
و نزور الصحراء لكبيرا يا غربى *** تحفة في جمالها تسلب لعيان
في الطاسيلي زين نظرة خلابة *** جنة أدرار تمنراست زان
تيميمون و عين صالح مرغوبة *** زيد بني عباس لسياح مكان
و نزيد لتندوف بالمناسبة *** و هذي صحرتنا لكبيرة يا لخوان
هذي هيا بلادكم يا ذا الغربة *** نتمناوا تجيوا في أقرب لوان
نطلبوا من الله تقصار الغلبة *** و يرجع كل غريب لوطانوا فرحان
رابح كاتب ذا الكلام بحرف الباء *** وحرف النون وزاد صاوبلوا الألحان
رتب ذا الجولة الكبيرة بالرغبة *** واجمع فيها قريب جميع البلدان
وإذا كان نسى البعض طلب طلبة *** منكم أجميل السماح على النسيان
أدعولوا بالخير و السترة غربة *** و القبول يجي من الله و الغفران
و أبقاوا على خير في هذي النوبة *** نتلقاوا إنشاء الله في ساعة لمان
بلغلوا سلام أرض المحبة *** الجزائر أمنا عز البلدان
بمدنها بريافها وطن الوجبة *** بغيبها بشطوطها زينة للألوان
خذ سلام مدونها ليك محبة *** كل مدينة وناسها في كل مكان
وإذا جيت تزورها يا مرحبا *** أهلا وسهلا بيك لبلادك مضمان
كي تدخل من حدود تونس العذبة *** أدخل ع الشطوط وامشي في لامان
أبدا من القالة زينة جذابة *** واتفرج بالعين في زين المرجان
من بعد امشي للجميلة عنابة *** واطلع لسيرايدي وانظر لكوان
واتعدى للشطايبي مناسبة *** واتعشي في سكيكدة زينة للألوان
والطارف والقل في جنة طيبة *** اتمتع بشطوطهم صيد وعومان
واهبط من ثمة لجيجل في رغبة *** وانظر لتاريخها من عهد زمان
في المنصورية حوالك تتلبى *** وادخل لبجاية تعشي في لامان
تيشي بسماها وماها رحابة *** وبجاية تاريخ راسخ في الديوان
جوز لآزفون شط مع غابة *** واعقب لتقزيرت ولدلس عجلان
أتمتع بشطوط دلس واتهب *** واقصد بومرداس من ثمة نيشان
بود واو حذا عين طاية في القربة *** وأتعافى من بعد في برج الكيفان
***************************
ادخل من بعد لدزاير اللبة *** زور إمام العاصمة عبد الرحمن
من بعد اطلع زور سكان القصبة *** وأنا نستناك في عين البنيان
نديك قبالا لموريتي عذبة *** ونديك لنادي الصنوبر عز مكان
وسطاوالي في الطريق المطلوبة*** والشطر مالوا ذهب للبعد يبان
وقبالوا سيدي فرج مولة القبة *** واحذاهم زيرالدا شط الأمان
واحذا فوك الدواودة غير قريبة *** منها نطلع للقليعة زين وشان
ما ننساوش بوسماعيل الرحبة *** ومزين تيبازة بسياح وسكان
وجبل شنوة فوقها عندو رهبة *** وقبر الرومية مقابل ربعة أركان
نقصدوا شرشال من بعد الركبة *** ومن الغمري نزور آثار الرومان
قوراية وسيدي براهم في العقبة *** زيد تنس وشطها يجلب لحسان
نغدى طول لمستغانم الخصبة *** ونسمع قصة بن خلوف ومزغران
نقصدوا لآرزيو من بعد الغيبة *** وندخلوا للباهية مدينة وهران
****************************** *
وهرن وهرن جايبك وهبي طربة *** نتفكر فيك الحبيب رفيق زمان
في سيدي الحسني نلاقيو الطلبة *** وسيدي الهواري على ملك سلطان
لعيون الترك ياك نغدوا في رحبة *** والأندلس بعدها جنة رضوان
وبني صاف وشطها يجلب جلبة *** وزيد الغزوات وانظر يا فلان
نوصل مرسى بن مهيدي نتهبى *** ونحيوا لمغاربة لينا جيران
هذي شطوط دزاير يا غربة *** ذرك نروحوا للمدن في كل مكان
ندخلوا من الشرق نصار الغلبة *** نبداوه من بن مهيدي مول الشان
ونزيد لقالمة وخراطة وجبة *** ونحيوا أرواح لأبطال الشجعان
من خراطة نروح طول لعزابة *** ونقصد سوق أهراس ونحيي لاخوان
ونعدي شور الخروب على الركبة *** وعين البيضة نزيد للونزات عيان
ونباتوا في خنشلة بعد الغيبة *** وبير العاتر في الطريق أهلان وبان
ونزيد تـبـسـة وللعربي نجبة *** ونطلعوا لأم البواقي في لامان
نرجع لزيغوت يوسف بمحبة *** ومن زيغوت نزور حمة بوزيان
وادي زناتي على يمينك في الحسبة *** واهبط حتى لباتنة مهد الشجعان
و الأوراس عظيم تاريخوا وجبة *** نتفكر ثمة الجرموني فنان
نطلع من ثمة نعجل بالغصبة *** لقسنطينة العالية فوق الكيفان
*************************
دين قسنطينة يزيدك في الرغبة*** وقصة صالح باي مشهورة من زمان
فيها بن باديس زايد وتربى *** وسيدي راشد كان لو عز وبرهان
والميلية وزيد ميلة بالنسبة *** لعين مليلة يالخو تمشي عجلان
و نصدو من الشرق للوسط برغبة *** و لشلغوم العيد نقصد يا إنسان
نعقب للعلمة نزور الأحبة *** و بعد العلمة سطيف عالي ليك يبان
عين الفوارة وبمياها عذبة *** وسيد الخير في مقاموا عز وشان
في الجمقالة و تيمقاد المرغوبة *** للجميلة زيد و تفرج بعيان
و عمل دارة لعين ولمان و تجب *** تقصد عين أزال و البرج المزيان
كي تلحق للبرج تفرح بالصابة *** و تفارقها للمسيلة و طن الشان
تغدا طول لعين بسام الخصبة *** و تعشي من بعد في سور الغزلان
تقصد باب الوسط فخر و محبة *** و نزور فيه المدن مكان مكان
نبداوه من القصر على الحسبة *** نعقب أميزور و الجولة تزيان
نقصد سيدي عيش نطلبوا طلبة *** و نعديوا لأقبوا ننظر الألوان
في عين الحمام يطربنا طربا *** أسفرا و محند و محندا أمقران
و بني يني و بوغني و المحبة *** و ما ننساو لحباب في بني ورثلان
و نجوزوا لعزازقة عندي صحبة *** نشبعوا من التين و الزيتون أكوان
في أعكورن جات ليهم قريبة *** و الأربعاء بحب الملوك لوان ألوان
أنظر لجبل جرجرة فيه الرهبة *** و تيزوزو الباهية من البعد تبان
و أمشي من ثمة بفرح و محبة *** لبرج منايل زيد لذراع الميزان
****************************
مننساو ذراع بن خدة رحبة *** زيد ليسر و البويرة ناس أعيان
الأخضرية و الثنية و الرويبة *** و تجوز على بودواو مكان مكان
لدار البيضاء نفوتوا بالوجبة *** و نغداو للحراش نزهاو بدحمان
ندهم لأربعاء ومفتاح بغصبة *** ونقصد بوفاريك نرعى كل جنان
و نصدوا شور البليدة و القربة *** و نزوروا سيد كبير عظيم الشأن
نطلعوا جبل الشريعة خلابة *** منها ننظر زين متيجة بعيان
نهبط من ثما للشفة بالركبة *** نقصد موزايا و حمر العين تبان
للعفروان نزيد حجوط و نجبة *** و نرجع للعفروان و نبر عجلان
نحكم طريق الخميس المطلوبة *** تدينا لخميس مليانا تعيان
نطلع في العقبة لمليانا الخصبة *** و نديروا زيارة لبن يوسف سلطان
نهبط من ثما لجندل و القربة *** و نعمل زورة لروابح في الغيوان
و نصدوا للغرب شوق و محبة *** في عين الدفلة و العطاف أخوان
واد الفضة و زيد للشلف بالرغبة *** ناس الشلف لقصدهم ما ينهان
سيدي عابد فوقهم دار القبة *** نتلقوا في زيارتوا خيل و فرسان
ندهم واد رهيو من بعد الركبة *** و نصدوا من ثم طول لغيلزان
في المازوزية نديرو تصويبة *** لسيدي بن عودة محمد في الغيوان
**************************
نقصد تسمسيلت نزهو بالصابا *** و نجوزو لثنية الحد الأخوان
نطلعوا من ثم لتيارت وجبة *** خيل و نيف و مال و أبطال وشجعان
و من بعد نزوروا فرندة بالرغبة *** و نشقوا لجبال لمعسكر نيشان
تاريخ الأمير لمعسكر و هبة *** إشاراته ظاهرة في كل مكان
سيدي بلعباس وطن المحبة *** فيه نصيبوا مصطفى بايت سهران
نطلع لتموشنت و ندير الوجبة *** لرمشي و بنان سايب و تلمسان
بومدين ثما مقامو يا غربة *** بشموع و حنة و عنبر و ريحان
نمشي من ثما لمغنية اللبة *** و ندرومة فيها الآلة و الألحان
و نجوزو لمسير داجات قريبة *** لغنم فرحة مع العلاوي و الديوان
و نصدو من الغرب في عز الركبة *** نغدو للجنوب نمشوا في لمان
نبداوه من التيطري جنة خصبة *** و نعمل وقفة في المدية يا لخوان
لبلاد المحبوب صحبة و محبة *** أيكثر خير ناسها ترحيب و شان
للبرواقية الخطرة مطلوبة *** عز النسبة ناسنا فيها سكان
قصر البخاري حذاها في القربة *** نخرج منوا لعين وسارة تعيان
للبرين و عين بوسيف الخصبة *** و في الشلالة الحاج عيسى دار ألحان
حاسي بحبح في الطريق المطلوبة *** و نوصل للجلفة الزينة يا لخوان
نلقا ثما ولاد نايل و الصحبة *** و النخل و خيم الشعر تفجي لمحان
نصاعين البل نرتاح بشربة *** و ندخل للأغواط لحبابي فرحان
لغواط المعلوم سكانوا وجبى *** نذكر بن كريو و قمر الليل يبان
***********************
انبقيو لغواط بالخير غربى *** تدينا طول الطريق لبريان
بريان مع مليكة في القربى *** و غرداية كالجوهرة من البعد تبان
عاصمة الأنوار غرداية اللبة *** و بني يزقن زيد بنورها تزيان
ما ننساوش القرارة في الحسبة *** نشربو فيها التاي مع لعيان
لمتليلي و زيد زلفانا غصبة *** يعطينا حمامها صحة لبدان
باش نروح لبوسعادة نتهبى *** فوق زرابي مفرشين لوان لوان
نخرجوا منها على خير و رغبى *** و نروح قبالا لبسكرة تعيان
في بسكرة و طولقا عندي طلبى *** ننظر لدقلة نور في نخل البستان
من بعد نزوروا قبر سيدي عقبة *** ابن نافع قايد جيوش العربان
نقصدوا لولاد جلال بهيبة *** سيدي خالد قال بن قيطون فلان
****************************** *****
نطلع من ثما لبريكة رغبة *** و من عبد الحميد لنقاوس نيشان
و سعيدة جايا بعيدة يا غربى *** و نرحلها طايرين مع الورشان
البيض و أفلوا ليهم رتبة *** و فرندا تبقى شمال و ليها شان
لبيض سيد الشيخ تاريخوا وجبا *** باركة أولاد سيد الشيخ أعيان
مشرية و غنامها و الجلابة *** ندخل منها لصحاري يا لخوان
نيشان لبشار نعملوا طربى *** و نسهروا بالعود و الناي و لوزان
عين الصفرة في الطريق المنسوبة *** و نزيدو لفقيق و نشقوا نيشان
ما ننساوش النعامة في الحسبة *** قبلة للسياح في صحرتنا تان
طاغيت الجنة الخضراء لخلابة *** يقصدوها ناس من كل البلدان
ذرك نروحوا لصحاري يا غربى *** و ندخلوا من الواد بالشعر و للحان
و السهرة في واد سوف الجذابة *** مدينة ألف قبة زين و شان
و نزيد لتوقرت بالمناسبة *** و في ورقلة و جامعة تنظر لكوان
نعقب من ثما لسدراتا رغبى *** باب الصحراء كبير للحاسي نيشان
في حاسي مسعود ثروتنا تلبا *** والبترول الخام يلهب بالنيران
***************************
و نزور الصحراء لكبيرا يا غربى *** تحفة في جمالها تسلب لعيان
في الطاسيلي زين نظرة خلابة *** جنة أدرار تمنراست زان
تيميمون و عين صالح مرغوبة *** زيد بني عباس لسياح مكان
و نزيد لتندوف بالمناسبة *** و هذي صحرتنا لكبيرة يا لخوان
هذي هيا بلادكم يا ذا الغربة *** نتمناوا تجيوا في أقرب لوان
نطلبوا من الله تقصار الغلبة *** و يرجع كل غريب لوطانوا فرحان
رابح كاتب ذا الكلام بحرف الباء *** وحرف النون وزاد صاوبلوا الألحان
رتب ذا الجولة الكبيرة بالرغبة *** واجمع فيها قريب جميع البلدان
وإذا كان نسى البعض طلب طلبة *** منكم أجميل السماح على النسيان
أدعولوا بالخير و السترة غربة *** و القبول يجي من الله و الغفران
و أبقاوا على خير في هذي النوبة *** نتلقاوا إنشاء الله في ساعة لمان
شعب الجزائر مسلم ****و إلى العروبة ينتسب
من قال حاد عن أصله*** أو قال مات فقد كذب
العلامة محمد بن أبي شنب أول دكتور جزائري في الوطن العربي عضو مجمع اللغة العربية بدمشق رحمه الله
من مواضيعي
0 تم قتل المنتدى فنقول السلام ،
0 فرحنا بكتاب لا تحزن فأحزنتنا بتصرفاتك
0 قطر مدينة امريكية
0 امير قطر قال طز في العرب
0 وجه الشبه و الاختلاف بين اليتيمة والجزيرة
0 بعيدا عن تأييد طرف ضد طرف (يرجعى المناقشة من الجميع)
0 فرحنا بكتاب لا تحزن فأحزنتنا بتصرفاتك
0 قطر مدينة امريكية
0 امير قطر قال طز في العرب
0 وجه الشبه و الاختلاف بين اليتيمة والجزيرة
0 بعيدا عن تأييد طرف ضد طرف (يرجعى المناقشة من الجميع)
التعديل الأخير تم بواسطة belkacem24 ; 06-08-2010 الساعة 09:13 PM
