تسجيل الدخول

يشرفني نكون أنا لولا من نحكي قصتي
*وحد نهار شيخا تاعي لله يذكرهاا على خير جات هابطا من دروج وتتكلم وحد طيحااا داك نهار كان أمطار وبرد وهيا جات لبستلك طالو متأمنيش قداش ههههههههه داك نهار ميتنساش كامل ومن داك نهار مرجعتش تقريناااا تحولت لل الجامعة * merci pour le sujet

هههههههههههه موضوع كتير حلو
عندما اكتب موضوعا هنا في المنتدى اكون جد فرحان وبعدها كمنلقاش حتى رد نحسهم يقولولي ان كل مواضيعي بلا فائدة هيك بحس

انا نحكيلكم ماشي عليا على واحد صغير تلميذ في الابتدائي كان خارج من المدرسة نتاعو يجري وكان نهار تاع بررررررررد ويديه في جيبه ومع الجري طاح في الأرض تخيلو الطيحة ويديه في جيبه واش يحط في الأرض باه مايطيحش وماقدرش يخرج يديه ومسكين حكم فرانات بنيفه انا الصح مالقيت نضحك ولا نبكي لحالو

شكرا على الموضوع

السلام عليكم

راح نحكيلكم وحد النهار صراولي فيه عدة طرائف

هذا يا لالا sarita كنت صغيرة نقرا في الابتدائي حتى اخوتي كانوا يقراو في الابتدائي كانت العطلة تاع الربيع .بعد ما وعدتنا خالتنا تدينا رحلة اذا جبنا نتائج جيدةى في الامتحانات جائ اليوم لي توفي فيه بوعدها ................بصح خلصتها غالية هههههههههههه


المهم لبسنا احلى الثياب و مشينا و حلاقنا انا و اختي شعروتنا مشينا و اركبنا الحافلة انا كنت فاتحة النافذة و الهواء يداعب بشرتي و خضلات شعري
المهم كي وصلنا كانت وجهتنا الاولى حديقة الحيوانات كيوصلنا بقاو الناس يشوفوا فيا و يقولولي شعال من كورة تاع حرارا "صوف" راكي دايرتها في راسك شعري كامل تكور بقاو كامل يضحكو عليا
دخلنا حديقة الحيوانات و بقينا نتجولوا بين الاقفاص وصلنا امام القردة بقا المدرب تاعها يقدم في العروض و طلب من احد الزوار ان يدخل الى القفص حتى يقدم عرض اخر
الكل قالولي الدخلي انتي ما تخافيش دخلت مسكتي واحد القردة و بقات تفليلي راسي "تحوس على القمل "و تبوس فيا باش نعطيها والله ما لقات حتى حبة

بعدها كي حبيت نخرج مسكتني واحدة اخرى باش فكتني بالكشايف


كملنا الجولة تاع الحديقة مشينا نفطروا .....دخلنا المطعم كوموندينا بيتزا لكل واحد كنت انا و اختي و خالتي و اخي واحد قريبنا الاولاد كملو البيتزات نتاعهم في رمشة عين و حبوا يزيدو و احنا البنات نكلوا بالعقل ظراف قالتلنا خالتي خلوهم ياكلوا معاكم و اذا ما شبعتوش نزيدكم و هجموا الوحوش على الطباسا خرطوا كل شئ
و حنا ما شبعناش و مازدناش


الوجهة الثالثة كانت لحديقة التسلية مشينا باش نركبوا الحافلة مرينا باحد الازنقة الضيقة الطروطوار ضيق الطريق منحدرة و تزلج خالتي تمشي و تقولنا مشوا بشوية واحد مور خوه و هي كانت لابسة الميني و التالون ايقوي طرك طرك طرك طرك "درك هداها ربي و تحجبت" و عاجبة روحا .................................................. .
و تطيح
رجل راحت من قدام و رجل ملور و بققات جالسة في الارض ما عرفتش تنوض فات علينا واحد الجان بقا يضحك عليها قاتله آي ما تضحك عليا و نطلقنا حنا بالضحك ما حبيناش نحبسوا حتى بقات تعاير فينا ارواحو نوضوني يا المعقن خاليني هاكا ما تحشموش انا خايفة عليكم و انتوما تضحكوا ..........

المهم كملنا طريقنا و كي وصلنا لحديقة التسلية لقيناها مغلوقة ما خدموش هداك اليوم و رجعنا للدار قضينا يوم روعة

عذرا على الاطالة

شكرا لمروركم جميعا
ربي يخليكم

ههههههههه تبا موضوع رائع
العام لي فات كان يصب التلج عندنا و كنا نقراو كي صونات تع ال12 خرجنا و الارض كانت معمرة بالتلج امبعد حبيت نحقر صحبتي رفدت التلج و كورتو رحت نضربها طحت كامل على كرشي هههههه و واحد لعجوزة كانت جايزة بدات تضحك عليا و رفدتني تبهديلة

هههههههههههههههههههههههههههههههههههههههه