دهمت البشرة نسمة من نسايم البوادي / بقلمي
06-03-2015, 10:09 AM
دهمت البشرة نسمة من نسايم البوادي
مستورة بخمار تحته سود الثيثان
مقرونة الحواجب عطب الحضري و البادي
آلشفار النايمين خويا هلكت لعيان
خوخا في الخدود في تبسيمة تهادي
و لشفاة مخبيا عسل حر مابي ن سنان
لنهد أعلى في شجرة من ثمرة الزهادي
و السمايم تستنشقها أروايح مرجان
أسباب أهلاكي سعادي سودة لثمادي
عضراء راتبة من نبت أصل العربان
أهميم أهبيل الدموع طريق بخدادي
ماشفت زهو كي قراني بائس بلأحزان
مهلوك كي لبراني ما عندي طاقة يا سيادي
و الصحيح يناقر صحيح لفكار و لبدان
خبرته راني صغير عيت ما نصادي
في سهاوة و تخمام لطمت حجايا طوفان
من لا يصحح في الصراب يهمل ينهلك غادي
و من لا ينجرح في الدنيا مايتعلم هفواة الزمان
ضيفني في حال قالي لا تقنط ياولدي
و للي ما يصبر للنقار و يكابر يولي خسران
أوصلتوا في هلكة متمني نصيب جوادي
و يعيني في الركوب من مسالك عند العديان
أبلغت شورة أسباب هلاك أسعادي
في مرسم أبعيد أغديت قاصده ضان
شفت أحكيم ضاع تلفلي أرشادي
ماصاب أدوايا كي بغيته يسلكني من لمحان
راني كيف الهبيل حالي جاي وغادي
طايع للقضاء من عند المولى سبحان
نيران النوى في الدواخل زايدة صهادي
ما زهرت ما طفات ماخرج منها دخان
الدنيا عمية ساعات تدمرك غادي
الماء لرويان لمخصاص يشوف عطشان
دير ظنك و مايخيب في المولى الهادي
عالم الغيوب رب العزةمولايا سلطان
عارف جا ي الحال و نسكن ألحادي
و مايدوم غير الدايم أيس غيره مكان
نستسمح سامعين من فحو كلام أنشادي
للي مايصيب عارف غريب يهمل في الطرقان
لا تقول عليا ذاشيخ بقوالوا ينادي
فاهم من أمور الحكايم مبالغ لشحان
ذلإنسان يسال أهل الراي الفاهمين أسيادي
مسلم لشيوخ جملة حرمة و أحسان
عزيز مبلي للي ما عرف جوار أصهادي
بالجوهر شيخي حافضني مستور بالحنان
أعشيرتي تيارت هذاك وطني و بلادي
ساعي في الرضة نستحشم من نعرة لهوان
أشرافحي أصلي من نبت أصيل أجدادي
ملقب بفضل الكريم بويا بوزيان
تسعم ية و ألف سبعة و تسعين ميلادي
أوساط ديسمبر كوامل شهر شعبان
نختم بالصلاة على النبي خيار العبادي
من تنزلت عليه كم أيةأم القرآن
إنتهت بإذن اللهيوم 17/12/97 بتيارت
بقلم العبد الضعيف / عبد العزيز شرفوح
