تسجيل الدخول

أعجبتني قصيدة بعنوان (يا لاهي بالناس) للشاعر محمد ريال فأكملت على نسقها فقلت:
01الغافل يعدّ ذْنــــوب النـــــاس وينسى فْعـالو***والعـبــد بـذا الصيفـة يتمــــل
02 العـــاقـل يَبْــدا بْـنَـفْسُــــو يحــاسبها اوْلاَلَو***قبـــل ما يـــــوقـــــف ويَسْأَل
03الوقت ما عليـــــه لـــوم احنا سباب خبــالو***بِيــــنا يجْـمــــال ولاَّ يَتْــعَـــلّْ
04اضحــــــك للدنيا من ضحــكلها زيان فـــالو***زَيّْن النِّـــيَّـــــة تلْقى الْحَـــــلّْ
05اللِّي نْسَى هـــمّ الــدّنيا ودار لاَخْرة في بالو***صــــــــاب راحــــة العْـــقَـــل
06كِيــــفْ تصْفالك الــدّنيــا بعـــد اللِّي قــالــوا***مـــــولانافِيْــــــدُو راه تْغَــلّْ
07وكل انسان فيه الخير ومن الشر فيه امثالو***والتَّوبة تمحي الذَّنب وتغسل
08أحـرص على الخيْــر واعْطيه وقتك ولْهالـو***أهل الدّنيا كُثْرتهُــــــم في ذلّ
09ابغي العــزّ في العــلم والفَهْـم يجي بسْـوالو***والـذّهب من السْما ما ينــزل
10أهـــل الدنيا هــــربو مـن الخير وعنًّو مالوا***واللِّي خْذا طـريق الغيّ هْمَـل
11لا تغُــــرَّك شــــواري الذّبان بزَفْهم يشالـــوا***خَيْـــر منهم كَمْـــشة نْحَـــــل
12واشْ يجـيـب اللِّي ضيَّع فـرضـو وانْـــفــالو***مــــــــع اللِّي تـاب طـــفُــــــل
13يوم التّعب الْخلايق في الشمس تَنْتظـرسْآلو***وهو يتْنَعـــــــــم في الظــــــلّ
14عْتابي ما هــو للنـاس أوْلى بيــه اللِّي قالَـو***يا ربِّ في الصَـــدَّة سَهـَّــــــل
15و اللِّي قال قبلي ماني دايَرْ نَفْسي من امْثالو ماني لاَعبْـها على الرجال فْحَل
16وكــــــلامي ما يْجي في الكــــــلام اللِّي قالَو***غيــــــــر أخ بْخــــوه تْــــوَل
17المـــومن بالمـــومن هـــو وجْـهــو وخْيالـو***بعـــد النَّصِيحة الحْساب كْمَل
كتبها العبد الضَّعيف الى مولاه العلي اللطيف:
قاسم يوم 13/03/2016 بعين الذهب.

زدتها رونقا وجمالا مشكوووور