تسجيل الدخول

شعبنا فنيان ما خدم خرج عريان
ما خدم ما زاد فالعقلية نعسان
ما تفلح قعد يستورد جيعان
البطاطة والبصلة جبنها من لسبان
خردوات زينا بيها المحلات من الصين
دووات فسدة من اوروبا تمدت للولدين
لابسين شيفون جيبينو من المريكان
تغلقت مصانع تخدم فيها الشبان
عيشين فالفوضة كي الحيوان
ابطالنا حررة لبلاد خلونا مستقلين
بسم الثورة خرج كلهم معطوبين
مجاهدين بلالاف منهم مزورين
مسؤولين ما خدمو شعبهم سراقين
رواساء بلديات على مصالحهم وقفين
فالمساجد اول الصف خاشعين
فالانتخابات اوعدوك كلهم منافقين
امام لعدلة تقول نديهم الكل لقيوتين
لاتربية لاتعليم للموطنين
الاساتذة كل عام مقرفين
اخر السنة كل الطلبة ناجحين
اعمرو الجامعات بلمبغلين
احطو في وسطهم القاريين
اقلولك نسبة لنجاح اربع وخمسين
لاصحة لا شفى للموطنين
لمريض بسكر مايلقاش لنسولين
لي حكمو رماد يعمى فالعين
لمرة كي تولد اقطعوها من الجيهتين
لمريض بالكنسار يدوه للمقبرة فالحين
اقلولك نسبة الوفيات انخافضت الى عشرين
لاعدلة لا قنون الموطنين كلهم مساجين
تبذر في اموال الشعب مضلومين
تسرق في الملاييرتبرئهم مجانين
صحافي اقول الحق يصبح من المعدومين
مليون سكن ماتحقق في تسع سنين
وشعب بين المطرة والطين
لامقولين بناو بني متين
اذا زلزلت منكوبين
اذا مطرت وحلين
اذا تحرقت كلهم هاربين
اذا تفجرت ماهمش مسؤولين
للعهد الثلاثة اخطط واقفين
لتغير الدستور كلهم سهرانين
في البرلمان عينيهم مغمضة محصنين
تصوت على قررات ماهم مطالعين
خلاصهم بتلاثين بش يقعد ساكتين
مشاريع بلادنا معطلة الى يوم الدين
بسم الوطنية المافيا تحول في الملايين
شبابنا المقهورحارق ياكل فيه السردين
بناتنا في الكابريات متصكعين
البقي عل لحبوب والمخدرات عيشين
بعضهم دار مؤسسات على اوهام خسرين
لي معندهمش افكارعند لحيوط واقفين
وشياطين عند لحدود مهربين
ثروة بلادنا تستغل فيها لخرين
نرفعو لعلام نقولو مناش مستقلين


هذه الخاطرة لا اقصد بها شرفاء هذ الوطن رجال ونساء

حبي لوطني وشعبي
لكل غيور على بلادي
اتلالم في مضجاعي
لورم الفسادي
افديك ياواطني
وطني

ابن الاوراس دزيري م