تسجيل الدخول

العذاب عاود ولا ليا
والاهانة جات لعندي
بعد ماكنت طفلة نية
جا لي يوقفني عند حدي
الدنيا دارت عليا
انا لي مانسواش تبعت قلبي
وليت سلعة مصيري ماشي بيديا
واني نضل نبكي واحد ماحس بيا
دموعي ولاو مذلة
والناس كامل تضحك عليا
مديت قلبي وقعدت ميتة
الناس كامل علبالهم بلي مانيش حية
روحوا اذا هي تسوى خير مني
انا عندي حياة نعيشها غير بشوية
اذا العذاب حالف فيا
ماحبش يخطيني ديم يعذب فيا
هذي حياتي لازم نصبر عليها
لازم نتالقلم مع الوضع لي بيا
الناس طلعت وانا هبطت
البيبان كامل تغلقوا عليا
وليت وسط الناس مانبانش
ولي يجربني يقول عليا انانية
ماخلاونيش نعيش حياتي
وما احتارموش المشاعر الانسانية
انا انسانة وعندي قلبي
بصح لازم نولي وحش وندمر قلبي
لازم نحي المشاعر الانسانية
واحد ماعلبالو واش راني نعاني
وكي يشوف دموعي يضحك عليا
انا مانسواش دخلت روحي
في مشاكل الناس حتى داروا عليا
كنت حابة نعاون ونوقف معاهم
لقيتهم دمروني وقعدوا يشفاو فيا
عاجبهم الحال كي راني نتعذب
حلاتلهم دمعتي وكواوني بميات كية
كنت حابة نتوب لربي
ومانزيدش نتعذب في هذ الدنيا
لقيت روحي وحدي
وليت ندير في المعصية
كل لحظة ضعف تعقب
تزيد تنحيلي لي بقا فيا
ساعات نتمنى الموت
بالاك القبر رحيم عليا
لسانات الناس مايرحموش
تقولشي شافوني غير انا منسية
ضحكوا على الوحدة تاعي
واذا ارتبطت بداو يلوموا فيا
انا قلبي راه تقسم
وليت انسانة ضعيفة
راني نبات ليلي نخمم
والرقاد راح عليا
انا غلطت وراني ندم
راني نلوم في روحي كل عشية
اذا نتوم كرهتوني
انا مانيش محتاجة لي يتهلى فيا
نتوم بزاف جرحتوني
ودمرتولي حياتي وخليتوني مكوية
انا كرهت حياتي
علاه راكم تظلموا فيا؟
قولولي برك واش درتلكم؟
علاه الدنيا ظلامت عليا؟
كل مانقول اليوم نضحك
يظهرلي هم جديد
انا نلوم نفسي دايما
انا نغلط بزاف ومانعرفش نصحح اخطائي
انا لازم نعيش وحدي في غابة استوائية
واحد مايحبني واحد ماهو حاس بيا
وزيد يضحكوا على ضعفي
علاه انا برك ضعيفة باه يضحكوا عليا؟

...حسنا ...لك شعر رائع ...بصح يمتاز بمعالم الحزن ...مراهوش ملي لضعفاء القلوب...واضن ان الصخر كان ليتصدع لو كان يسمع او يفهم مراكي تقولي...كاش فرح ...ههههه...فرحينا ...وهلا بدلتي تلك الوجوه الشاحبة ...البائسة...راهوم يطيحو ...المعنويات....دالي....ممتازة ...بارك الله فيك...

انا سعيدة جدا بمرورك
اعذرني فانا لا استطيع ان اكتب الا عن الحزن والدموع ربما لضعف شخصيتي فسبب حزني الى الان هو ضعف الشخصية شكرا لمرورك المتواصل وتشجيعك الدائم لي

ما اصعب ان نعيش الالم ...ونرى كل من حولنا عدم ...ان نحيا من اجل ان نحزن...
يا ختي مايا كلماتك تقيس صح حزينة قمة الالم والله ماعندي مانقول غير ربي يهنيك

اللهم امين
بارك الله فيك وسدد خطاك

...حسنا بما انك لا تجيدين الكتابة الى عن الحزن...الله يفرحك...ههههههه.....

الله يعينك وربي يفرحك ختي مايا
جميل ماتكتبين

الله يعينك وربي يفرحك ختي مايا
جميل ماتكتبين

(❀◕‿◕)
وراء گل أمرأة حزينه : رجل
وراء گل أمرأة محبطه : رجل
وراء گل أمرأة مترمله : رجل
وراء گل أمرأة معلقه : رجل

وراء گل أمرأة مطلقه : رجل
وراء گل أمرأة مجنونه: رجل
وراء گل أمرأة مھووسه بعمليات التجميل : رجل
وراء گل أمرأة ممنوعه من السفر للخارج : رجل
وراء گل أمرأة غير قادرھ على استخراج بطاقة احوال شخصيہَ : رجل
وراء گل أمرأة ممنوعة من العمل : رجل
وراء گل أمرأة يأئسه : رجل
وراء گل مَن ينكر هذا : رجل
و مع هذآ
وراء گل رجل عظيم ...! إمرأة
گم أنتي گبيرة يا إمرأة

اليك صديقتي مايا
دائما تكتبين عن الحزن احس انك في دوامة بيدك الخروج منها
صديقتي اجعلي لحضات السعادة ايام واتركي لحضات الحزن لاتعطيها اكثر مما تستحق
رائع ما تكتبين فاستمتعي به واجعليه للسعادة
يارب اسعد مايا في الدارين
حقيقة كلماتك سعيد بارك الله فيك
***********
********
*