تسجيل الدخول

الله يهديك خويا.....حنا تاني جزايريين و نبغو بلادنا....بصح من اللي زيدنا ....واش صحنا في هاد البلاد....الناس تدي في الملايير و انا نضيع 18 شهر من حياتي....و على واش....
الله يهديك خويا.....كيما قالك خونا...انت مازالك تامن بالغولة.....روح شوف اولاد الوزراء اذا كانوا يفوتو لارمي....نورمالمو هوما الاولين....خاطر عايشين في خير الدولة.....
انا لا اطالب في هذه الدولة باية حقوق.....انا اطالب فقط تخطي راسي....يخلوني نعيش حياتي كيما نبغي...
الدولة اللي ما تعطيكش خدمة وكي تحرق تحكمك ...وتحكم عليك بالحبس 5 سنوات ماهيش دولة....
هادي دولة ولاد لا تشيتشي.....
و اذا تحكيلي على الدين.....واش من دين اللي تقدر تطبقو في لارمي....حتى الصلاة و ما يخلوكش تصليها في وقتها......
الله يهديك....

لو كانت الخدمة العسكرية محترفة بكل معنى الكلمة معليش لكن استغرب عندما ارى من لديهم مستوى اقل من 3 ثانوي يحصلون على الاعفاء و لى حياتو قاع و هو يدرس ما يطلقوهش حتى يصير شيخ عازب و بطال

يا خويا أنا ضميري ما يخلينيش ندير كيما ايديروا الوزراء اللي راك تهدر اعليهم ويلا ما راكش باغي تجوز لارمي مكانش الي شادك روح احرق و نخبرك بلي مكانش ثكنة في الجزائر ما فيهاش مصلى ولا مسجد .

يا جما عة بالنسبة لموضوع الخدمة العسكرية
المعروف في بلادنا ظاهرة الإشباع أي كثرى المجند ين حتى أن الثكنات ممتلئة
و العجيب أن الدولة تمنح الإعفا لعديمي المستوى الذين في الغالب لا يحتاجون بطاقة الإعفاء
في حين حاملي الشهادات العليا م نالمجستير و غيرهم ينهون دراستهم فيسن متأخرة أي بعد 27 سنة ثم يصطدمون بمشكل الخدمة العسكرية الذييعطلهم كثيرا
و الله أمر عجيب و محير
لذا أنا أدعو و أشجع حملة توقيعات نطالب فيها السلطات بدء من رئيس الجمهورية بإعفاء ذوي 27 سنة
أنتظر ردودكم

نطالب بتقليص مدة التجنيد الاجباري
وقت التدريب 6 اشهر على الاكثر اما الباقي مادا تفعل فيه واااااالو
ادن نطالب التعديل فقط واللي جاب يكمل يكون سالك فيه يعني شهرية مليحة
واللي عندو خدمة يروح يخدم على روحو
سلام

تنازلت عن وطنيتي مانيش جزايري.31 سنة و ما عافوني مازلت روشارشي .راني في قندهار و مازالو يلحقوني لي اردابال.يلعن بوك عسكر انكشاري.

الله غالب خويا الحالة راهي هاملة
واش راح نديرو رانا من حاش تولدنا في الجزائر وحنا نخلصوا في وطنيتنا لي راهم عايشين بيها على ظهورنا
الناس فوتت لارمي وكملت من سنين كاش خدمة طبعا والو
أما على البنات ياسلام عليهم إزدياد 1986 راهم يخدمو ومرسمين
والجماعة راهي في الثلاثينات ومازالهم لارمي واش نقلك واقيلا الحرقة أحسن خويا

غير كلام فقط يحيا لقبايل جابو حقهم لازم انتفاضة لازم نكونوا على كلمة واحدة أنا عندي 27 سنة دبلوم 2005 حقوق لا خدمة ولا مستقبل راني وليت نخمم في الحرقة لي عندو مستوى نهائي يعطيولوا اعفاء ايروح ايقابل بيه الليسيات او يقعد في لقهاوي لا خدمة لا والو نهار جبنا لباك راهو يوم ملعون وعلاه مانديروش كي توانسة لي مايحبش ايفوت يدفع ناس راهم في الهم و الدراهم رايحين على السلاح شوفوا المقاولين كيفاه نادو أو وصلت كلمتهوم أو راح إيشوفولهم حل وحنا شباب الجزائر ضايعين