تسجيل الدخول

والله هذ خبر مفرح حقا

الأرسيدي يدعو لتخفيض مدة الخدمةالوطنية إلى 6 أشهر للضباط و3 للجنود

أتمنى أن يلقى إهتماما :p

اهدرو برك لقيتو الهدرة باطل لا حسيب لا رقيب كي تكونو في مراكز الخدمة الوطنية والا الثكنات...لمخير فيكم ما يحلش فمو ...ياخي شباب مريط ياخي ؟؟؟ حبو يلغيو الخدمة الوطنية .... انا جابلي ربي نقابلو الارهاب بخواتا تهم ؟؟ او واحد قالك الارسيدي يدعو الى خفض مدة الخدمة الوطنية ...على خاطر سعيد سعدي حتى هو لقى الهدرة بلاش لو كان لقى الكف راه عرف واش يهدر ..الراجل لوكان طارطلو كان يبيعها على الصباح بيها بعبادها بشبابها لي خفضلو الخدمة الوطنية ؟؟؟؟على فكرة راه فالماريكان كشما ينافيغي شوفوه علها وتفوتوهم في نيويورك؟؟؟
والله غير نحير كي نسمع ونشوف نيفو انتاع شباب يدعا و بالجامعيين وهما عندهم غير شهادة الريسطو والحافلات وفي ريسانهم فارغين بانتلهم جامعين لازم يعفيوهم من الخدمة الوطنية ...يا ولدي احمدو ربي كي راكم تفوتوها ضباط بالرغم على هذاك النيفو الزين ديما ديما خير من الناس لي ماقراتش..... بالصح فالجبل العقلية راها حاجة اخرى ما نعرف تعسو رواحكم والا تعسوعلى لي تحتكم ...المهم تاكلو فيها ضروسكم والشي لي فوتوه زهو فالجامعة او مانقولش الشي لي قريطوه فيها على خاطرقريطو فلي بيس والريسطو والحفلات والتحواس المهم هذاك الشي اوكل تنساوه
شوفو اديوها من عندي لحكاية هذي ماكانش منها واللي قالكم راه يحشيلكم تفوتوها وانتم تضحكو ...خلي أصاحبي توليو رجال شويا ؟؟؟راها الجامعة رجعتكم الاكثرية انتاعكم بابيش .والارها ب يفرح كي يشوفكم نصكم يديوه حي ؟؟؟؟
انتوما الحاجة الرسمي اعميتو عليها باه تقولوها وتقولو للمسائيل زيدونا في مدة الخدمة الوطنية رانا هنا بشرط اولادكم يفوتوها معانا ضرك ينحيوها ضربة وحدة ؟؟؟

شوف آ السي الوليد ؟؟ نعلمك باللي راني كنت جامعي مني من الداند !!! مانيش من جماعة المعريفة ... وكملت قرايتي فى 2000.
والثانية باين عليك مخلوع من الجامعة وصدقني كنت نحشم بيها كي كنت نشوف نظام في ايران النووية حاشاك يخاف من الجامعيين في السياسة الخارجية انتاعها؟؟؟ وانتم ..وانت معاهم..؟؟ما زلتو ما تفاهمتوش اذا تقرفو على الرقاد ميكست ولا على لاشان في الريسطو ولا على ليبيس يطولو ياسر ....المهم باه تعلم انا ماعشتهمش في ثلاثة على خاطر الجامعة قدام باب الدار ؟؟؟ وانا نتحداك وغيرك...و قولي على اضراب في الجامعة الجزائرية درتوه على اساس ساعات الدراسة قليلة ولا الاساتذة ما يبذلوش جهد باه يفهموكم ولا البرنامج السنوي ما يكملش في وقتو على خاطر العطلة الشتوية والربيعية في الجامعة 15 يوم قبل ما تبدا؟؟؟ وفي الصيف ماكانش على خاطر الامة اوكل فايتة للاستدراك والشامل !!!! ومن بعد تقولي ناقم على الجامعيين ؟؟وما تحشموش وتزيدو تهدرو بيها بانتلكم كي لحقتو للجامعة راكم وصلتو؟؟ ياو الغاشي اوكل راه جامعي عندو غير الشهادة زايد شهادة الريسطو وليبيس عن جدارة ؟؟؟

لدي ليسانس حقوق 2005 أنا كذلك فتحت cyber cafe وتفاجأت لملفها ولكن ليس لدي بطاقة الخدمة الوطنية والقوانين صارمة يجب أن تكون بعيدا عن المساجد و المدارس و و وو و و و و ؟؟؟؟؟؟ أيمكن هذا طبعا من المستحيلات عند الولة يطلبو البطاقة المشؤومة أو عند روحك كيف كيف سبحان الله حسبي الله ونعم الوكيل ماكانش انتفاضة ماكان والو شعب ........... شباب غير واعي الحل بسيط لي راح نديرو أنا شخصيا بعدما تعمر راسي غير بال.........الشباب كامل يشكيو واحد ما ...........الحرقة أو الجبل على الأقل كي إيديرو قانون مصالحة جديد راح نستفاد من الملاين والحصانة ومنصب شغل....و.....و....

لحل يا الخاوة هو إما إنتفاضة أو الحرقة

سي عمار لقاها خابزة على هاديك يهدر هكة أو هذي هية المشكلة نتاعنا في الجزائر لي يحكم منصب يخليها على خاوتو ألله يهديكم

سي الوليد خليك من هذا عمار باين مو تصرف عليه ولا ولد كالكن فاقد الشيء لا .............