تسجيل الدخول

قالك واحد يكذب بزاف راح عند واحد قالوا راك معروض لعرسي قالو هذاك الواحد وكتاش......... قالو الكذاب نهار الاحد مور الجاموعه..

.قالك واحد معسكري جاب الفيزا باش يروح لفرنسا كي راح هبطو في وهران باش يبدلو الطياره هو كي شاف ناس وهران قطع كواغطو عمباتلو وصل .

قالك واح النهارا واحد مغندف بغا يحرق أيا جا لوهرن وراح ل Sheratonأيا دخل وقعد قاعد يقارع فيه يقلع (حسبه بابور)

وقالك خطر زوج واحد وهراني وواحد مغندف أيا بغاو يخونو حانوت تاع ذهب أيا الوهراني خون قاع الذهب والمعسكري مخونش الذهب قعد قاعد في الحانوت حتى جاو البوليسية كي ساقسوه قالهم صاحبي خون الذهب بصح أنا ندي الحانوت سافا

قالك خطرة واحد البوليسي معسكري بدى جديد, بدى يجوز فـles automobiles جات جايزة كار حبسها, قالهم أييييييييا أنزلوا قع, بقات وحدة ما حبتش تنزل قالها مادام انزلي, قاتلو أنا مادموزال ماشي مادام, ما فهم والو انزل راح direct للكابتان ديالو قالو واش معنتها مادموزال قالو يا الحمار ماشي متزوجة, راح ليها واش قالها؟ أييييييييييا انزلي رانا قع مادموزالات.

قالك خطرة واحد بلع نص حبة كاشي نتاع الرقاد رقد بعين وحدة

واحد زاد(ولد) بلا دراعين سماوه والديه ديباردور

واحد جا رايح يبني المستقبل مالقاش البريك

قالك واحد راح يخطب، سقساه الأب: واش تخدم ولدي
قاله:...أووووو pharmacien
إيييييه الله يبارك....الطفلة راهي ليك
غدوا من ذاك ، فات عليه يبع فالكرنتيكا...كي شافه الطفل قال للمشتري
شوف هاذي عضة صباح وعضة العشية.

وحد المرة كانت وحد البنت صغيرة مع خالتها و من بعد شافت فيها و قالت لها خالتي ياك انت ما تقرصينيش قالت لها لالا و علاش قالت لها البنت لانو يما قالت لي خالتك عقرب