حرشة ببلبولة الشعير فالفران
22-05-2020, 03:03 PM





بغيت نشارك معاكم هاد الحرشة بالبلبولة فالفران وجدتها الفطور كتجي لذيذة بزاف ودغيا كتوجد

كناخد رابعة ديال البلبولة ديال الشعير متوسطة
كنغسلها مزياااان ونفزكها فشوية ديال الماء سخون انا إلى كنت غادي نديرها فالصباح كنفزكها فالليل ولا كنت غادي نطيبها الكاسكروط كنفزكها فالصباح
المهم خاصها ترطب فوق 3 ساعات باش تجيكم زوينة

كنزيد عليها معلقة صغيرة خميرة حبيبات ومعلقة ص سنيدة نصف خمارة ملح
و3 معالق زيت بلدية ونصف زلافة السميدة ولا فينو نزيدها غي شوية ديال الماء دافيء باش نجمعها خاصها تكون مرخوفة شوية نخليها تخمر 15 دقيقة حتى نصف ساعة نذهن المقلة بالزبدة والبلبولة وندخلها طيب فران سخون

و ها الحرشة واجدة وبالصحة والراحة