تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
الصورة الرمزية دائمة الذكر
دائمة الذكر
مشرفة سابقة
  • تاريخ التسجيل : 29-03-2009
  • الدولة : الجزائر
  • المشاركات : 43,268

  • زسام التحرير 

  • معدل تقييم المستوى :

    61

  • دائمة الذكر is a jewel in the roughدائمة الذكر is a jewel in the roughدائمة الذكر is a jewel in the rough
الصورة الرمزية دائمة الذكر
دائمة الذكر
مشرفة سابقة
{{{ملخص راااااائع في الفيزياء للواحدات الاولى والثانية والثالثة }}}،،، بكالوريا 2019
08-12-2018, 05:55 AM
{{{ملخص رااائع في الفيزياء للواحدات الاولى والثانية
-------الوحدة اولا في فيزياء--------
-نبداو بلاحوايج لتحتجهم ياسر وملازمك تحفضهم عن ظهر قلب كيما يقول :
-نبداو ب:
1-كمية المادة : وتعطي بعلاقة تالية : n=m/M
حيث :n كمية المادة ووحدتها mol و M كتلة المولية وحدتها g/mol و m الكتلة المادة ووحدتها g.
2- علاقة كمية المادة بحجم المادة : ويعطي بعلاقة هذي n= Vg/Vm
حيث n كمية مادة وحدتها mol feكيما قولنا و Vg حجم الغاز وحدته L و Vm الحجم المولي وحدته L/mol.
3- التزكيز المولي وتركيز الكتلي لمحلول :
تركيز مولي : ويعطي بعلاقة تالية C=n/v
حيث C تركيز مولي وحدته mol / L و n كمية مادة وحدتها mol و V حجم محلول وحدته L
4- تركيز الكتلي Cm:ويعطي بعلاقة تالية
‏ Cm=m/v
حيث Cm تركيز كتلي وحدته g/L
و mكتلة مادة g. و v حجم المحلول L.
5-ضرك العلاقة بين تركيز الكتلي وتركيز المولي حيث يعطي بعلاقة Cm=C*M
حيث Cm تركيز الكتليg/L و M الكتلة المولية g/mol و C تركيز المولي mol/L
6- قانون العام للغاز المثالي : ويعطي بعلاقة تاليةPV=n*R*T
حيث p الضغط الغاز وحدته Pa بسكال و V حجم الغاز وحدته m^3 و n كمية مادة mol وT درجة الحرة المطلقة وحدته K كلفن وR.ثابت الغاز المثالي حيث R=8.31
7- قانون معامل التمديد F:حيث يعطي بعلاقة تالية F=c1/c2=v1/v2
----------------------------------------------------------ضرك كيفة موازنة معادلة :
1-موازنة جميع الجزيئات من حيث H وO
2- موازنة ذارت O مع جزيئات الماء H2O
3- موازنة ذارت H باحدى الطريقتين :
- بالبروتونات +^H او H3O
4-موازنة الشحن الالكترونية
-----------------------------------------------------
-ضرك كيفية تميز بين معادلة اكسيد وارجاع :
لدينا(Ox/Red) يعني(مرجع / موكسد)
-معادلة النصفية للأكسدة:
‏Red -----------> ox+ né
--معادلة النصفية للارجاع:
‏ox+ né -----------> Red.
- ومعادلة اجمالية ساهلة اجمعو طرف مع طرف اخر. ولازم تكون معادلة اجمالية خالية في الكترونات يعني مافيهاش الكترونات ولازمكم تختزلوهم في معادلتين اكسدة وارجاع
------------------------------------------------------
-ضرك سرعات باه تفرقو بينتهم :
-سرعة التفاعل : تعطي بعلاقة هذي V=dx/dt
- سرعة الحجمية : تعطي بعلاقة V=1/v*dx/dt
وكيفية تعينهم يعطيقة لحظة عند قيمة تروح لهذيك لحظة تعينها على منحني وترسم مماس عند ذيك لحظة وتعين نقطتين تنتمي لهذاك مماس وتسقطهم على محورين وتحسب عادي
مثلا. هاك
‏Vn=n2-n1/t2-t1
-------------------------
################################ ################################
-------ملخص في وحدة التحولات النووية :---
-نبداو بتذكير خفيف : عندنا
- النواة تتكون من بروتونات ونيترونات قيدوها زين. لدنيا - بروتونات هي Z ونفسها عدد شحني والذري - ونيترونات هي N -و A هو عدد الكتلي قيدتهم خلاص
ولازمكم تحفظو هذا قانون : A=N+Z
ضرك روحو شوية تعريفات خلاص :عندنا
-البروتون : هو جسيم دقيق له شحنة موجبة اوكي ويعطي هاك e^+=1.6x10^-19 c (هذي c معناه كولوم) و كتلته تعطي هاك
‏mp =1.6720x10^-27kg
-النيترون : هو جسيم دقيق له شحنة سالبة قيدوها سالبة بصح(عدم الشحنة معناه معندوش شحنة) وكتلته تعطي هاك لحباب
‏mn =1.6743x10^-27 kg
-الالكترون : هو جسيم متناهي في في الصغر له شحنة سالبة هي e^-=-1.6x10^-19 c وكتلته تعطي هاك me=9.11x10^-31 kg
كملنا ضرك تذكير لحباب
---------------------------------------------------------
ضرك روحو لدرس :
قيدو هذا رمز مليح U هذا يسمى (وحدة الكتل الذريةورمزها U) وهي وحدة تستعمل في مجال الذري النووي وتعطي قيمتها ب ولازمكم تحفظو حفيظة 1U=1.66x10^-27 kg
- وهذا تعرف تحفظوه ثاني :
- النظائر : وهي انوية لها نفس عدد البروتونات Z وتختلف في عدد نيتروناتها اي تختلف في عدد الكتلي. A=z+n
-رمز نواة تعرفو هذا هو X A.z حيث A تجي فوق وZ تجي تحت
1- النشاط الاشعاعي :
-الاستقرار النووي : اغلبية الانوية غير مستقرة وبالتالي فها طبيعتها الميل الى الاستقرار حيث تتفكك بعطاها اشعاعات من نوع. ¥و@وB اي رموز معناه غاما و الفاء و بيتا خلاص فهمتهم
- ضرك روحو لتفككات :هم كيما قولنا
(¥غامة) و( @ الفاء) و (Bبيتا)
-نبداو :
1)-بتفكك الفاء @: حيث ان جسيم @ هو عبارة عن ذرة الهليوم 4.2He حيث 4 =Aتجي من فوق و2 =z تجي من تحت
2)-تفكك Bبيتا : وله نوعين. B^- بيتا سالبة وB^+ بيتا موجب حيث
بيتا سالبةB : هو عبارة عن الكترون e 0,-1 حيث 0من فوق و-1 من تحت وهو تحول نيترون الى بروتون.
بيتا موجب B : هو عبارة عن بوزيتون e0.1 حيث o من فوق و1من تحت وهو تحويل بروتون الى نيترون معناه عكس لخرا قيدوها
3)-تفكك غامة ¥ : وهو عبارة عن اشعاعات كهرو مغناطيسية طبيعتها اشعاعات ولا توثر عخ عدد الكتلي ولا الذري حيث تنتقل الذرة من اكثر طاقة الى اقل طاقة وهذي تقدرو مادروهاش في معادلة مهم ركزولي على هذوك لقبلها خلاص.
--التناقص الاشعاعي:
يعطي بعلاقة هذي في بداية dN/dt=-¥N
((هذا رمز ¥ نديرو من عند راه ثابت تفكك بيه معنديش في تلفون وفي لكتاب اي في حقيقة راه y مقلوبة قيدها قيدها قيدها))
نرجعو قانون تناقص الاشعاعي في بداية قبل ماتبرهنو عليه يعطي هاك dN/dt=-¥N
حيث :
¥ : يدعى بثابت التفكك وهو يخص كل نواة وN عدد الانوية و(اشارة سالبة-) تعني تناقص في عدد الانوية موجودة في العينة
--- بعد ماتبرهنو عليه يعطيلكم قانون هاك لازمكم تحفظوه تحفظوه
قانون تناقص الاشعاعي :
‏ N=No*e^-¥t
حيث Nعدد انوية المتبقية في عينة عند لحظة t و No عدد انوية الابتدائية عند لحظة t=o
-- ضرك روحو قانون النشاط الاشعاعي :
لازمكم تفرقو بيناتهم هذاك (تناقص الاشعاعي فيها N) وهذا (نشاط الاشعاعي فيه A) فرقو بينتهم خلاص.
نرجعو قانون النشاط الاشعاعي: في بداية قبل البرهن عليه يعطي هاك
‏A=-dN/dt=¥N
وحدت قياس نشاط الاشعاعي هي بيكرل رمزها (Bq) وهو متجانس معزمن ويساوي مقلوب الزمن اي S^-1
وبعد مانبرهنو عليه يولي هاك لازمكم تحفظوه تحفظوه واكي
قانون نشاط الاشعاعي :
‏A=Ao*e^-¥t
نعطيلكم ملاحظة وقيدها زين تناقص الاشعاعي ونشاط الاشعاعي عندهم نفس معادلة مغير في ( تناقص الاشعاعي ديرو N)و (النشاط الاشعاعي ديرو A)
------------------------------------------------------
3)-ضرك روحو لثابت الزمن ونصف العمر:
نعطيلكم نصيحة لازمكم تفرقو بين ثابت تفكك و ثابت الزمن نكتبهالكم باه تقيدها
-(ثابت التفكك ¥ هو y مقلوبة) ام
-( ثابت الزمن هو ح. ديرو حرف حاء برك) نزيد نعاودهالكم قيدها زين
نرجعو ثابت الزمن ح: ويعبر عنه بعلاقة¥/1 =ح
وحدته الثانية وهو ( مقلوب ثابت التفكك) رمزه ح (ويدعى طو)
--ضرك تعرف زمن نصف العمر t1/2:
ويرمز له برمز t1/2 ووحدته الثانية وهو يعبر عن المدة الزمنية الازمة لتفكك نصف الانواية الابتدائية No/2 .
4)- ضرك طريقة تعين الزمن نصف العمر t1/2:
وله 3 طرق لازمكم تقيدهم زين في زين :وهذي طرق هي :
1-طريقة المماس عند (N=No)
2-طريقة من العلاقة No*0.37=(ح)N
3-طريقة من علاقة ح*t1/2=0.69
------------------------------------------------------
ضرك روحو كيفية حساب عمر الخشب او اي حاجة قديمة تتحسبو عمر نتاعها :
1-كاين زوج قوانين تحسبو بيهم عمر حاجة قديمة لازمكم ثاني تحفظهم هههههه وحتئ وكثرتها عليكم
1)-طريقة 1: من قانون النشاط الاشعاعي ويعطي هاك
‏t=t1/2/ln2 *lnAo/A(t)
2(-وطريقة 2:يستما نفسها تعطي هاك
‏t=1/¥*lnAo/A(t)
-------=-----------------------------------------
################################
################################
-------ملخص بسيط للواحدة الثالثة ---------
وشيعة RL و مكثيفة RC

---ملخص الوشيعةRL:
* الوشيعة: تتميز بذاتية (L)و مقاومة داخلية (r)ويرمز لها برمز (L.r)
اذا قالك اعطيني عبارة التوتر الكهربائي بين طرفي الوشيعة اكتب هاذي خلاص :
‏ UL(t)=L*di/dt+r*i. هذا ماكان ساهلة
بصح اذا قالك وشيعة صرفة معناه (r=o)معناه تكتب هاك بمعنى مختصر تنح r*i وخلاص بصح انا نكتبهالكم هاهي UL(t)=L*di/dt.
2)ضرك ثابت الزمن (ح) يكتب هاك L/R=ح
وتعين نتاعو عند 3 طروق كيما مكثفة
- نتاع مماس عند لحظة t=o
-ولا E.063 كي ولي منحنى طالع على حسب منحنى اذا كان E و اذا كان I شدة تيار اضربو فيهم هذو لارقام نتاع 0.37 و 0.63
- ولا E.037 كي ولي منحنى هابط
#هاذي ملاحظة من عندي كي يعطيك دارة فيها مقاومة ووشيعة يكون هاك ثابت الزمن (ح)
ح= L/R+r
. حيث r صغيرة ههه تمثل مقاومة داخلة نتاع وشيعة و R كبيرة نتاع مقاومة.
### ضرك روحو الى نظام دائم وانتقالي لوشيعة *** نبداو بي نظام انتقالي تبقاء نفسها عبارة توتر بين طرفي وشعية كيما هاك باه تقيدوها UL(t)=L*di/dt+r*i
منها روحو نظام الدئم نتاع مشتق تروح لان عتدها يثبت شدة التيارi يولي يساوي صفر باه تفهمها مشتق عدد مافيهش X يساوي صفر نرجو وين كنا قولنا في نظام الدائم للي هاذي تساوي صفر L*di/dt=O واش معناه تبقانا هاذي برك
‏.UL(t)=r*i
#كي يعطيك دارة كهربائية في مقاومة ووشيعة ويقولك اكتب معادلة تفاضلية طوووووووول دير حسب قانون جمع توترات
اذا كانت قاطعة مغلق يعنى مسكرة دير
‏E=UL+UR
واذا كانت مفتوحة ديرهاك UL+UR=O
***ضرك روحو نتاع ربط على تسلسل وتفرع في وشيعة.
نبداو بتسلسل بيها ساهلة ههه
اذا كان L1و L2. ...... الخ دير هاك برك اجمعهم برك في واحدة برك كيما هاك
‏Leq=L1+L2+................الخ
واذا كانت على تفرع معناه كل واحدة واحدها اي تجي كل واحدة في سلك واحدها بنسبة وشيعة مش مقاومة ممكن تجي مقاومة مع وشيعة وشيعة واحدها ولا يجو معاهم في زوج مقاومتين. مهم قانون هاك ايجي على مقلوب برك.
اذا كان L1وL2. ...... الخ مهم مرتبطين على تفرع
‏1/Leq=1/L1+1/L2+...............الخ.
______________________________________
---ملخص مكثفة RC---
نبدو بتسمية Eموالدواحدة نتاعو فولط .R مقاومة واحدتها اوم. Iشدة تيار الكهربائي واحدتو امبير، qشحنة مكثفة واحدتها كولوم. C سعة مكثفة واحدتو فاراد
###نبداو بي مكثفة Rc
عبارةشدة التيار I بدلالة شحنة مكثفة او علاقة بين شحنةمكثفة q و شدة تيار I. تكتب هاك i(t)=dq/dt
3- عبارة شدة تيار I بدلالة توتر Uc او العلاقة بين I و uc تكتب هاك i(t)=C*duc/dt
3- عبارة شدة تيار I بدلالة توتر Uc او العلاقة بين I و uc تكتب هاك i(t)=C*duc/dt
***4-علاقة بين توتر بين طرفي مقاومة UR و شدة تيار I تكتب كيما هاك (UR=R*i(t ضرك كملنا علاقات
***روحو الى ثابت الزمن طو. (ح) وهو يساويR.C=ح ويبقى نفسو في شحن اوتفريغ المكثفة
***ضرك شحن مكثفة يعني كي قولك شحن مكثفة معناه راه كاين مولد E كي قولك اكتب معادلة تفاضلية في حالة شحنة دير هاك هههه( ديرو هاك) حسب قانون جمع توترات
‏E=Uc+UR منها تعوضو Uc و UR كيما كتب
فوق بصح بشرط حسب معادلة تفاضلية ليطلبها منك
***في حالة تفريغ اكتب حسب قانون جمع تواترات نفسها نتاع شحن نح المولد برك تكتب هاك UR+Uc=0
***كي قولك عين ثابت الزمن طو (ح) عندك 3طرق
***ط1: مماس عند الحظة t=o كي يولي منحنى طالع وكي ولي هابط وين يبدا دير مماس وهبطو حتي ينقطع مع محور ازمنة هو ثابت الزمن
***ط2:كي ولي منحي طالع دير 0.63*E قيمة لتعطيهالك ارسم عندها مستقيم يوازي محور ازمينة نقط تقاطع مستقيم ومنحني اسقطها على محور ازمنة ها ثابت الزمن. ح
***ط3:كي ولي منحنى هابط دير E*0.37 قيمة لتعطيهالك ارسم عندها مستقيم يوزاي محور ازمينة نقطة تقاطع مستقيم ومنحنى اسقطها على محور ازمينة هي ثابت الزمن ح
***في نظائم الدائم يكون شدة التيار Io اي بمعنى اخر Imax عبارة تكتب هاك Io=E/R
***وشحنة مكثفة في نظائم الدائم تكتب هاك Qo=C*E
***وتوترUcفي نظائم دائم هاك يولي يساوي مولد لان مكثفة شحنت اي شرجات بمعنى Uc.max=E
***وفي نظائم انتقالي يولي كي عبارات لكتبتهم من فوق
**ضرك معادلات تفاضلية في حالة (شحن مكثفة) معادلة1 تفاضلية بدلالة توتر Uc كيما قولتلكم ديرو طول حسب قانون جمع توترات E=UR+Uc وترحو تعوضو بقيمة Uc وUR بقيمتهم منها تلقاو معادلة هاك duc/dt+uc*1/Rc=E/Rc
تعوضو قيمة RCبي ثابت الزمن ح
معادلالة اخري تكتبو حسب قانون جمع. تواترت وتعوضو برك
**معادلة تفاضلية في حالة (تفريغ) نفس معادلات شحنة ديربرك في بلاصة E الصفر مثلا معادلة بدلالة Uc كيما لولا تولي هاك
‏ duc/dt+uc*1/Rc=0
***ضرك الطاقة المخزنة في مكثفة (E(c تكتب هاكE(c)=q*uc*1/2
وكاين بعبارة اخرى هاك E(c)=c*u2*1)/2
راها u2 مربع و جات من هاذي لديناq=uc*c نعوضها في عبارة طاقة مخزنة تعطيناE(c)=c*uc*uc*1/2
لدينا مربع uc*uc=(uc)2
ضرك وحو نشوفو ربط على تسلسل وتفرع
نبداو بتسلسل
اذا كان مكثفتين C1وC2..........الخ يكون هاك
‏1/Ceq=1/C1+1C2+..........Cn
وعلى تفرع C1,C2.........الخ يكون هااااااااااك
‏ Ceq=C1+C2+................Cn
ملاحظة :
1) هاي Ceqمعناه. مجموع مكثفات ولا وشيعات
2) في ربط على تسلسل وتفرع وشعية ومكثفة متعكسين.
  • ملف العضو
  • معلومات
الصورة الرمزية دائمة الذكر
دائمة الذكر
مشرفة سابقة
  • تاريخ التسجيل : 29-03-2009
  • الدولة : الجزائر
  • المشاركات : 43,268

  • زسام التحرير 

  • معدل تقييم المستوى :

    61

  • دائمة الذكر is a jewel in the roughدائمة الذكر is a jewel in the roughدائمة الذكر is a jewel in the rough
الصورة الرمزية دائمة الذكر
دائمة الذكر
مشرفة سابقة
رد: {{{ملخص راااااائع في الفيزياء للواحدات الاولى والثانية والثالثة }}}،،، بكالوريا 2019
08-12-2018, 06:04 AM
الذين يشاهدون محتوى الموضوع الآن : 12 ( الأعضاء 1 والزوار 11)
‏دائمة الذكر

اهلين يابنائي الاعزاء ،،، ماشاء الله راكم مْبكرين !!! بالتوفيق للجميع ،،، انقضى نصف العام لم يبق الكثير على امتحان البكالوريا،،، لديا الكثير من الملخصات الرائعة ،،، سانشرها لاحقا ،،، كونوا في المتابعة ،،،،
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 03:19 PM.
Powered by vBulletin
قوانين المنتدى