تسجيل الدخول

السلام عليكم و رحمة الله و بركاته
هذه احدى محاولاتي في الشعر الشعبي بالدارجة اتمنى ان تنال استحسانكم


هي تعبر عن احداث واقعية في حياتي
وتعبر عن محطات حقيقة حدثت معي
فاتمنى ان تنال انتباهكمو استحسانكم
فقد اخترتكم وحدكم لاشارككم بها ثقة مني فيكم
فارجو ان لا يتم النقل دون ذكر المصدر




وأقول على بركة الرحمان :


العنوان: .............. البريــــــــــــــــة .............. * الرسالة *




(((( هاك مني هذي البْرَيا ))))))

قولي و كلامي و كل ما عندي راهو كاين في ذي البريـــــــــــــــــــــــــــــــــــــــــــــ ـــا
كلمات من قلبي ومن وجداني ، فاضت و انهالت من ذهنيـــــــــــــــــــــــــــــــــــــــــــا
ما هي أمر صْدَر ، ما هي عتاب جمر، ما هِيا غير جميل الوصايـــــــــــــــــــــــــــــــا
وصايا من قلب سمع اهدر، قال عشت و شفت في ذي الدنيـــــــــــــــــــــــــــــــــــــــا




نوصيك بالدين و الكلام الرزين و قرءان هوا منهج الأتقيــــــــــــــــــــــــــــــــــــــــــا
نوصيك بالخلق و العقل الفهيم بيهم تقوى على هموم الدنيـــــــــــــــــــــــــــــــــــــــــا
الصدق العدل الحق المبين راه إلي يسكت على الحق شيطان و بليــــــــــــــــــــــــــــا
بالصلاة كون قايم و للأمانة صاين ،خوان الأمانة مكتوب مع الأشقيـــــــــــــــــــــــــا
بعهدك كون موفي و لله روح حافي يقبلك ربي الله مولايـــــــــــــــــــــــــــــــــــــــــــا
يقبلك ربي اذا كنت صادق و قلت هو حسبي الله رب البريـــــــــــــــــــــــــــــــــــــــــا




الدنيا فرح و حزن سكانها انس و جن ، الدنيا دار بليـــــــــــــــــــــــــــــــــــــــــــــا
دار امتحان صعيب ما يقوى عليه غير الصالح ومول النيـــــــــــــــــــــــــــــــــــــــا
تمشي الايام و تمشي العوام وتبانلك امور في هذي الدنيــــــــــــــــــــــــــــــــــــــــا
اه يا دنيا يا دار بليا ، فيك عرفت الصاحب و شين النِيـــــــــــــــــــــــــــــــــــــــــــــ ا
فيك عرفت الباطل و عرفت الشاطر عرفت الحق و الحقاني و الصافيـــــــــــــــــــا
عرفت الامان و الاحزان ،عرفت البكا و الضحكة و شفت الشاكيـــــــــــــــــــــــــا
عرفت الخوف و الرعب ،عرفت الامان و الحب و تعلمت المسؤوليـــــــــــــــــــــا
شفت الجبن و الرجلة ،شفت القصور و الخلا، و الناس غير تشكيـــــــــــــــــــــــا
مولى القصور يقول العيال ،ومول الخلا يقول المال،وبيناتهم نــــــــــــــار حمايــا
حمات من وقت اللي بكات ليامات على الظلم و البغي و الكـــــــــــــراهيــــــــــــــا




ايـــــــــه قولي وكلامي و كل ما عندي، راهو كايـــــــــــــــــــــــــــن في ذي البريا
قولي و كلامي و كل ما عندي ،عشت و شفت في ذي الدنيــــــــــــــــــــــــــــــــــــا
عشت و شفت عرفت وتألمت من طعنات جازت من ورايــــــــــــــــــــــــــــــــــــــا
طعنة غدر سال منها دم حمر، طعنة في ظهر من قريب ليــــــــــــــــــــــــــــــــــــا

//////

نهار الطعن و بلا ما نحزن، درت و شفت شكون طعني يـــــــــــــــــــا
قلبي برد جسمي تجمد، تلدغت و لقيتو عند رجليــــــــــــــــــــــــــــــــا
الدمعة سالت و العين بكات ،الهمة زادت و بالوقار مشيت و يــــــــا
و يا سامعي ادي مني حكمة هذا الشي بالاك تثيق في كل بريــــــــــا
بالاك تامن ثعبان و بالاك، تقول صعيب النسيان هذا امر و هدي بليا
واذا نزل القدر العمر قصر، اخدم على وداع هذي الدنيــــــــــــــــــــا





الوجه الصافي ما يعبر على الطيبة، تحت القناع كاين شي مخبيـــــــــا
تحت القناع كاين خبث و ربية، متنغرش بالصفا و الشيء النقيـــــــــــا
و ما ينقاسش زين الانسان بزين الكلام و اللسان و الهدرة الصافيــــا
تحت الكلمات اللطاف الحسان، كاين سم ثعبان أو سم حيـــــــــــــــــــــا
ما ينقاسش الهناء بالضحكة ،هذاك قناع تحتو ابن ادم ربما شقيــــــــا
والحكمة من هذي الشي: ما تبين حزن و ما تبين نارك المقديــــــــــا
وخلي البسمة رسمة وجهك و لا تحزن على شيء راح و صار ماضيـا




لا تخون و لا تحقد ،عاند و لا تحسد و قلبك خلـــــــــــيه صافيـــــــــــــــــــا
صفيه من الكره و البغض، و قويه تعود تنعض، و لا تشكيـــــــــــــــــــــــا
صاحب الثعلب و الذيب ولكـــــــــــن جهز فاس و جهز عصيــــــــــــــــــا
وجد روحك للدغ ،ووجد روحك لطعنــــــــــــــــــــــــــــات قويـــــــــــــــــــــا
طعنات من ورا ظهرك، طعنات حارة جمر، طعنات سِمِيـــــــــــــــــــــــــــــا
كون رزين و خلي كلامك زين، و قلبك مرة حنين و مرة حجريــــــــــــــــا



وماينقاسش الصفا بالبياض و الخبث بالسواد و لا بالكُحلِيـــــــــــــــا
الكفن بيض و الكحل اسود ،و الا كنت فهيــــــــم المعنى فيهم مخبيا
ايه تعلمت شفت وتألمت وتألمت، حاجات موحال تخفى عليـــــــــــــا

تعلمت نصد اللي يوقف في وجه كرامتي حتى لوكان يكون الغالي عليا
حتى و يكون الحبيب و القريب حتى و يكون نـــــــــــــور عينيــــــــــــــا
تعلمت بلي الصمت ما هو خوف ماهو ضعف ،وما فيه جبن ذريــــــــــا
الصمت لغة صعيـــــــبة وما يفهمها غير الحكيم الفاطن.. القويــــــــــا





و اليوم اللي تبليت و للمولى شكيت و ناديت يـــــــــــــــــــــــــا رب البريا
دعيت و ترجيت بكيـــــــت و انذليت، دعيت بدعوة صــــــــــــــــــادقة النيا
شفت و تفكرت دعيت و تيقنت بللي ربي مسجيـــــــــــــــــب دعوايــــــــا

من بعد ظلام توَهني وهم عذبني بـــــــــــان الفرج من مولايــــــــــــــــا
من بعد سُم سممني ومن بعد غم هملني بــــــــان النور بين الكحليـــا

بَعَد ( ابتعد ) الحرام و الحلال تحرَاه ،و بَعَد بٌعْد السما على المعصيا
كون رزين ،و غير الدين اللي تلقا،ه بيه يغفرلك ربي الخطايــــــــــــا



و لِيَام ( الأيام ) مشات و العين بكات ،على مصاعب هذي الدنيا
و ليام مشات و ترسمت ضحكات، من زهرة هذي الدنيــــــــــــــا
و الناس انواع و معادن، طيب و خبيث و كاين شين النيـــــــــــا
و بالاك على ذاك الشيء تتهاون ،الدنيا ما هي ماء صافيــــــــا
وباه تقوى على هموم الدنيا ،كون رزين قوي القلب و العقليـــا
تفكر و شوف شويا بالعقل و الروح برك و راهما تكفيـــــــــا



قوَى العظم و العقل بدا يفهم، و الدنيا بدات تتوضح ليـــــــــــــا
قلبي تعمر قلبي اتنغم، فهمت حاجات كانت مخبيــــــــــــــــــــا
شعري شاب و عظمي راب ،و قلبي عيا و قا ل يالوخيــــــــــــا
افتح وذنيك على حاجات صعــــــاب ،و بالاك تفرط في كلاميـــــا





ماكان عندي ونيس اللي يكون عليا حريص و يخــــــــــــاف عليـــــــــــــــــــــــا
ماكان عندي ونيس و العالَم بانلي رخيس، شكون هذا اللي يونسني يــــــــــــــــا
لقيتو ما هو بني ادم ما هو مخلوق ،ما هو من طين و لا نار، وماهو من البريا
هو اللي قلبي يدق عليه بالشوق ،هو لمرضي وحزني دوايـــــــــــــــــــــــــــــــــا


الحزن مات و الدنيا زهات، و نيس قلبي وونيــــــــــس روحيـــــــــا
الشموع ضوات و الروح دعات، ربي ارزقني الستين قبل موتيـــــا
ونيسي هو كلام ربي العالي، نَوَر دربي و فتحلي عينيـــــــــــــــــــا
كلام العــــــــــــالي على قلبي غـــــالي، هو دوايا كلام مولايــــــا



قولي و كلامي و كل ما عندي ،راهو كاين في ذي البريــــــــــــا
قولي و كلامي و كل ما عندي عشت و شفت في ذي الدنيــــــــا
وربي العلام ما يطيب كلام إلا بالصلاة على النبي الأميـــــــــا
و هذي البريــــا و ان طالــــــت السماح من قلب منويـــــــــــا
و هذي البريـــــــــــا وواش قالت ما هي غير زيـــــــن الوصايا
و الأمان اللي غاب في ذي الزمان ودع وغاب على هاذ الدنيا
الامان ما تلقاه غير بين السجدات،و ما بين قصص الأنبيــــــــا


والأمان ما تلقاه غير بين الركعات في التسبيح و الصلاة على النبيا
ومن قلبي صادق الدعوات بالخيــــــــــــــــــــــــــر و الفرج و الهِدايا
ومن قلبي خير الكلمات ،و ما تنسوني بالدعوة يـــــــــــــــــــا لوخيـــا






بقلــــــــــــــــم: الدكتـــــــــــــــــــــــــــــورة

و حصري للشروق أون لاين