تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
بن عومر بن عيسى
عضو مبتدئ
  • تاريخ التسجيل : 28-02-2016
  • المشاركات : 27
  • معدل تقييم المستوى :

    0

  • بن عومر بن عيسى is on a distinguished road
بن عومر بن عيسى
عضو مبتدئ
الـخــالي
07-03-2016, 03:09 PM
قصيدة الخالي

هَاذْ الفَكْرْ مَنْ فْكَارَكْ وَلَامَنْقُولْ عْلَى سْيَادَكْ
قُولْ انْتَا واَشْ عَنْدَكْ وَلَا نُوظْ مَنْ قْبَالِـــــــــي وْهَا الخَلِي
تَهْدَرْ بْنَاسْ فَايْتِنَكْ لَوْكَانْ غِيرْ جَاوْ مَنْظَارَكْ
ألْعَبْ مْعَ صْغَارْ قَدّكْ هَاذ ْ الشِي عْلِيكْ عَالِــــــي هَا الخَالِي
تًحْسَبْ النّاسْ هَايْبِنَكْ وْهُومَا هَارْبِينْ عَارَكْ
عْلَاشْ مَا تُقْعُدْشْ عَنْدْ حَدّكْ يَالّيِ بَالْعَيْبْ مَا تْبَالِـــي يا الخالي
تَطْمَعْ فَلًيِ مَشِّي التّاعَكْ كَليِّ شْرِيتْهَا بْمَــــالَكْ
هَاتْ انْتَ وَاشْ عَنْدَكْ وَلّاَ غِيرْ جَبْحْ خَالـــي هَا الخَالِي

الْهَدَّارْ يْجِيهْ كُلْشْ سَاهَلْ الدَفْلَى يْرُدْهَا عْسَـــــلْ
عَنْدَهْ كَلْمَاتً ْبَاهْ يَدْخُــــلْ وَالبَاقِي كُلْشِير رْمـَــــــلْ

حَاسَبْ رَاهَا عَاطْيَاتَـــهْ وَالدَنْيَا رَاهَا خَالـَّـتَـــــــــــــــهْ
يَلْعَبْ بَالنّارْ كِي بْغالَــهْ فَرْحَانْ وْبٍهَا يْشَالِي وْهَا الْخَاليِ
الْمَشْيَاخَة بْعِيدْ خَاطْيَاتَهْ وْالنَفْسْ تَاغْيَا وْغَاوْيَاتَــــــــــهْ
وْهُوَ زَايَدْ فِي هْبَالَــــهْ كَلّيِ عَالْفْ الْقْفَالِي وْهَا الخَالِي
الرّيــحْ اليِ جـَا يْجُــرَّهْ مَــاعـَـابيــشِ بْظٌـُــرَهْ
الِي مَا يْشُـوفْـشِ قْبَالَـهْ يَرْخَسْ يْلَا كَانْ غَالِي هَا الْخَالي
الْعَبْـدْ يْـلَا طَـاحْ قَـدْرَهْ قـُولّـي وَاشْتـَا بْقَالـَـهْ
كَـلّيِ رَزْقـُـــو مْشَالـَـهْ وَلَّاَ طَاحْ مْنَ الْعْلَاليِ هَا الخَالي

فْطَنْ بْرُوحَـكْ يَالْغَافَـلْ تْـرَبـَّـا وَلّارْحـَــــلْ
مَا تَدْخُلْشْ فَالْمْدَاخَـلْ وفُمَكْ دِيرْلوُقْفـَــــلْ

وْزَنْ قَبْـلْ مَا تْنَاقـَـــرْ وسْكُتْ يْلاَ مَا كُنْتْشْ قَادَرْ
ألْسـَـانْ خَطـْرَاتْشْ يَغْدَرْ وِيْرُدْ مُولَاهْ بُوهَالِي وها الخالي
ألّي بْغاَ يَفْلَحْ وَيْنَالْ يَصْبُرْ يَسْمَعْ لَلْفَايْدَا وْيَسْقَرْ
وِلَا نْطَقْ مَا يْخَــصّرْ وِكوُنْ كْلَامُو مْوَاليِ وها الخالي
كَايَنْ ألِي بَالْعَيْنْ يَحْقـَرْ وكِيُوصْلَهْ الكْلَامْ يَنْضَرْ
ويْقُولْ مَا نْزِيدْشْ نَهْدَرْ أَنَا وَاشْ دَارْهَ لِــي ها الخالي
ألنْدَامْ عْلىَ الصَّمْطْ يَجْبَرْ والنْدَامْ عْلَى الكْلَامْ يَقْهَرْ
وَلّيِ يْسَاعَفْ هْـوَاهْ يَنْغَرْ وِيوَلّيِ رَاسُو مْدَلّيِ هَا الخَالي


بقلم: بن عومر
  • ملف العضو
  • معلومات
بن عومر بن عيسى
عضو مبتدئ
  • تاريخ التسجيل : 28-02-2016
  • المشاركات : 27
  • معدل تقييم المستوى :

    0

  • بن عومر بن عيسى is on a distinguished road
بن عومر بن عيسى
عضو مبتدئ
رد: الـخــالي
08-03-2016, 12:18 AM
هاته القصيدة في حق الذين يحفضون كلام فطاحل الشعراء ليهجون به غيرهم إعتدائا
وأيضا بعض المغنين المستغلين بأس بعض كتاب الكلمات (parolier)يدفعون لهم نصيب من
المال وينسبون الكلام لأنفسهم دون حياء وليس اخرين

أخوكم بن عومر
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 06:29 PM.
Powered by vBulletin
قوانين المنتدى