الإيمان يصنع المعجزات
15-05-2009, 05:32 PM
الإيمان يصنع المعجزات
روى ابن عساكر في تاريخه ، أن راجل في بلاد الشام قرونا بعد النبي(ص) كان يملك بغلة(أعزكم الله)يؤجرها لحمل الناس والمتاع وغيرها...
واحد النهار جاء ليه واحد الراجل قالو يا خويا واش لوكان تد يني للمكان الفلاني،قالو" أوكي"هيا أركب...
أركب وامشاو حتى وصلوا لمفترق طرق،قال الراجل لي راكب لمول البغلة هيا أروحوا منا،قالو مول البغلة أنا راني مانعرفش هذه الطر يق و"جامي" مشيتها،قالوا هيا وما تخافش كون متهني انا نعرفها...
هيا مشاو فيها، يقول مول البغلة منين رايحة توعار ذيك الطر يق ومن بعد هبطنا في وحدالواد"شعبة" واش نلقاو...
نلقاو الشعبة مليانة موتى"واحد العشر ين واحد متكي"حتى حكمتني الرهبة ،و"كسع" أجبدلي موس من تحتو، قتلو واش تحوس يا خويا ،قالي نحوس نقتلك ،قتلواإدي البغلة"الجمل بما حمل" وأطلقني،قالي:" غير هذي ما ادوخنيش فيها ،أنا لي انجيبوا هنا ما يروحش..."
قتلو أمالى خليني انصلي ركعتين ومن بعد دير واش تحب،قالي:" روح وما اطولش"...يقول مول البغلة انا كبرت للصلاة إنسيت القرآن أكل.وأنا هكذاك تفكرت آية...هي قوله تعالى:" أمن يجيب المضطر إذا دعاه ويكشف السوء ..."بديت نقرى فيها...
المرة الاولى ماكان والوا، المرة الثانية ماكان والوا،وهو راه حاط الموس في جنبي ويقلي:" هيا لينا راح الحال..."
انا عدت في الرابعة وأنا أنشوف في واحد الراجل راكب فرس"عودة"وهاز رمح في ايدو وجاي من آخر الشعبة برق،هو لحق لينا وهو تارى ذاك الرمح جابو في صدره طاح ميت"وعرو"...
يقول أحكمتو وقتلوا شكون انت راك سلكتني من واحد الغرقة عند ربي خبرها،قالي:" روح تروح برك "،قتلوا مانيش طالقك حتان تقلي منهو انت...قالي" انا مبعوث ممن يجيب المضطرإذا دعاه ويكشف السوء،أنا ملك من السماء الرابعة..."
"الله اكبر" هذا هو الإيمان يخرجك من الشعبة، يخرجك من الغرقة، يخرجك من الحفرة،يخرجك من النار ...الإيمان يصنع المعجزات
أختي المسلمة اخي المسلم إسأل نفسك لوكان كنت انت في هذه"الحصلة" تتفكر ربي في هذا الوقت ،وتامن إيمان مطلق بلي مايسلكهاش غير ربي؟ كون على يقين (اختي/أخي)بلي هذا الراجل"الولي"ماكانش نبي ولا صحابي ولا تابعي ولا عالم مشهورولا فقيه معروف ،بل عبد بسيط كيما انت وأنا لدرجة انه راجل مجهول والمؤرخين حتى ماذكروش اسمه ،ولكن عرف ربي في الرخاء عرفوا في الشدة،آمن بربي أمنوا ربي ،لحق ليقين بلي دار الدنيا هذي ماهيش" أرض أرض" كيما راها تبان لجماعة،وانساو السماء خلاص "وفي السماء رزقكم وما توعدون"صدقوني خاوتي المسألة راها" جو أرض" الصح أكل راه في السماء وضك وفاش رانا نستناو؟خليونا نرجعوا لربي ، أنقويو إيماننا بيه ،انمتنو علاقتنا معاه ،انكونواممن قال فيهم الله تبارك وتعالى:" ألا إن أولياء الله لاخوف عليهم ولا هم يحزنون اللذ ين آمنوا وكانوا يتقون"ونسأل الله أن يجمعنا في جنته مع انبيائه وأصفيائه وأوليائه...وحسن اولئك رفيقا."آمين،آمين،آمين" والسلام عليكم ورحمة الله وبركاته.
