تسجيل الدخول

بن لغـــــــــــــــواط


قـَصْدتني ليلى من بعد مُدّة و سْنيـــــــــــنْ
و قالت لي يا طفلة و عْلاش عــليك ذِ الحالْ
وَ نَــايا مـِن بـْكات عنـّي لِــــمجانيــــــــــــنْ
و كـُــنت أنا للعاشقين خـَــــيرُ مِثـــــــــــالْ
و اتــْنسات حْكايتي في رمشة و بَـيْـن الحينْ
حين قــُلتي عَنـّو يا طفلة مالا يـِتــــــــــقالْ
*******
قــُلتلها مَـــقواني يا ختي من الـــــزيــْـــــنْ
مَـــــن فــَـرَّحْ قلبي لــَيْه و عنــــــــــدو مالْ
يا حســراه كنت وين و رايحة لـــــــــــوين
و عُــــمري انا لي فيه ما قالو قــــــــــَوّال
كــــنت صادّة ماني من المغــــــــــــرومين
ما تسهــّرني نجمة و لا يغلبني خيــــــــــال
و لا تــَغويني لمعة من غـَمزة العَـــــــــــــين
و لا تــَسْـلبني حتى مشية لـــُــــــــــــــــغزال
*******
و اتــْقـِلبت بيا لحوال حين شُــفت الزيـــــــن
منو يا ختي راني و الله في لــــــــــــــــهبال
من قـِدّو نايا صابتني عـِلـْـتـَـيــــْــــــــــــــن
علة في القلب هواه هو سيــــّـــــــــــــــــــــال

و لخرى في الجاش ما عرفت لِـــفــَــيــْــــــن
في قلبي و عروقي هو صـــال و جــــــــــال
*******
صَوّرتو حاجب يـَعلى على العــــــــــــــــين
و الرمش حذاه للعين مـــيــــــــــــــــــــــّال
و شربتو كاس محلاه و بنــــــــــــــــــــين
و غَــنــّيتو بكــْلام و احْــلى مــــــــــــــــــوّال
و وشمتو وشام في وسط الجبيــــــــــــــــن
و عَــلــّيتو على الراس تاجــي و امْــــــوال
و رسمـــــتو فارس من المـــــــــــــــغوارين
برمــــشو سابق حليلي هو قتــّـــــــــــــــال
و حـــــلمتو منام هادي و حنــــــــــــــــــــين
و عَلــّــقتو في سمايا نجمة و هـــــــــــــــلال
و طلبتو ليـــا زادي و عـــــــــْــــــــــــــوين
بين الحا و البا معايا رحـــــّــــــــــــــــال
*******
و يا ســــامع علاش تقول عليا مسكيــــــن
و علاش تقول راها و الله في لهبــــــــــال
حسراه نا حسبت قــلــيبي هوَ متيـــــــــن
ما يـتـنـهـّد و ما يدخلو ســـــــــــــــــــوْال
و لا تضحك عني دالتك تحضر في الحين
ياك العشق قالو سـَوّى ما بين جبـــــــــال
*******


هو رْبـيـعي و وَرْد الخـــدّيــْــــــــــــــــن
و هو عشقي قــليبي لـــــــــــــــــــيه ذلا ّل
ما هو بسلطان..؟ و لا عندو قصر متين
و لا هو بجمال..؟ و ما وصفتو بخيـّـال
ذا بن المعلوم بن لغواطــــــــــــــــــــــين
و لغواط المعلوم عَلـْموه الرجــــــــــــــــــال