تسجيل الدخول

السلام عليكم
تابعوا وصفاتي في هذا الرابط
http://jawahir.echoroukonline.com/articles/2418.html

**مائدة اليوم السابع من شهر رمضان **
بيتزا بالعجينة المورقة المحشوة بالكفتة والجبن
المقادير :
-عجينة مورقة

للحشو :
-الكفتة (اللحم المفروم) أوالدجاج ، زيتون مقطع الى دوائر،الجبن القطع والمبشور ، حبة بصل مفرومة ، حبة طماطم مفرومة ،زعتر ،1/2ملعقة ملح و1/2 ملعقة فلفل اسود ،الزيت زيتون للقلي .
طريقة تحضير الحشو :

- في مقلاة نضع زيت زيتون ونقلي البصل المفروم جيدا حتى يدبل ثم نضيف الكفتة ونقلبها ..
- بعد ماتنضج نضيف الطماطم والملح والفلفل الاسود ونتركها تنضج على نار هادئة .

- نفرد العجينة المورقة و نحط على سطحها الحشو والجبن القطع ونرش عليها الجين المبشور

- في الاخير ندهن الاطراف بالبيض و نغطيها بعجينة اخرى و نغلق جيدا الاطراف و ندهنها بصفار بيضة ..

- بسكين نحاول ان نضع خطوط ونحط حبات الزيتون .

- نضعها في الثلاجة للتتماسك قليلا وندخلها الى الفرن المسخن مسبقا في درجة حرارة 180 درجة .

ملاحظة :

- قبل ما نحط العجينة في السينية لازم نرشها بالماء لكي تسااعد في انتفاخ العجينة المورقة .


**************************************************
- طاجين اصابع المارقاز(النقانق) بالدجاج

-

مقادير المرق الابيض :
قطع الدجاج ، بصل مفروم ، فص ثوم، ملعقة ملح ،1/2 ملعقة فلفل اسود، زنجبيل ،ملعقة صغيرة زبدة ،فطر معلب

مقاديراصابع المرقاز (النقانق)

صدر دجاجة ، 500 غ نقانق ،البقدونس ،ثوم، ملح وفلفل اسود

طريقة تحضير المرق الابيض :

- في طنجرة نضع الزبدة ، قطع الدجاج ، بصل المفروم وملح والتوابل.
- نقلبها جيدا بملعقة خشبية ، ثم نضيف مقدار فنجان من الماء ونتركها تطهى على نار هادئة .

طريقة تحضير اصابع المارقاز بالدجاج :

- في هذه الاثناء نحط النقانق في مقلاة على نار هادئة من دون اضافات حتى يطلق كل المواد الدسمة فيه ويتحمر .

- نفرم صدر دجاجة ونتبله بالبقدونس والملح ،فلفل اسود والقليل من الثوم.

- فوق طاولة العمل نضع كيس بلاستيكي ونحط فوقه الدجاج المفروم المتبل و نغطيه بكيس بلاستيكي اخرونحاول حله بالنشابة .

- نلف المرقاز (النقانق) على الدجاج وسنتحصل على اصابع المرقاز.

- في مقلاة نحط كمية قليلة من الزيت ونحمرهم قليلا حتى يكتسب اللون الذهبي.

- من بعد نحط اصابع المرقاز في المرقة البيضاء ونتركها تطهى على مهلها حتى نتحصل على صلصة خاثرة نوعا ما.

- في نفس المقلاة التي حمرنا فيها الدجاج نحط فيها كمية من الفطر المقطع لعدة دقائق من بعد نضيفه للصلصة البيضاء .

- بعدها نقطع اصابع المرقاز بشكل طولي ونحط على حواف صحن التقديم وفي الوسط نحط الدجاج بعد مانحمره ونسقيه بالصلصة .

- نزينه بشرائح الليمون والبقدونس ونقدمه .
***********************************************

سلطة البطاطا

المقادير :

200 غ بطاطا المغلاة في الماء ،2ملاعق مايوناز عصير ليمون ، زيت الزيتون، علبة تونة بالزيت ، ½ ملعقة ملح و رشة فلفل اسود، 2 حبات بيض مسلوق ،سلطة الخس المتبلة ،جزر مفروم متبل ، الشمندر مقطع والمتبل ، كورنيشون (مخللات)، ذرة ، حبات طماطم صغيرة ،زيتون الاخضر.

التثبيلة :

عصير ليمون، زيت الزيتون،1/2ملعقة ملح ،رشة فلفل اسود –ملعقة مايوناز.

طريقة التحضير :

- نسلق البطاطا في ماء مملح ثم ننزع القشرة ونقطعها الى قطع صغيرة .

- نحضر التثبيلة مايوناز ،عصير الليمون،زيت الزيتون ، ملح والفلفل الاسود

- في ايناء نتبل قطع البطاطا المسلوقة ونضيف لها علبة التونة والبيض المسلوق المقطع ونحركها جيدا .

- في صحن التقديم نحط اوراق الخس المتبلة والبطاطا في وسط الصحن ونزين الشمندر والجزر على الجوانب ونحاول تزينها بالمخللات والزيتون والذرة .

- في الاخير لك الاختيار في طريقة التقديم والتزين .
**********************************************
- تحلية كريمة الكابريس والمورانغ


المقادير:
30 حبة كابريس ،2 حبات بيض، ½ لتر حليب ،2ملاعق نشاء،2ملاعق سكر عادي
مقادير المورانغ :
2حبات بياض بيض ،ملعقتين سكر ، فانيليا
طريقة التحضير :

- اول شيئ نفصل البياض عن الصفار
- نمزج صفار البيض مع الحليب البارد ،سكروالنشاء .
- نذوب الكابريس مع القليل من حليب ثم نضيفه للخليط الاول .
- نحركه جيدا حتى يتخثر الخليط ويعمل فقاعات ثم نفرغه في اكواب التقديم .
- من جهة نخفق بياض البيض على حمام مائي ثم نضيف له ملعقتين سكر والفانيليا ونخفق جيدا حتى نتحصل على مورانغ .
- لما تبرد المورانغ نضعها في كيس حلواني ونعمل وردات ثم نحمرهم باستعمال الشاليمو.
- وممكن تتركيه باللون الابيض عادي ورشي عليها سائل الكراميل ورقائق اللوز،و تقدم باردة .

السَّلامُ علَــــيكُم

الله يبارك ماشاء الله
حقا يشهو يا طاطا ، فقط عندي تعليق على الطبق الرئيسي ، كما حطيتي الرولي ماتولهتيش للقطع كان قلبتيهم للجهة الاخرى ، شوفي الكوتي الايسر مش كما الكوتي الايمن ماتزعفيش هذي ملاحظة من الشاف أميرة هههههههه
وتعليق على الحلى راه جاي حلو بزاف الشكر والكابريس بانلي حلو ولا لا لا ؟؟ خطركش درتي ثلاثين حبة و السكر في نص لتر حليب ، أيا وزيدلها حلاوة المورانغ ماتزعفييش ، بش نجربو حنى فالدار ماناكلوش لحلاوة بزاف ربي يعطيك ماتتمناي

أسْتَغْفِرُ الله وأتُوبُ اليْه

سوفي انا حطيت المقادير وانت ديري على حساب ذوقك
وديري في بالك بعض الوصفات ماشي انتاعي حطيتها بتواقيعها لضمان الحقوق

شكرا على النصائح راح ناخذها بعين الاعتبار

اختيار موفق يا كتشيعة كاين بزاف اطباق الشروقيات علاش روحتي لام اماني والتحلية نتاع الكابريس عندنا خدمتها انا ودارتها اماني ايضا ربي يوفقك حبيبتي

مائدة تشهي
يعطيك الصحة ام خير الدين

الله يبارك
يعطيك الصحة يا الشاطرة

يا سلام كل شيئ يشهي يعطيك الصحة أم خيرووووووووووووو

الله يسلمك اختي اشرااق ليك وحشة كبيرة
صح صيامك ورب يتقبل ان شاء الله

تسلميلي حبيبتي اوتاااار ..
توحشنااااك صح رمضاانك
تسلميلي اميرتي
اسكتي برك يقولك ختامها مسك اكيد راح ندرج وصفات شروقية
ونزيدك حااجة حطيت الوصفات قبل رمضان راني افونسي الخدمة حتى مديرة جواهر عجبتها الفكرة
واك تعرفي كوناكسون لي عندنا
الله يسلمك حبيبتي ام ريااان صح رمضانك

أم خيرووووو هنا يا مراحب


يعطيك الصحة أعطيني الأفكار لكي أنوّع الأصناف في رمضان


ربي يحفظك و يحفظ خيرو حبيب خالتو

أم زيد حبيبة قلبي
ليك وحشة كبييييييييييرة غاليتي
عساكي بخير ان شاء الله