تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
محمد سعيد ريال
عضو فعال
  • تاريخ التسجيل : 06-03-2015
  • المشاركات : 211
  • معدل تقييم المستوى :

    10

  • محمد سعيد ريال is on a distinguished road
محمد سعيد ريال
عضو فعال
صِيَّامْ القَلْبْ وَ الجُوَارَحْ
01-06-2017, 02:44 PM
صِيَّامْ القَلْبْ وَ الجُوَارَحْ
بِسْمِ الوَهَّابْ بَاشْ نَبْدَا نَتْرَجا وَ هَبْ النّْظَامْ -- وَ اللِّيلَة لِيلَةْ الصِّيَام
وَ القَلْبْ الهَادِي إمَامُه -- قَيُّومْ الأرْض وَ السّْمَاء
وْ نَثْنِي بَالصَّلَاةْ عَنْ مَنْ جَانَا بَالحَقْ مَلْهَامْ -- نَابِينَا شَافَعْ لَسْلاَمْ
تَبْلغْ سِيدِي إلَى امْقَامُه -- ضِي ؤ دِيجَانْ دَايْمَا
وَ ارْضَاةْ الله عَلَى لَصْحَابْ فِي سَايَرْ الدَّوَامْ -- عَنْ أمَّةْ خِيرْ الأنَامْ
ذُوكْ اللِّي يْرفَعُوا اعْلاَمُه -- وَ العُلاَمَاء امْلاَمَّا
وَ بَعْدْ يَار مَنْ يَسْغَنِي نَقْطَفْ مَنْ غَرْسْ الكْرَامْ -- مَشْمُومْ ايْفُوحْ بَالنّْسَامْ
طَاهَجْ نَهْدِيهْ فِي اكْمَامُه -- لَلْأمَّة حِيثْ صَايْمَا
(الحَربَة)
هَلْ اهْلاَلُه وْ بَانْ ضِيُّه شَهْر إيجِينَا فْكُلِ عَامْ -- يَغْسَلْ القُلُوبْ وَ الجْسَامْ
ؤسَعْدْ مَنْ صَامُه وْ زَادْ قَامُه -- وَ اعْنَا بَاهْلِ المْرَاحْمَا
(مطلَع)
الصُّومْ إلَى يْكُونْ وَارَعْ -- يَرْفَعْ مُولاَهْ عَزْ رَفْعَة
صُوَّمْ اليَدِّينْ مَا اتْدَافَعْ -- صُوَّمْ رَجْلِيكْ مِنَ الدَّلْعَة
صُوَّمْ لَثْمَادْ وَ المْسَامَعْ -- وَ لِسَانَكْ حَقْ للِيهْ تَرْعَى
(بيت)
غَضْ ابْصَارَكْ عَنِ الشُّوفَة الخَبِيثَة شُوفَةْ اللِّئامْ -- شُوفْ الشُّوفَة ذَالغُشَامْ
مَا جَابُوا مَا الدَّاوْ هَامُوا -- فِي الطَّاعَة وَ المسَالْمَة
صُوَّمْ خَطْوَاتَكْ أ صَايَمْ ثَبَّتْ بَاصْيَامَك القْدَامْ -- تَبْلَغْ بِيهُمْ المْرَامْ
ؤ قُومْ اللِّيلْ فِي اظْلاَمُه -- صَلِّي وَ النَّاسْ نَايْمَا
رِيَّضْ نَفْسَكْ وَ اتْوَاضَعْ بَالسُّنَة كُونْ مُلْزَامْ -- سَلَّمْ وَ ارْحَمْ تُرْحَام
وَ اللِّي يَعْنَى بْإسْلاَمُه -- يُبْعَثْ مَعَ اهْل الحْمَى
مَا شَاء الله عَنْ صِيَامْ الوَرَعْ وْ مَنْ لِيهْ رَامْ -- يَظْفَرْ بَغْنَاهْ وَ المَرَامْ
سَعْدْ اللِّي دَارْلُو امْرَامُه -- فِي حَالْ ابجُوعْ وَ الضَّمَاء
(الحربة)
هَلْ هْلاَلُو بَانْ ضِيُّه شَهْرْ إيجِينَا فِي كُلْ عَامْ -- يَغْسَلْ الَقْلُوبْ وَ الجْسَامْ
سَعْدْ مَنْ صَامُه ؤ زَادْ قَامُه -- وَ اعْنَى بَاهْلَء المْرَاحْمَة
(مطلع)
كُلْ مَا قُلْتْ يَا السَّامَعْ -- لِيَا قُلْتُه ابْغِيتْ نُوعَى
قَالَتْ لحْبَارْ قُولْ شَايَعْ -- بِينْ ضُلوعْ العِبَادْ أفْعَة
فِي الحَسَانَاتْ كَا تْمَانَعْ -- للسِّيَا كَا تْزِيدْ دَفْعَة
(بيت)
وَ اعْلِيهَا كَا نْقُولْ لِيَا تُوبْ عَلَى فَاحَشْ الكَلاَمْ -- وَ اتْرُكْ مَنْ رَايْدْ الخْصَامْ
وَ كَلاَمْ السؤ يَا اشْئَامُه -- خلأِّيهْ النَّاسْ صَايْمَا
لاَ تَغْتَبْ لاَ تْنَمْ لاَ تَشْهَدْ زُورْ لاَ تُوصَلْ الحَرَامْ -- طِيعْ الرَّحْمَانْ وَ اسْتَقَامْ
وَ اسْغَى لَقْوَالْ مَنْ فَهْمُوا -- وَ اسْتَعَدْ للدَّايْمَة
هَدَّنْ بَاصْيَامَكْ الجُوَارَحْ وَ افْطَمْهَا غَايْتْ الفْطَامْ -- عَنْ فَعْلْ الشَّرْ وَ المَلاَمْ
شَهَرْ رَمْضَانْ مَنْ شِيَّامُه -- يَنْشَرْ نَسْمَة امْنَسّْمَا
وَ ايْصَفِّي الذَّاتْ مِنَ القَطْرَانْ ادْيَالْ إيَّامْ وَ ايَّامْ -- وَ اشْهُورْ افْنَاتْ وَ العُوَامْ
الصُّومْ عْلاَجْ فِي احْكَامُه -- حِكْمَة وَ اسْرَارْ حَاتْمَا
(الحربة)
هَلْ اهْلاَلُو بَانْ ضِيُّه شَهرْ ايْجِينَا فِي كُلْ عَامْ -- يَغْسَلْ القُلُوبْ وْ الجْسَامْ
سَعْدْ مَنْ صَامُه وَ زَادْ قَامُه -- وَ اعْنَى بَاهْلْ المْرَاحْمَة
(مطلع)
زِيدْ يَا رَاسِي قْرَا ؤ طَالَعْ -- فِي كْتَابْ الله رَاكْ تُوعَى
اقْرَا ابْوَرْشْ ؤُ نَافَعْ -- وَ احْدِيثْ الرَّسًولْ مُتْعَة
لاَ تَقْهَرْ حَد لاَ اتْنَازَعْ -- وَ ارْبِيعْ الوَقْتْ يَتّرَاعْ
(بيت)
لُو تَعْرَفْ وَاشْ رَاهْ يْرْجَاكْ لاَ كُنتْ اتْعِيفْ الطَّعامْ -- مُوحَالْ ايْجِيكْ المَنَامْ
كِيَّتْ مَنْ بالجرَامْ قَامُوا -- خَسْرُوا وَقْتْ المْحَاكْمَة
وِينْ الشُّجْعَانْ وْ مَنْ بْنَاوْ القُصُورْ وْ شَيْدُوا اهْرَامْ -- البَقَاء لله وَ الدَّوَامْ
فُرْسَانْ اغْوَالْ وَ انْهَزْمُوا -- وَ الدَّنْيَا لِيسْ دَايْمَا
لِيكْ أرَاسِي كَا انْوَصِّي تَعْمَلْ زَادَكْ بألقُوَامْ -- الطَّرِيقْ اصْعِيبْ لَلْمَقَامْ
امْظَلَّمْ شِينْ لِمَنْ ظَلْمُو -- كِيَةْ مَنْ كَانْ نَاقْمَا
زِيدْ أ رَاسِي حَنْ فِي أهْلَكْ وَ الضُّعَفَاء وَ اليَتَامْ -- ؤ تَمْ قَوَاعَدْ الاسْلاَمْ
أَهْلْ الله فِي النَّعِيمْ دَامُوا -- مَا صَابَتْهُمْ طَامَّة
(مطلع)
هَاكْ آرَاوِي قَصِيدْ نَافَعْ -- لَطْرِيقْ الحَقْ بِيكْ يَسْعَى
وَ ادْعِي لِيَا انْكُونْ وَالَعْ -- بَالصَّبْحْ ؤ مَا انْرُومْ بَدْعَة
انْزِيدْ انْرَصَّعْ التّْرَاصَعْ -- نَطْرَبْ لَصْحَابْ كُلْ جُمْعَة
(بيت)
مَهْمَا الضَّامِيرْ قَالْ لِيَا بَعَّدْ مَنْ سُوقْ الزّْحَامْ -- ؤ دِيرْ الفُمَّكْ اللّْجَامْ
اصْحَابْ الذِيقْ وِينْ نَامُوا -- شُرْفَاء وَ اعْوَامْ عَامَّة
كَمْ مَنْ مَغْرُورْ غُرْ بِيهْ الشَّيْطَانْ ؤُ تَاهْ فِي الوْهَامْ -- مَا اغْنَمْ صَلاَتْ لاَ صِيَّامْ
عَاشْ ابْهِيمَة فِي اوْهَامُه -- مَا بِينْ احْنَاشْ سَامَّا
كَمَّنْ بَيْدَقْ حَاصَلْفِي وَادْ الضَّمَاء كَا يْضُنْ ضَامْ -- وُ زَادْ البَحْرْ اللّْطَامْ
لاَحْتُه لَمْوَاجْ لَعْدَامُه -- غَرَّقْ نَفْسُه الضَّالْمَة
غَابْ العِيَّارْ رِيتْ لَحْصَى وَ الجُوهَرْ عَادُوا اتْوَامْ -- وَ الكَلْخَة تَشْبَهْ الحُسَامْ
أوَّلْ الكْلاَمْ وَ اتْمَامُه -- الصَّلاةْ عَنْ بُو فَاطْمَة
وَ اسْلاَم الله للشْرَافْ الطُّلْبَا وَ افْحُلْ النّْظَامْ -- دُونْ اللِّي شَوْهُوا الكْلاَمْ
سَارَقْ وَ ايْقُولْ مَنْ كْلاَمُه -- بَامْعَانِي غِيرْ تَامَّة
وَ اسْمِي عُمَرْ بُورِّي رُودَانِي بَالله مُغْرَامْ -- وُ سِيدْ العَرَبْ وَ العَجَامْ
عَاشَقْ زُورَة فِي امْقَامُه -- وْ نَدْرَكْ حَجَّة امْتَمْمَا
نَسْعَى رَبِّي ايْكُونْ لِيَا مَنْ لاَ يَسْهَى وْ لاَ ايْنَامْ -- فِي يُومْ انْفَارَقْ الرّْصَامْ
يَحْشَرْنِي بِينْ مَنْ اغْنَامُوا -- مَولاَيَا رَافْعْ السَّمَاء
هَلْ اهْلالُو وْ بَانْ ضِيُّه شَهْرْ ايْجِينَا فِي كُلْ عَامْ -- يَغْسَلْ القْلُوبْ وَ ابجْسَامْ
سَعْدْ مَنْ صَامُه وْ زَادْ قَامُه -- وَ اعْنَى بَاهْلْ المْرَاحْمَة

تمت بعون الله. نظم الشيخ عمر بورِّي.
التعديل الأخير تم بواسطة محمد سعيد ريال ; 24-09-2017 الساعة 01:04 AM
  • ملف العضو
  • معلومات
عبد العزيز شرفوح
شروقي
  • تاريخ التسجيل : 09-09-2012
  • الدولة : الجزائر
  • المشاركات : 1,600
  • معدل تقييم المستوى :

    13

  • عبد العزيز شرفوح will become famous soon enough
عبد العزيز شرفوح
شروقي
  • ملف العضو
  • معلومات
محمد سعيد ريال
عضو فعال
  • تاريخ التسجيل : 06-03-2015
  • المشاركات : 211
  • معدل تقييم المستوى :

    10

  • محمد سعيد ريال is on a distinguished road
محمد سعيد ريال
عضو فعال
رد: صِيَّامْ القَلْبْ وَ الجُوَارَحْ
16-06-2017, 02:00 AM
اقتباس:
المشاركة الأصلية كتبت بواسطة عزيز رستمي مشاهدة المشاركة
بارك الله فيك
مختارة رائعة
شكرا سيدي الفَاضل عَلى المرور بَارك الله فيك
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 06:53 PM.
Powered by vBulletin
قوانين المنتدى