تسجيل الدخول

أرجوكم إخوتي الكرام
شريت تابليت كوندور كانت تمشي لاباس بيها ومن بعد بلوكاتلي قعدت زماااااااان نستنى بصح والو وليت طفيتها وضرك ماحبتش تشعل
الله يستركم لي عندو معلومات يفيدني بيها

السلام عليكم و رحمة الله
اضن هناك مشكل فلاش
يعني اديها لكشا خبير في التليفونات يفلاشيها
مايشن عراف الفلاش تاعها كم ثمنه

احتمال كبير كما قتلكة يكون راحلها الفلاش
و الله اعلى و اعلم

رجعيها للمحل الذي اشتريتي منها
للاسف في الجزائر ليس لدينا شهادة الضمان الخاصة بالأجهزة الكهربائية

يا اختي اكيد لاشجار راحتلها حطيها تشارجي اولا ثم حاولي تشعليها واذا لا اعملي لها فورمات ساعطيك الطريقة اذا مشى الحال

شكرا جزيلا لكم على المعلومات القيمة
أم زين الدين أفيديني أكثر من فضلك
راني درتها نشارجا وراني نستنى تنعتيلي كفاه نديرلها فورمات

gire edi ermiha 5ouya ladach tzid tech3a 3andi wahda rahi wed3at nefs lproblem

صحيتو خاوتي استفدت منكم بزاف
راني حليت المشكل الاول وضرك نحوس نتيليشارجي بيها ابليكاسيون مثلا العاب ولا آذان وكذا . بصح ماقدرتش نتيليشارجي من play store ولامن condor stor مع اني حليت ايميل باه نمشي بيه التابليت لي عندو معلومات يفيدني بيها ولي يعرف كيفية تحميل البرامج يقولي الخطوات وجزاكم الله خيرا

السلام عليكم

ختي ماقريتش من قبل بصح التابلات عندها reset
من ثم درتها لتاعي انا و عاودت مشات
و لي أبليكاسيون تاعها تيليشارجيتهم من الأنترنيت و فوتهم للتابلات بلكابل


أرجو انني أفدتك و لو قليلا
و نصيحة جامي لا تخلي لاشارج تاعها تطيح بزااف و ماطفيهاش و تعاودي تشعليها بزااف لا تروح فيها

السلام عليكم
تابليتْ بصفة عامة مانيش معاهم سيرتها لكانو من النوع رخيس
يعني تابلات لي باغي حاجة مليحة يشري تاع 3 ملاين وطلع وفي حالة الاقل بورتابل احسن منهمْ باضعافْ
كل واحد وظروفوْ
الوغ نرجع للمفيدْ :
باه تيلشارجي تطبيقات الامر سهل جدـآ عندك حلان : كوسنطري معايا مليحْ :
اما تدخلي متجر وهو play store تخرجلك واحد نافذة يطلب منك تحطي بريد الاكلتروني تاعك وكلمة المرور باه تقدري تدخلي للمتجر وتيلشارجي منهو
البريد الالكتروني الا وهو : البريد الذي سجلتي بيه في المنتدى
الباس : الباس يكون تاعو مشي اي باس ديريه
نظن كل شيئ مفهوم الوغ
نرجعو للحل الثاني الا وهو انك تديه لكانش محل مختص بلبورتبلات يوريلك كيفاش تيلشارجي ولا هوا يعطيك ابلكسيو من PC تاعو اذا كان موجود عندهْ ،،

موفقة